MATTHEW 18:10 - Sümi Tiqhelimi Bible

¹⁰ “Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

BAIBEL (BSI)

¹⁰ “Nonguye muthamini hipaqo kititi gholo lakhimu jukunatha kepu kumoe, kughengu ino nongu vilo pini, kungughalo panongu wu kungumiye iPuh kungughalo akeu zulo pulhapuju achenike.

Sumi Naga CL (Re-edited) Bible (BSI)

¹⁰ “Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

MATTHEW 18:10 Iomraidhean Croise

MATTHEW 1:20

Ikemu pa no hipau kümsüluve kethiu, Ampeu’w kungumi lakhi no asamou no pa lau ipeghino pi, “David nu Joseph, Mary pesü O nipu shini keu lo msà kevilo, kughengu li no mishí chekeu ye Aghungu Kimthe lono ke.

MATTHEW 12:20

Pa ye ayeghü-küsǘ sükuho püakeu süchhemo nani, inhemimi keu kulu pinheve tsü keu shimo nani, tiye pa no achipiu xakütha süghi no tokulu shiluve moke kutólo.

MATTHEW 18:14

Tihutoi nongu Papù kungugha lo akeu ye hipaqo kititi gholo lakhimu pühave penishimoe.

MATTHEW 18:6

“Timi khukhumu itimi kitilaqo toi I pülü chekemiqo pelo veqhive pe aye, timi tipaqo ghengu ye athì kütsüghǜ tuqu kijè keu pesü pano kuwo homüxa tshüve no azüghi kuthò lo vesüve keu no akiviu shive nanie.

MATTHEW 2:13

Alokütsümiqo no wuve kethiu, kungumi lakhi no asamou no Joseph lau ipeghi. Kungumi hu no pi, “Ithuvelo, angá eno pazá sasü Egypt lo pokajo luvelo. I no O vilo pimo ke kutólo tilau ngo aghílo, kughengu Herod ye anu pìthíve nike ghenguno pa phuju niye shi anie.”

MATTHEW 2:19

Herod no thive kethiu, Egypt lo asamou no Ampeu’w kungumi lakhi Joseph lau ipeghino

MATTHEW 24:31

Eno pa no afuko ghügha kijè gholo no paw kungumiqo puwu nani, eno panongu no ayeghi cheku bidí lono pa no kisheluve kemiqo hekütsü süghi nani, eno tiye ayeghi ashekha lono ashekha kutólo kisheluve kemiqo süghi nani.

Luke 1:19

Kungumi no pa vilo pi, “Ni ye Gabriel ke. Ni ye Alhou phivilo puthugho acheni eno I pelo O pütsa eno asütsa kivi hipau O vilo pipe nike I puwu ke.

Luke 10:16

“Khukhumu nongu tsa ini akeu ye I tsa ini anie, eno khukhumu nongu milive akeu ye I milive anie; ikemu khukhumu I mili kemi ye I no puwu akemi milive anie.”

Luke 16:22

“Kughou khukuchumi hu thive keno kungumiqo no kuho pesü Abraham phivilo saighi. Kiními hu ghí thive eno qhove.

Apostolmi 10:3

Ghulo lakhi avelau ayì küthü ghuloki lo pa ye kungunhetsü lakhi ithulu. Pa no mütsümishei Alhou’w kungumi lakhi ithulu, kungumi hu no pa lau ighino ishi pi, “Cornelius!”

Apostolmi 12:15

Panongu no li vilo pi, “No ye izü anie.” Kughou li no kuchou kepi pikichichi auve keno panongu no ishi pi, “Tiye paw kungumi keniae.”

Apostolmi 12:23

Zülile no, Ampeu’w kungumi lakhi no Herod hekuluqhive, eno pa ye apithe no tsaqhi pìthíve, kughengu pa no akishé Alhou tsümo ke.

Apostolmi 27:23

I no qe chekeu Lhou eno I Mpeu’w kungumi lakhi no ìji inaputhou no I phivilo puthugho

Apostolmi 5:19

Ikemu putho lono Ampeu’w kungumi no ighino akughuki hukikhaqo khaqhive püzü panoqo sasü khalacheu ipeghive.

Rommi 14:10

Tishiaye nongu ye kushiye nongu thiküzümi momu nongu chelimi shou küghathabe cheni kea? Nongu ye kushiye panongu thaigha ghi peitha cheni kea? Kughengu ningu kümtsü Alhou’w küghakütha lakhü zülo puthugho nani ke.

Rommi 14:21

O thiküzümi momu O chelimi pelo püsükukhove pemo kepu shi ashi chumo momu aji yemo momu kütau kiu-kiumu shimo keu pavie.

Rommi 15:1

Ningu khunoqo no aküpülü lo muto ani keno miqemilei kemi no ikiqive kelo xaqhetsü moayesa ke thono nilikhi nipulou shi akepu kumoe.

1 Kor. 11:22

Nongu ye chu-sho nike ghenguno pütüta ki küha keshea? Ikeo nongu ye kiumu küha kemi thogha keu vechewo Alhou kukuhou thaigha ani kea? Ni ye nongu vilo kiu pìní kea? Ni ye nongu sheqhelo pi keshea? Hipau vehu lo khilemu tishimlae!

1 Kor. 16:11

Tishiaye, timi khumu küthakügha shi pa peitha kepu kumoe. Aloino ghi aghüzüla lo pa puwulo tishianguno pa pelo I lau ideighi penike. Ni ye athiküzümiqo gholo pa ghí ighi nikeu huqhe anie.

1 Kor. 9:22

Miqemilei kemi sasü Khristo lau ighi nike ghenguno ni ye miqemilei kemi lau miqemilei shi xü cheni. Ni ye timi khami likhimu xakulupu shilunimola yé tolukivi thaqhü timi kümtsü gholo thowkha kümtsü shi acheni.

2 Kor. 10:1

Khristo kümtsha küghüvü vechewo ni Paul khuu nongu gholo agi kinheqhi no kusholu kelo kujo-kighiyi cheni kemu kughou putosüveni keno amlo kumto shi chekeu hu no nongu qhüiniju ani.

2 Kor. 10:10

Kughengu khami no ishi pi cheni, “Paw yèsüqo ye mishishei eno mükamüghai ke, ikemu lüthü lo pa ye zükulu ghola küha eno pa tsaqo ye ameküha ke.”

Galatiami 6:1

Athiküzümi eno achelimiqo, khuala no axiné shi aghí keu ithulu aye, nongu Aghungu küxü lo akemiqo no agholau no timi tipau shikümzü tsü moayesae. Ikemu nongu likhi nongu jukuto lo, tishimo aye nongu ghí ghuju kepu shiluvi ke.

1 Thes. 4:8

Tighenguno, khukhumu hipau shikakütsü milive keu ye timi milive anike kumoe ikemu Alhou khuu no pa Ghungu Kimthe pesü nongu tsü keno pa milive anie.

1 Tim. 4:12

Timi khuu pelomu no ye lhothemi kepi O jukünatha pe kevilo, ikemu atsapi lo, süqeghili lo, kikimiye lo, aküpülü lo eno akimthe küxü lo küpülümiqo ghenguno kiche-kipiye qhitsülo.

IBRIMI 1:14

Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

IBRIMI 9:24

Kughengu Khristo ye timi u no kuchou kishishi mülà keu akimthe-a lo ilomo ke; pa ye ningu ghenguno Alhou gizülo ipeghi niye kungugha ampiu lo ilo ke.

Piyeküsü 8:2

Tisheno Alhou zülo kungumi tsünì puthugho akeu I no ithulu, eno afuko tsünì pesü panongu tsüe.