MATTHEW 13:23 - Sümi Tiqhelimi Bible

²³ Ikemu apitì aghüma kivi lo ikiqi ilo keu kiqi ye khunoqo no Alhou tsa chilu püzü ti vethalu keno tipau kiqi ke. Hipaqo no athi pithí tsü cheni, apitì vesü keu lo hami no aqhe no küghüsü, hami no lhotsügho no küghüsü eno hami no shighi no küghüsü ishi pithílu cheni.”

BAIBEL (BSI)

²³ Ayeghi kivi shou apiti vesulukeu huye asutsa hu chilu puzu ti ithikuthulu kemiqoke. Panonguye kuchouno athipithitsu cheni, hamino aqhe, hamino lhotsugho eno hamino shighi ishi pithi chenie.”

Sumi Naga CL (Re-edited) Bible (BSI)

²³ Ayeghi kivi lo vesülu keu piti ye Atsa chilu no ithikuthulu keu timi ke. Pa ye kuchou no athi pithi cheni, eno xokütsü kelo hami no aqhe piqi ithulu cheni, hami no lhotsügho, eno hami no shighi.”

MATTHEW 13:23 Iomraidhean Croise

MATTHEW 12:33

“Asübo kivi pighiphe lo eno tipau xathi ye alo nani, momu asübo lhoküsa pighiphe lo eno tipau xathi ye alomo nani, kughengu asübo ye tipau xathi lono kimchilu cheni.

MATTHEW 13:8

Tishimu apitì hami ye aghüma kivi lo ikiqi ilolu, eno athi kutomo pithílu; apitì vesü keu lo hami no aqhe, hami no lhotsügho eno shighi ishi küghüsü ghi pithílu.

MATTHEW 3:10

Amghü ye asüboqo kuhu phivilo kutò pe ani, eno asübo khijehi no axathi kivi pithímoni keno yeqhive no ami lo vesüve nani.

MATTHEW 3:8

Amlo pebideve keu toi xüpe pìyelo.

Mark 10:15

Kuchou no I no nongu vilo piani, timi khuu no itimi lakhi toive püzü Alhou kükaphu ikhilumo nike no khilemu Alhou kükaphu lo ilo müla nani.”

Mark 4:20

Kütami khamiqo ye aghüma kivi lo apitì ilolu keu toi Alhou tsa chilu eno ikhilu no athi kupukuno shi pithí cheni—eno vesü keu lono hami no shighi, hami no lhotsügho eno hami no aqhe ishi küghüsü pithílu cheni.”

Luke 13:9

Tsalá hino ighi nikeu mpe lo axathi pithí aye ta, tishimo aye yeqhivenie.’ ”

Luke 8:15

Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

Luke 8:8

Tishimu apitì hami ye aghüma kivi lo ikiqi ilolu. Tino lhoipeghi no apitì vesü keu nguno alau aqhe kutólo küghüsü ghi pithílu.” Jisü no hipaqo pive, eno müghachhoi shi püzü pi, “Khunoqo no chilu nishi ani keno panoqo pelo chilu pelo!”

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 8:47

Khukhumu Alhou laumi ye Alhou tsa ini cheni. Nongu no inimo keu ye nongu no Alhou laumi kumo keu ghenguno ke.”

Apostolmi 16:14

Ningu tsa ini akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira mishighüna lono ighi kemi ke. Li ye Alhou mülá chekemi. Ike Paul kükütsü tsa lo amlotsüqhiyilu penike Ampeu no li mlo khaqhi tsüe.

Apostolmi 17:11

Jewmi Berea lo achekeqo ye Thessalonica lo Jewmi akemiqo nguno akükümsü qhaqhilei ke, kughengu panongu no ighono khekulhoshi akükütsü sütsa ikhilu tsü eno Paul no pikeu tsaqo hu kuchou kemo keno tsalà kipetsü Kuchoyesü phukideküdaju ae.

2 Kor. 9:10

Alhou khuu no apitì yisü kemi lau apitì tsü cheni eno achuqupu ghenguno asho tsü cheni keno pa no nongu lau ghí tsü nani eno nongu pitì pekütsüpüa keu thuwulu eno kighishelu pe nani eno nongu chipiumikucho hu kupukuno shi ghile hulu pe nani.

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

FILIPIAMI 4:17

Ni ye nongu ghò lunishi anike kumoe; ikemu I no shipe nishi akeu ye nonguw tsükini ghenguno nongu pelo aghò ithulu penishi anie.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

Kolosiami 1:6

lajupu hipau ghili chiluvea ke. Tihutoi, nongu no atsakiviu ghili chilu no kuchou no Alhou’w küpükini vethalu keu tsalà lono nongu gholo mülà ake toi, atsakiviu ye ayeghiqha kuchopu lo axathi pithí eno thuwu anie.

1 Thes. 4:1

Athiküzümi eno achelimiqo, kütau vehuqo shélo ye kíshi Alhou pulou lono xüni keno ningu no nongu shikavae. Kuchou lo nongu ye tishi xüani. Itehi ningu no Ampeu Jisü vechewo nongu qhüiniju akeu ye itaghi hitoi alau shi xüa penike nongu kite ani.

2 Thes. 2:10

Eno pühave niye shi akemiqo pishiqhive nike ghenguno küsakügha laghi kümtsü peitha nani. Panongu ye pühave nani kughengu panongu no kuchou kimiye no xalu nikeu milive ke.

IBRIMI 4:2

Kughengu panongu lau shikeu toi ningu kümtsü lau ghí atsakiviu shuphevea ke; ikemu panongu no akükütsü sütsa chilu keu ye panongu ghenguno kumu ameküha ke, kughengu panongu ye khunoqo no aghokulu shi keno panongu küpülü gholo küsajemo ke.

IBRIMI 6:7

Tsütsüghu no ayeghi shou ghuqhi puku püzü tipau chiche kemi ghenguno tüxatini lhoipeghi keu ye Alhou’w kükümgha ithulu anike.

IBRIMI 8:10

Tipau do thiu I no Israel timiqo lau puloshoqhi hipau shini, ipi Ampeu no shuphe ke. I no panongu kükümsü lo I yezaqo sǘtsü nani eno panongu mlo lo tipaqo yèpuku tsü nani. I no panongu Lhou shi nani, eno panongu ye iw timi shi nani.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.