MATTHEW 18:6 - Sümi Tiqhelimi Bible

⁶ “Timi khukhumu itimi kitilaqo toi I pülü chekemiqo pelo veqhive pe aye, timi tipaqo ghengu ye athì kütsüghǜ tuqu kijè keu pesü pano kuwo homüxa tshüve no azüghi kuthò lo vesüve keu no akiviu shive nanie.

BAIBEL (BSI)

⁶ “Timi khuuno hi ipulu akemi kititiqo lakhi pelomu ilauno kupuxakuluve nikeno, pa ghenguye athi kutsughu tuqu aku-olo tshuqhipu puzu azughi kutho lono putsuqhive pekeu pavie.

Sumi Naga CL (Re-edited) Bible (BSI)

⁶ ikemu khunono I pülü chekemi itimi hipaqo gholo lakhi pelomu küpxa luve peni keno, pa ghengu ye akuo lo athi kütsüghü tuqu tshüqhi pusü azüghi kutho lono pütsüqhive keu pavi nani.

MATTHEW 18:6 Iomraidhean Croise

MATTHEW 17:27

“Ikemu panongu shikulosümo nike ghenguno, ayizükucho lo wulo eno akha kümsüpú yì lakhi vesülo. Akha atüghiu küghalu keu tipau kichí sükhoju aye tile ghükayi bidí aghí nani ke. Tipau ikhilulo eno I ghenguno ngò nongu ghenguno zame panoqo tsüvelo.”

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

MATTHEW 18:14

Tihutoi nongu Papù kungugha lo akeu ye hipaqo kititi gholo lakhimu pühave penishimoe.

MATTHEW 18:5

Eno khukhumu I je lono itimi hitoi keu sasüni keno ni sasü anike.

Mark 9:42

“Timi khukhumu I pülü chekemi itimi kitilaqo pelo veqhive pe aye, timi tipaqo ghengu ye athì kütsüghǜ tuqu kijè keu pesü pano kuwo homüxa tshüve no azüghi lo vesüve keu no akiviu shive nanie.

Apostolmi 9:5

Saul no ishi iniju, “Ampeu, no ye khuu kea?” Pa no khochile, “Ni ye nono pishi-puju akeu Jisü ke.

Rommi 14:21

O thiküzümi momu O chelimi pelo püsükukhove pemo kepu shi ashi chumo momu aji yemo momu kütau kiu-kiumu shimo keu pavie.