MATTHEW 10:7 - Sümi Tiqhelimi Bible

⁷ Nongu no wuche kelo, hipau kükütsü sütsa pesü asheshu lo: ‘Kungugha kükaphu ye kupunú ighivae.’

BAIBEL (BSI)

⁷ Nonguno wuchekelo ishi asheshu pilo, ‘Kungugha yehkipeye kupunu ighivae.’

Sumi Naga CL (Re-edited) Bible (BSI)

⁷ Nongu no wuche kelo ishi sheshu lo, ‘Kungugha yekipe ye kupunu khoivae.’

MATTHEW 10:7 Iomraidhean Croise

MATTHEW 10:8

Küsükinimi shipivi lo, kithimi xüputhu lo eno khunoqo apügha pù ani keno shikimthe lo, tüghaküsaqo haphelo. Nono kümsá lono ithulu keu toi; kümsá lono tsülo.

MATTHEW 11:1

Jisü no pa khopemi chighikini vilo akivishi piputove kethiu, pa ye tile no Galilee lo mishiphuqo lo kütsü eno shika niye wuve.

MATTHEW 21:31

“Hi pama dolo khikhiu no apù no pulo akeu shilu kea?” “Atüghiu noe,” ipi panongu no khochile. Jisü no panongu vilo pi, “I no kuchou no nongu vilo pìní, zame küqhami eno kütüqhamiqo no nongu züu no Alhou kükaphu qholo ilo auvae.

MATTHEW 21:43

“Tighenguno I no nongu vilo pi anie, Alhou kükaphu ye nongu lau no ikhisüwuve no pesü khuno shiye no tipau pithikighishelu nani keno tipaqo tsüve nanie.

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

MATTHEW 4:17

Tipathiu Jisü no ishi kütsü thuve, “Amlo pebidelo, kughengu kungugha kükaphu ye kupunú ighivae.”

Mark 6:12

Panongu no chewu püzü timiqo vilo amlo pebide masa keu tsa kütsüe.

Luke 16:16

“John Baptiz kishiu kutólo ye Moses no süghi keu yeza eno Tungkupumiqo no pikeu tsaqo pesü asheshu ache. Tile no huthusü Alhou kükaphu tsakiviu pesü kütsü acheni, eno kümtsü no hile ilo nike anguka shi acheni.

Luke 9:2

eno pa no Alhou kükaphu ghili pesü asheshu eno küsükinimi shipivi penike panongu puwue.

Luke 9:6

Ike panongu no alà cheve no aphu lakhi lono lakhi lo wu no atsakiviu pesü asheshu eno aqha kümtsü lo timiqo shipivie.

Luke 9:60

Jisü no pa vilo pi, “Kithimi pelo kithimi kumo shiqho apelo, ikemu no ye wu no Alhou kükaphu ghili pesü asheshu lo.”

John 3:2

Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

Apostolmi 10:25

Kughou Peter no aki lo iloghi keno Cornelius no pa sasü kusho eno gihu keu michi shi Peter pukhuphi lo itsaqi.

Apostolmi 28:31

Pa no akumto shi Alhou kükaphu ghili pesü asheshu ache eno kiumu lakükha küha no Ampeu Jisü Khristo ghili pesü kütsü ache!

Apostolmi 4:2

Apostolmi pama no timiqo vilo Jisü akithí lono xülethughive keu eno kithimi xülethughive nikeu ghili pesü asheshu akeu ghenguno panongu ye ighono amloideve.