MATTHEW 21:41 - Sümi Tiqhelimi Bible

⁴¹ Panongu no ishi khochile, “Pa no ahaküsamiqo shou ahaküsapu shi pìthíve nani, eno pa no atsailu pesü mishichi chekemi kütamiqo pichíve nani, eno tipaqo no ghile hu ke ghuloki lo tüxatini pa saje tsü nani.”

BAIBEL (BSI)

⁴¹ Ikelo panonguno ishi pa khochile, “Pano tipanoqo pesu akithi kiji-kusashi pithive nani, eno atsayilu pesu mishi-chichekemi kutami pichive nani, tipaqono axathi xoluke tusholo pa saje achipishi tsu nani.”

Sumi Naga CL (Re-edited) Bible (BSI)

⁴¹ Panongu no pa khochile, “Pa no akithi kijiküsa pesü küsaküghami tipaqo tsü nani, eno atsailu pesü mishikulumi khunono axathi xoluke tusho lo asaje achipishi pa tsü nani keno tipaqo pichive nani.”

MATTHEW 21:41 Iomraidhean Croise

MATTHEW 21:34

Kughou ghile ghuloki kupunúve keno, pa no pa qemiqo hapesü pa ghenguno axathi xapughi peniye mishichi chekemiqo lau puwue.

MATTHEW 21:40

“Tighenguno, kughou atsailu mpeu no ighini keno, pa ye mishichi chekemi tipaqo shou kiu shi nani kea?”

MATTHEW 21:43

“Tighenguno I no nongu vilo pi anie, Alhou kükaphu ye nongu lau no ikhisüwuve no pesü khuno shiye no tipau pithikighishelu nani keno tipaqo tsüve nanie.

MATTHEW 3:12

Paw fuleve kepu thigha ye pa u lo ani, eno pa no pa niqa shikimtheve püzü pa thì pekütsü pesü ale lo sǘ nani ikemu amuu ye khilemu ghapinhe müla keu mi lono pitive nani.”

Luke 20:16

Pa ye ighino mishichi akemiqo pìthíve nani eno atsailu pesü kütami tsüve nani.” Kughou timiqo no hipau chilu keno, panongu no pi, “Alhou no kimiye no tishi pemoniu!”

Apostolmi 15:7

Tsaqüi küptsaju kethiu Peter no puthugho no panongu vilo pi: “Athiküzümiqo, nongu no püzüu no ithi akeu toi Alhou no nongu gholo no ningu kishelu püzü Jewkumomiqo pelo I kichí lono atsakiviu kükütsü sütsa chilu no pülülu peniye shike.

Apostolmi 18:6

Ikemu kughou Jewmi no pa lachile eno pipütha keno, Paul no alomishi pa phimini kuthó pìye püzü panoqo vilo ishi pi, “Nongu kithí ye nolikhi nongu makho ke! Tiye I makho kumoe! Hinguno hilau ni ye Jewkumomiqo lau wuni ae.”

Apostolmi 28:28

“Tighenguno I no nongu pelo ithi penishi akeu ye Alhou’w xakulu ye Jewkumomiqo lau puwuvae eno panongu no chilu nanie!”

Apostolmi 28:8

Papù ye aghamiki eno ajiküba no sǜ akeu ghenguno azüa lo dapesü ae. Paul no pa ju nike alou iloe eno akighini shive tsü kethiu pa shou au betsü no pa shipivive.

1 Thes. 2:16

Jewmiqo ye ningu no Jewkumomiqo vilo atsakiviu pikülha no xakulupu shini keu lo ningu lakha acheni. Hitoi keu ghola lono panongu ye alhokuthu akumou lono panongu xiné pekütsü acheni ke. Ikemu ashekha lo Alhou loghu no panongu shou ikughivae.

IBRIMI 12:25

Nongu ye khuu no atsa pi cheni keno pa milimo nike jukuto lo. Kughou ayeghi lo khuu no panongu pikichi keno pa milive keu lo ghí pokajo mülave aye, ningu ye kíshi no khuu kungugha lono ningu pikichi cheni keno pa lau no tsüghüsü wuve no polu nani kea?

IBRIMI 2:3

tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.