MATTHEW 4:23 - Sümi Tiqhelimi Bible

²³ Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

BAIBEL (BSI)

²³ Jisu no Galil qha kumtsulo wupuzu Sinagog lo timiqo kutsu eno akukayeh wu lokivipu sutsa pesu asheshu, eno timiqo gholo akusu puaghikeu jeli eno kusukini shi aghi keu jeli kumtsu pano shipivitsu.

Sumi Naga CL (Re-edited) Bible (BSI)

²³ Jisü no Galilee qha kümtsü lo wuno sinagog lono timiqo shika, kungugha yekipe tsakiviu pesü sheshu, eno aküsü aghime jeli kümtsü shipivi tsü.

MATTHEW 4:23 Iomraidhean Croise

MATTHEW 11:5

Anhethi kighichemi no ithulu ani, apukhu kinitave kemi no alachelu ani, apügha kupumiqo shikimtheve ani, akìní kughupomi no chilu ani, kithimi xüputhuve ani, eno tsakiviu pesü athokhami lau asheshu anie.

MATTHEW 12:9

Pa no a-a tile no chesü panoqow synagog lo iloe,

MATTHEW 13:19

Khukhumu akükaphu kükütsü sütsa ghili chilu no tipau vethalumove kelo, küsaküghau no ighino kiu amlo lo xusü püani keno süxa pesü wuve cheni. Hiye apitì alaphe lo xusüve keu kiqi ke.

MATTHEW 13:54

Pa no pa punugha lo ighino panonguw synagog lono timiqo kütsü thuve, ikelo panongu ye akümzave. Eno panongu no ishi iniju ae, “Timi hipau ye khile no alokütsü hipau eno akümzapu küká hipaqo ithulu kea?

MATTHEW 14:14

Kughou azü mükü toluve püzü Jisü no timi kutomo ithulu keno, pa ye panongu ju pesü kimiyeqhiyive eno panonguw küsükiniqo shipivi tsüe.

MATTHEW 24:14

Eno Alhou kükaphu tsakiviu hipau no thopi lakhi shi ayeghiqha kümtsü lau kütsüwu nani, eno tithiu no ashekha tsalà ighi nani.

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

MATTHEW 9:35

Jisü ye mishiphu eno aphuqo kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

Mark 1:14

John pesü akughuki lo sǘve kethiu Jisü no Galilee lo ilo eno Alhou tsakiviu pesü asheshue.

Mark 1:21

Panongu no mishighüna Capernaum lo wue eno Sabbath tsalani Jisü no Synagog lo ilo no kütsü thuve.

Mark 1:39

Ikehu pa no Galilee qha kümtsü lo Synagogqo lo kütsü eno tüghaküsaqo haphe ghi kicheghüzü shi.

Mark 3:10

Kughengu pa no timi kutomo shipivive kehu aküsǜ jeli xapu akemiqo no pa bu niye tuhakilesü azüu ighi ae.

Mark 6:2

Sabbath tsalani Jisü ye synagog lo kütsü ae, eno pa tsa chikulumi kutomo no akichiqhive. Panongu no ishi iniju, “Timi hipau ye khilau no hipaqo kükümsü ithulu kea? Alokütsü pa tsüpüa keu hiye kiu kea? Pa no akümzapu kümlà hipaqo shi akeu ye kiu kea?

Mark 6:6

Pa ye panongu küpülü küküha ju pesü akümzave ke. Tisheno Jisü ye ache-axü lo aphu lakhi lono lakhi lo kütsüsü wue.

Luke 10:9

Küsükinimi tile akeqo shipivi lo eno panongu vilo pilo, ‘Alhou kükaphu ye nongu lau kupunú ighivae.’

Luke 13:10

Sabbath tsalà lo Jisü ye Synagog lakhi lo kütsü ae,

Luke 16:16

“John Baptiz kishiu kutólo ye Moses no süghi keu yeza eno Tungkupumiqo no pikeu tsaqo pesü asheshu ache. Tile no huthusü Alhou kükaphu tsakiviu pesü kütsü acheni, eno kümtsü no hile ilo nike anguka shi acheni.

