MATTHEW 24:3 - Sümi Tiqhelimi Bible

³ Jisü no Olive naghuto lo iqa akelo, pa khopemiqo no lomo shi pa lau ighi eno pi, “Ningu vilo pitsülo, tipaqo ye kughou no shikupu nani kea, eno nono ighi nikeu eno ashekha ghuloki michipu ye kiu kea?”

BAIBEL (BSI)

³ Jisu no Oliv toghilo iqa akelo, akhopemino lomo shighi pa lau ighi eno ishi iniju, “Kughono hi shini cheni keno nivilo pitsulo eno nono ighinikeu ngo hipa yeghi aghuloki shekha shini kelo kiu michipu shi nani kya?”

Sumi Naga CL (Re-edited) Bible (BSI)

³ Jisü no Olive Toghi lo iqa akelo, akhopemi no lomoshi ighi no pa vilo pi, “Kughou no hipaqo shinani eno no ikighi lo ngo tiqheli shekuho lo kiu michipu anani keno ni vilo pitsü nima?”

MATTHEW 24:3 Iomraidhean Croise

MATTHEW 13:36

Tisheno pa ye aqokitikhi qhive no aki lo ilove. Pa khopemiqo no pa lau ighino pi, “Alu lo alupiqo kimghi pìye keu hu ningu vilo hepho-piye tsülo.”

MATTHEW 13:49

Tihutoi ashekha ghuloki lo ghí tishive nani. Kungumi no ighino amikuchomiqo lau no küsaküghami küta shive nani

MATTHEW 15:12

Ikelo akhopemiqo no pa lau ighino iniju, “Phariseemiqo ye nono hipau pikeu chilu kelo panongu shikulosüve ake no ye ithi ani kema?”

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

MATTHEW 16:28

“Kuchou no I no nongu vilo pìní, I gholo akemi dolo khami ye Timi Nu kükaphu ithulu mphi züu ye akithí michemo nani.”

MATTHEW 17:19

Tithiu pa khopemiqo no Jisü lau lomo shi ighino iniju, “Kushiye ningu ye tüghaküsa haphe mülave kea?”

MATTHEW 21:1

Panongu no Jerusalem kupunúve no Olive Naghuto lo Bethphage lo ighi kelo, Jisü no akhopemi kini puwu

MATTHEW 24:27

Tsütsüpha kipelau ipeghi kelo kulolau ghí ithulu chekeu toi, Timi Nu ighi kelo ghí titoi nanie.

MATTHEW 24:30

“Tilehi kungugha lono Timi Nu akeu michipu ipeghi nani. Eno kughou Timi Nu atsütsǘ lo khüngküsü lono aküka eno ajuküvü kijè gholo no chekeu ithuluni keno, ayeghi lo timiqo kümtsü no qau khave nani.

MATTHEW 24:37

Noah tsalà ghuloki lo toi, Timi Nu ighi kelo ghí titoi shi nani.

MATTHEW 24:39

atshünazü no panongu kümtsü yimive no pesü wuvemo ke kutólo, panongu ye kiu shive nani keno kiumu mtha no ae. Timi nu ighi kelo ghí hitoi shi nani.

MATTHEW 24:43

Ikemu hi vethalulo: Tsalá aki mpeu no putho lo kiu tüqhüdo lono küpkami ighi nani keno ithi aghí ke aye, pa ye jukuto anani eno pa ki hephosü iloghi pemo nani ke.

MATTHEW 28:20

eno I no azah nongu tsüve keu kümtsü papelu penike panongu kütsü tsülo. Eno ni ye kuchou no, ashekha ghuloki kutólo pülhapuju nongu sasü ache nani.”

Luke 21:7

Panongu no iniju, “Akükütsüu, thime hipaqo ye kughou no shikupu nani kea? Eno hipaqo shikupu nikeu michipu ye kiu kea?”

Apostolmi 1:7

Pa no panongu vilo pi, “Nongu ye Apù no paw kükagha lono ado momu atsala pekithi pe püakeu ithi moayesa keu kumoe.

IBRIMI 9:26

Tishimo aye Khristo ye ayeghiqha lhopheve keu thiu ghuthu kutomo ime moayesave niche ke. Ikemu pa ye ghuthukhavi lono alhokupuju ghenguno pa likhi pa no aghakishi shive keu vechewo axiné peve nike ghenguno tiqheli kishekha lo ipeghi ke.