MATTHEW 18:3 - Sümi Tiqhelimi Bible

³ Eno pa no pi: “Kuchou no I no nongu vilo piani, nongu no kilive püzü itimi lakhi toivemo ke thaqhülo, nongu ye khilemu kungugha kükaphu lo ilo müla nani.

BAIBEL (BSI)

³ pano ishi pi: “Kuchouno ino nongu vilo pini, nonguno akuxu kililu puzu itimi hutoi shilumoke thaqhuloye nonguye Kungugha yehkipe qholo ilomla nani.

Sumi Naga CL (Re-edited) Bible (BSI)

³ eno pi: “Kuchou no I no nongu vilo piani, nongu no aküxü kililu no itimi toi shimo kelo nongu ye khilemu Kungugha yekipe lo ilomo nani.

MATTHEW 18:3 Iomraidhean Croise

MATTHEW 13:15

Kughengu timi hipaqo mlo ye mükamüghaivea ke; panongu kìní ye ini kushughivae, eno panongu ye pano nhethi miyiluvae. Tishimo ke aye panongu nhethi no ithuluni cheke, panongu kìní no chiluni cheke, panongu mlo lono vethaluni cheke eno xaideghi aye, I no panoqo shipivi tsüní cheke.’

MATTHEW 18:2

Jisü no itimi lakhi pa lau ku saighi pe eno panongu mtá dolo qhie.

MATTHEW 18:4

Tighenguno, khukhumu itimi lakhi hipau toi aqhokigheu shiluve keu no kungugha kükaphu lo kümtsü nguno akijeu ke.

MATTHEW 19:14

Ikelo Jisü no pi, “Itimiqo pelo I lau ighi pelo, eno panongu lakha kevilo, kughengu kungugha kükaphu ye hitoi kemiqow ke.”

MATTHEW 19:23

Tisheno Jisü no pa khopemiqo vilo pi, “Kuchou no I no nongu vilo pìní, kiními lakhi no kungugha kükaphu lo ilolu nikeu hu ye kushokütsüe.

MATTHEW 5:18

Kuchou no I no nongu vilo pìní, Moses yeza lo atsathi aghulou eno choküsü akeu ayeza kümtsü shikupuve moke kutólo, kungugha eno ayeghi ye hauvemo nani.

MATTHEW 5:20

Kughengu I no nongu vilo pìní, nongu chipiumikucho no Phariseemiqo ngò ayeza kükütsümiqo nguno akiviu shimo ke thaqhülo, nongu ye khilemu kungugha kükaphu lo ilo müla nani.

MATTHEW 6:16

“Kughou nongu no kümvüni keno kühaküghamiqo toi agi küzü pìye kevilo, kughengu panongu ye timi kütamiqo pelo kümvü anike ipi ithi peniye panongu gi kilive cheni ke. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 6:2

“Tighenguno nongu no kughou aveküsami kuphuni keno, nongu ye kühaküghamiqo no synagog eno alaghilaqo lo ighamuku kütami pelo panongu gihu peniye asheshu keu toi shi kevilo. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 6:5

“Eno kughou nongu no akighini shini keno kühaküghamiqo toi shi kevilo, kughengu panongu ye synagogqo lo puthugho no akighini shinishi cheni eno kütami pelo ithulu peniye alaghila chekuqo lono akighini shi cheni. Kuchou no I no nongu vilo pìní, panongu ye pano sala qesaxu kuchopu ithuluvae.

Mark 4:12

tishianguno, “ ‘Panongu ye juanamu khilemu vethamla nani, eno chilu anamu khilemu vethamla nani; tishimo aye, panongu ye xaideghi püzü akipimí qhivetsü luvi ke!’”

Luke 13:24

“Tolu ke thaqhü kibikhoi keu khagho veche ilo nike pükapütsalo, kughengu I no nongu vilo pìní, kutomo no tile ilo nike shiju nani, ikemu shimla nani.

Luke 22:32

Ikemu Simon, O küpülü iqeve pemo nike I no O ghenguno inikhuve tsüae. Eno kughou nono ideghiveni keno O thiküzümiqo shikumtolo.”

John 1:51

Tisheno pa no pikibe ghi pi, “Kuchou no I no O vilo pìní, nono ‘kungugha khaqhive no Alhou’w kungumiqo no Timi Nu shou iku iqi,’ akeu ithulu nanie.”

John 3:3

Jisü no khochile, “Kuchou no I no O vilo pìní, punú kithemo kelo ye khunomu Alhou kükaphu ithumla nani.”

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Apostolmi 28:27

Kughengu timi hipaqo mlo ye mükamüghaivae; panongu ye panongu kìní lono akushukulu chilu cheni, eno panongu ye panongu nhethi miyiluvae. Tishimo aye panongu nhethi no ithuluni che, panongu kìní no chiluni che, panongu mlo lono vethalu no xaideni che, eno I no panongu shipivi tsüní cheke.’

Apostolmi 3:19

Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi peniye ke,

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

1 Peter 2:2

Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

2 Peter 1:11

eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.