MATTHEW 22:16 - Sümi Tiqhelimi Bible

¹⁶ Phariseemiqo no panongu khopemiqo eno Herod papemiqo puwu no ishi pipe, “Akükütsüu, ningu no ithi akeu ye no ye kikhikighimi eno Alhou laghi kuchou kiqi lono kütsü achenie. No ye kütami no züluve chekemi kumo, kughengu pano ye khuu keno no ye tipau akhotoshi chemo ke.

BAIBEL (BSI)

¹⁶ Ikehu panonguno panokhopemi khami pelo Herod laumi sasu kumtsa Jisu lau puwu. Tipaqono ishipi, “Kutsuchekeu ninguno ithi anike noye amikuchomi eno timi ghenguno Alhou pulou akeu vehu kuchou nono kutsu cheni, eno kutamiye kishi kumsu aghi nani kela ipi pi chemoe, kughengu noye timino ashouno kiu kiu thotsu shi aghinamu tipau jupesu kutuqukeu shichemoe.

Sumi Naga CL (Re-edited) Bible (BSI)

¹⁶ Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

MATTHEW 22:16 Iomraidhean Croise

MATTHEW 22:24

“Akükütsüu, Moses no pikeu ye tsalá timi lakhi no anuli shimo no thive aye, pa thiküzüu no pa nipu valuve no anuli-kughuko tsü püzü pa ghenguno saputhu tsü moayesae ipie.

MATTHEW 22:26

Titoi athiküzüu akiniù eno aküthüu ghí eno iqi akütsüniu kutólo ghí tishive.

MATTHEW 26:18

Jisü no khochile, “Mishighüna lo ilo no tilehi timi lakhi lau wu no ishi pilo, ‘Akükütsüu no pi anie: I do kughupe püakeu ye kupunúvae. Ni ye O ki lono I khopemiqo sasü Hechekulu ghulhu ikhiluni chenie.’ ”

MATTHEW 26:49

Judas no vejoi Jisü lau ighino, “Alo anikemo, Rabbi!” ipi no pa mümae.

Mark 10:17

Jisü no aghüzüla lo wuve niye kutò kemtsa timi lakhi pa lau po ighino iqi pa gizülo qhoqhünheluve. Eno pa no ishi iniju, “Akükütsüu akiviu, lhokta küxü ithulu nikeu ghenguno ni ye kiu shi moayesa kea?”

Mark 12:13

Hipathiu panongu no Phariseemi ngò Herod papemiqo khami hapesü Jisü tsa lono pa meluve nike puwu.

Mark 12:14

Panongu no pa lau ighino pi, “Akükütsüu, ningu no ithi akeu ye no ye kikhikighimi lakhi. No ye kütami no züluve chekemi kumo, kughengu panongu ye khuu keno no ye tipau akhotoshi chemo; ikemu no ye Alhou laghi kuchou ghili kütsü acheni. Imaye ningu no akükaqha zame Caesar tsü keu ye achipi keo mokea?”

Mark 3:6

Ikelo Phariseemiqo ye khalau ipeve no Herod papemiqo sasü kíshi no Jisü pìthíve nike no kuchughu thuve.

Mark 8:15

Jisü no panongu pikichive ghi pi, “Kutokupui lo, Phariseemi’w kholaqhi eno ti Herod’w kühakügha lichhe lono nongu likhi nongu jukuto alo.”

Luke 20:21

Ikehu pukujumiqo no Jisü vilo iniju: “Akükütsüu, ningu no ithi akeu ye no ye kiu no achipi keno tipau pi cheni eno shika cheni, eno no ye agi ju chemo ikemu Alhou laghi kuchou ghili kütsü acheni ke.

Luke 7:40

Jisü no pa khochile ghi pi, “Simon, ni ye O vilo kiuala pi kepu anie.” Pa no khochile, “Akükütsüu, I vilo pilo.”

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 18:37

Pilate no pi, “Tishiaye no ye akükau lakhi keshea?” Jisü no khochile, “Nono ni ye akükau lakhi kepi pi anie. Kuchou lo ye, I punú keu eno ayeghi hipau lo ighi keu kimiji ye kuchou thopi shipe niye ke. Kuchou küdau akemi kümtsü no I tsa chilu cheni.”

John 7:18

Khukhumu pa likhi pa no pi aye tiye pa likhi pa jekipi ghenguno pi anike, ikemu khuu no pa puwu keu jekipi phu cheni keno pa ye kuchou timi ke; pa ye kimikimi kumoe.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

2 Kor. 5:16

Ikehu ningu ye ayeghilomi gholau no timi khiumu chheju chemovae. Ghuthu lakhi ye ningu no hipau ghola lono Khristo chheju che kemu ningu ye tishi chemovae.

Galatiami 1:10

Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.

Galatiami 2:6

Khunoqo no akukuho lo sakiphemi shi acheni keno—panongu no kiu shi cheni keno tiye I ghenguno kiumu kütüqü keu kühae; Alhou ye agi ju chemoe—sakiphemi shi akeu ju-aje pesü I kükütsü sütsa lo kiumu süküqha akepu kühae.

1 Thes. 2:4

Ikemu, ningu ye Alhou no pulove tsü no atsakiviu pesü pichetsü kemi toi pi acheni. Ningu ye timi pulou shi niye ke kumoe, ikemu Alhou khuu no ningu mlo peju acheni keno pa pulou shini ke pükapütsa anie.

James 3:17

Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.