Luke 20:1

Ghulo lakhi Jisü no achineki khalau timiqo kütsü eno atsakiviu pesü asheshu akelo achinetomi ngò ayeza kükütsümi, eno kichimiqo küqha no pa lau ighie.

Luke 4:14

Jisü ye Aghungu küká lono Galilee lo ideighi, ikelo aphughi sükümxa kümtsü lo pa ghili pikülha wove.

Luke 5:17

Ghulo lakhi Jisü no kütsüa, eno Phariseemi ngò ayeza kükütsümiqo ghí tile iqa ae. Panongu ye Galilee, Judea eno Jerusalem noqo phu kümtsü lono ighi. Eno Alhou’w shipivi kulupu küká Jisü gholo ae.

Luke 6:17

Jisü no panongu gholo iqi no aqa lo puthugho pe ngoe. Pa pape chekemi timi kutomo tile ae eno Judea qha kümtsü lono, Jerusalem, Tyre eno Sidon yeghi lo azü mükü lo aphughi akeqo lono timi amqo kijè lakhi ighie,

Luke 6:6

Sabbath tsalà kütau lakhi lo Jisü no Synagog lo ilo no kütsü ae. Eno au ithamlave kemi lakhi tilehi ngo ae.

Luke 7:21

Tipau tüqhüdo lo Jisü no aküsǜ jeli, küsükinimi eno tüghaküsa ghawu akeqo kutomo shipivi tsü, eno anhethi kighichemi kutomo pelo ithuluve pe.

Luke 7:22

Tisheno pa no John ghini-kishimiqo vilo khochile ghi pi: “John lau idechile wo püzü nongu no kiu chilu eno ithulu keno pesü pa vilo pilo: Anhethi kighichemi no ithulu ani, apukhu kinitave kemi no alachelu ani, apügha kupumiqo shikimtheve ani, akìní kughupomi no chilu ani, kithimi xüputhuve ani, eno tsakiviu pesü athokhami lau asheshu anie.

Luke 8:1

Tipathiu, Jisü ye Alhou kükaphu sütsa kiviu pesü asheshu ghi mishiphu eno aphu lakhi lono lakhi lo kicheghüzü shisü wu. Apostolmi chighikini ye pa gholo che,

Luke 9:11

ikemu aqokitikhi no ti ithive no pa papesü ighi. Pa no panoqo sasülu püzü Alhou kükaphu ghili pesü panongu vilo pi, eno khunoqo no shikipivi avehupu shi akeno tipaqo shipivi tsüe.

Luke 9:60

Jisü no pa vilo pi, “Kithimi pelo kithimi kumo shiqho apelo, ikemu no ye wu no Alhou kükaphu ghili pesü asheshu lo.”

John 18:20

Jisü no khochile, “Ni ye ikhikiphe shi ayeghilomi vilo pivae. Ni ye alhokuthu Jewmiqo kümtsü no ighino kumqo chekeu-a synagogqo momu achineki lo kütsü achenie. Ni ye tuqhou shi kiumu pipüamoe.

John 6:59

Jisü ye Capernaum lo synagog lo kütsü ake lono hipau tsa pike.

John 7:1

Hipathiu Jisü ye Galilee qhalo wue. Jewmi sakiphemiqo no pa pìthíve niye kuchughu ake ghenguno pa ye Judea qhalo wuni shimo no ake.

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 18:4

Sabbath tsalà kümtsü synagog lo wu no Jewmi eno Greekmi pütsaqhi niye küptsa-kiqiju ache.

Apostolmi 20:25

“I no ithi anie, nongu khunoqo gholo I no Alhou kükaphu ghili pesü asheshu ache keno, hinguno hilau ye khilemu I ju ithulu kithe müla nani.

Apostolmi 28:31

Pa no akumto shi Alhou kükaphu ghili pesü asheshu ache eno kiumu lakükha küha no Ampeu Jisü Khristo ghili pesü kütsü ache!

Rommi 10:15

Eno khukhumu puwumo kelo ye kíshi no akükütsü sütsa pikülhani kea? Kuchoyesü lo ishi yèpüa keu toi: “Atsakiviu pesü ighi chekemi pukhu ye kiutoi akümzapushi jukivi kela!”