MATTHEW 13:52 - Sümi Tiqhelimi Bible

⁵² Pa no panongu vilo pi, “Tighenguno ayeza kükütsümi khunoqo no kungugha kükaphu lo akhopemi shiluvea keno, tiye aki mpeu no paw pekütsü chebo lono akughupu thime aqa ghí eno akithé ghí pesü ipeghi keu toi ke.”

BAIBEL (BSI)

⁵² Ikelo pano panoqo vilo ishi pi: “Tighenguno Kungugha yehkipe qholo Ayetsa kukutsumi khije qopheluvekemi keno panoqoye aki pighichekemi lakhino pa bi-ale lono thime-kithe ngo thime-aqah ngo ishi khalau ikhiphekeu hutoike.”

Sumi Naga CL (Re-edited) Bible (BSI)

⁵² Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”

MATTHEW 13:52 Iomraidhean Croise

MATTHEW 12:35

Timi kivimi no pa mlo lo akivi pekütsüpüa keu lono akivi pephe cheni, eno küsaküghami no pa mlo lo küsakügha pekütsüpüa keu lono küsakügha pephe cheni.

MATTHEW 13:51

Jisü no iniju, “Nongu ye hipaqo kümtsü vethaluve akema?” “Iyei,” ipi panoqo no khochile.

MATTHEW 13:53

Kughou Jisü no kimghi pìye keu tsa hipaqo pitave keno, pa ye tile no cheve.

MATTHEW 23:34

Tighenguno I no nongu lau tungkupumi, alokütsümi eno shikükamiqo puwu nani. Panongu khami nongu no pìthíve nani eno kros lo yedave nani; kütami khami nongu no synagogqo lono heqhi nani eno mishiphu lakhi lono lakhiu kutólo hakuqoqhi nani.

MATTHEW 28:19

Tighenguno shiye kümtsü lau wulo eno I khopemiqo shilu pelo; Apù jeku, Anu jeku eno Aghungu Kimthe jeku no baptiz shitsülo,

Luke 11:49

Hi ghenguno Alhou no pa lokütsü lono pivae. ‘I no panongu lau tungkupumi ngò apostolmiqo puwu nani eno khami pìthíve eno khami pishi-puju nani.’

John 13:34

“I no azakütsü kithé nongu tsü ani: Lakhi no lakhi kimiye lo. I no nongu kimiye ketoi, nongu ghí lakhi no lakhi kimiye moayesae.

2 Kor. 6:10

amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.

Ephesiami 3:4

Tishiaye, hipau philu keu lo nongu ye Khristo’w tuqhou hu iw juchhokulu lo vethakulupu shi nanie,

Ephesiami 3:8

Ni ye Ampeu’w timiqo kümtsü gholo akuu-amighiu shi aghí namu, küpükini hipau pesü I tsüke: tiye Jewkumomiqo lau Khristo’w ashekha-aghile küha keu kinikülü ghili kütsü nikeu,

Kolosiami 1:7

Nongu ye ningu no kimiye chekeu eno aqeu aküsàu Epaphras, khuu ningu züqhu shi Khristo’w pichebekulu qeu lakhi keno, pa lau no kikimiye shikalu ke,

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

1 Tim. 3:6

Pa ye anileshi Khristo chineye lukemi shi aghí kepu kumoe, tishimo aye pa ye aqheküza shive no tüghami paphi shi küghaküthapu lo ilove nosake.

Titus 1:9

Pükhükulu kükütsü tsa shikave keu hu pa ye tipau mutotoi pelu aghí moayesa, tishianguno pa pelo mütsümishei keu külü pesü timi kütamiqo shikumto tsü eno tipau lachile kemi ghasülu peniye ke.