MATTHEW 17:5 - Sümi Tiqhelimi Bible

⁵ Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

BAIBEL (BSI)

⁵ Pano pi aphi lono, vuqayikeu hu khungkusu lakhino panoqo kuzupholuve eno khungkusu lono asutsa lakhino ishi pi; “Hiye ino kimiyechekeu nuke, pa lau ilokiqi acheni, pa tsa inilo.”

Sumi Naga CL (Re-edited) Bible (BSI)

⁵ Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 17:5 Iomraidhean Croise

MATTHEW 12:18

“Hiye khuu I no kishelu keno I qeu ke, I no kimiye chekeu, pa shou I mlokiqi acheni; I no I ghungu pa shou puku nani, eno pa no achipiu xakütha pesü shiyeqo lau asheshu nani.

MATTHEW 17:6

Kughou akhopemiqo no ti chilu keno, panongu ye shishe msàve, eno agi pishiqho pe ayeghi lo ikiqive.

MATTHEW 3:17

Eno kungugha lono asütsa lakhi ishi pi, “Hiye I no qhuivü chekeu I nu ke; ni ye pa shou I mlokiqi achenie.”

Mark 1:11

Eno kungugha lono asütsa lakhi ishi pi: “No ye I nu, I no qhuivü chekeu ke; O shou I mlokiqi achenie.”

Mark 9:7

Tishi kemtsa khüngküsü ipeghino panongu küzüpholuve, eno khüngküsü lono asütsa lakhi ighi: “Hiye I nu I no kimiye chekeu ke. Pa gholulo.”

Luke 3:22

eno Aghungu Kimthe ampi no miqhedu lakhi toi ighino pa shou iku ngove. Eno kungugha lono asütsa lakhi ighi: “No ye I no qhuivü chekeu, I nu ke; O shou I mlokiqi achenie.”

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

John 3:35

Apù ye Anu kimiye cheni eno thowkha kümtsü pa u lo sǘvetsüae.

John 5:37

Eno Apù khuu I puwu keno pa likhi pa no I shepe shitsü ke. Nongu ye khilemu pa sütsa chimla aphi momu pa ju ghola ithumla aphi,

Apostolmi 1:9

Pa no hi pive kethiu, panongu nhekithe lono pa ye kunguu saikuve, eno khüngküsü amqo lakhi no pa nhaluve püzü panongu ye pa ithumlave.

Apostolmi 7:37

“Moses hipau ye Israelmiqo vilo, ‘Alhou no nongu ghenguno tungkupu I toi keu lakhi nonguw timiqo dolo no ipeghi pe nani’ ipikeu ke.

Ephesiami 1:6

hiye pa juküvüpu küpükini khikhi pa no kümsá no pa no kimiye chekeu Anu vechewo ningu tsü keu sheqhe peniye ke.

Kolosiami 1:13

Kughengu pa no àküzǘ kükaqha lono ningu xaphelu no pa no kimiye chekeu Nu kükaphu lo ningu sasü ighike,

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.

Piyeküsü 14:14

I no ju akelo I gizülo khüngküsü miyetsüghoi keu lakhi ae, eno timi nu toi keu lakhi no pa kütsü lo ameshoyi no mülà keu kütsükuqho lakhi pepu no pa u lo tsüghaminhei keu ayevǘ lakhi pesü khüngküsü lo iqa ae.