MATTHEW 27:51 - Sümi Tiqhelimi Bible

⁵¹ Tishi kemtsa, achineki lo nhaqhiphi hu no atsǜqo lono abò kutólo ixü kütüta kini shive. Ayeghi no itha, atuqo no amta lono ipokütüta shive

BAIBEL (BSI)

⁵¹ Tileno Judami chinekilo kokuthabo phi atsuqa lono abophi kutolo ala-kini shi suxu kututashive. Ayeghi sukughutha eno atuquqono ipokututa shive,

Sumi Naga CL (Re-edited) Bible (BSI)

⁵¹ Eno julo, achineki lo kokütha tozü shi nhaqhiphi achekeu ye akütsüqa lono abophi kutolo ala kini shi ixü kütüta shive. Tishino ayeghi itha thuve eno atuquqo no ipo kütüta shive.

MATTHEW 27:51 Iomraidhean Croise

MATTHEW 27:54

Kughou aqhe shou zatsüu eno pa gholo Jisü khe akemiqo no ayeghi küghütha eno kiu shi akeno ti kümtsü ithulu keno, panongu ye kichi-mamaive no akichiqhi ghi ishi pi, “Pa ye kuchou no Alhou nue!”

MATTHEW 28:2

Tilehi ayeghi küghütha kijè lakhi ighie, kughengu Ampeu’w kungumi no kungugha lono iqighi, eno akumoki lo wu no atuqu tukulove tsü püzü tipau shou iqa ae.

Mark 15:38

Tishi kemtsa, achineki lo nhaqhiphi hu no atsǜqo lono abò kutólo ixü kütüta kini shive.

Luke 23:45

kughengu khetsünhe no yepüvümove. Eno achineki lo nhaqhiphi hu no ixü kütüta kini shive.

Luke 23:47

Aqhe shou zatsüu no, kiu shive keno ithulu püzü Alhou sheqhe eno pi, “Mütsüqhei no timi hipau ye akivimie.”

IBRIMI 6:19

Ningu ye angulho ghenguno lajupu hipau no akütshüpu-yi lakhi toi mutotoi eno sükusho ani. Tiye akimthe-a alou nhaqhiphi thiu ilo cheni,

IBRIMI 9:3

Nhaqhiphi akiniù thiu achebo lakhi Akimthe nguno Akimtheu-a ipi ku che,

Piyeküsü 11:13

Tipau tüqhüdo lo ayeghi küghütha kijè lakhi ighi eno mishighüna saje chighí lo lakhi ye kütsapinive. Ayeghi küghütha lono timi qhethonhe tsünì thive, eno aküxü achili shilu keqo ye akichiqhive no ajuküvü pesü kungugha Lhou lau tsüe.

Piyeküsü 11:19

Tile no kungugha lo Alhou chineki khaqhive, eno achineki alou paw puloshoqhi bohu akeu ithulu pe. Tile no tsütsüpha kulo ipeghi eno kong-kong shi tsütsü-küsü shi, ayeghi küghütha eno shishe murasü qie.