MATTHEW 24:11 - Sümi Tiqhelimi Bible

¹¹ eno kichileu tungkupumiqo kutomo ipeghi nani eno timi kutomo pishiqhi nani.

BAIBEL (BSI)

¹¹ Kichile tungkupmi kutomo ipeghi puzu timi kutomo sakughuzu sawuve nani.

Sumi Naga CL (Re-edited) Bible (BSI)

¹¹ Kichile tungkupmi kutomo ipeghi no timi kutomo saküghüzü nani.

MATTHEW 24:11 Iomraidhean Croise

MATTHEW 24:12

Küsakügha no thuwuve keu ghenguno timi kutomo mlo lo kikimiye mkove nani,

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 24:5

Kughengu kutomo no I je lono, ‘Ni ye Messiah ke,’ ipi ighi nani eno kutomo pishiqhi nani.

MATTHEW 7:15

“Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

Mark 13:22

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye, kisheluve kemiqo ghí pishiqhi niye shi nani.

Apostolmi 20:30

Nongu likhi nongu gholo no kuchou tuchighiveni kemi ghí ipeghive no küpülümiqo müsü sasü panoqo pape wuve pe nikeu shi nani.

1 Tim. 4:1

Ashekha ghuloki lo timi khami ye aküpülü pheve no pishikiqhi ghunguqo eno tüghami no shika keu thimeqo pape wuve nani kepi Alhou Ghungu no mütsümishei pivae.

2 Peter 2:1

Ikemu timiqo gholo ghí kichileu tungkupumiqo acheke, tihutoi nongu gholo ghí kichileu kükütsümiqo anani ke. Panongu no tuqhou no achineye hekibide kütsakungo keu kilethi nani, panongu ye panongu xachilelu keu Akughushu Mpeu kutólo milive nani—eno tipau no panongu likhi panongu shou paikhavi kütsakungo keu süghive cheni.

1 John 2:18

Kimiye chekemi anuliqo, hiye ashekhau tüqhüdo ke; eno Khristo lakichilemi chekeu nongu no chiluve keu toi, itehi ghí Khristo lakichilemi kutomo ighivae. Hitoi keu no ashekhau tüqhüdo kepi ningu no ithi nani ke.

1 John 2:26

I no nongu lau thime hipaqo yè akeu ye khunoqo no nongu saküghüzü niye pükapütsa ani keno panongu ghili yè anike.

1 John 4:1

Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.