MATTHEW 10:2 - Sümi Tiqhelimi Bible

² Apostolmi chighikini je ye hipaqo ke: atüghiu no, Simon (khuu Peter ipi cheni keno) eno pa thiküzüu Andrew; Zebedee nu James, eno pa thiküzüu John;

BAIBEL (BSI)

² Apostolmi pano chighikini jeye hipaqo: atughushi Simon, paje pesu Pitor ipi kuvetsu, eno pa thikuzuu Andrew; Zebedi nu Jems ngo pa thikuzuu Johan pama;

Sumi Naga CL (Re-edited) Bible (BSI)

² Apostolmi pano chighikini je ye: atüghüshi, Simon, khuu Peter ipiche keno, eno pa thiküzüu Andrew; Zebedee nu James, eno pa thiküzüu John;

MATTHEW 10:2 Iomraidhean Croise

MATTHEW 17:1

Atsala tsügho thiu Jisü no pa gholo Peter, James eno James thiküzüu John ishi sasü naghuto qhemghai keu lakhi lo iku.

MATTHEW 20:20

Tile Zebedee nuliqo azá no sasü Jisü lau ighi, eno li no kuphutsü penike qhoqhünhe pe ngo no qhüiniju.

MATTHEW 26:37

Jisü no pa gholo Peter eno Zebedee nu pama ishi sasü wu, eno pa ye ighono amloghime shive eno akükümsü kütakihi thuve.

MATTHEW 4:18

Jisü no Galilee züghi mükü lo alà cheche kelo, Simon, Peter ipi ku chekeu eno pa thiküzüu Andrew ipikeu pama athiazü, pa no ithulu. Pama ye akhakükhami kehu azüghi lo akhame vesü ae.

MATTHEW 4:21

Tile no chesü wu kelo, pa no athiazü kütami kini ithulu, Zebedee nu James eno pa thiküzüu John. Pama ye pama papù Zebedee sasü ashuka lo akhameqo pukho ae. Jisü no pama ku

Mark 1:29

Panongu no Synagog qhive no wuve kemtsa, Simon ngò Andrew no James eno John sasü pama ki lo wue.

Mark 13:3

Jisü no achineki ghüngü lo Olive Naghuto lo iqa akelo, Peter, James, John eno Andrew noqo no lomo shi pa vilo iniju,

Mark 6:30

Apostolmiqo no Jisü sühope kumqo no panongu no kiu shilu eno kütsülu keno kümtsü pesü Jisü vilo pi.

Luke 11:49

Hi ghenguno Alhou no pa lokütsü lono pivae. ‘I no panongu lau tungkupumi ngò apostolmiqo puwu nani eno khami pìthíve eno khami pishi-puju nani.’

Luke 22:14

Kughou ado tove keno Jisü no apostolmiqo sasü aghulhu lipa lo iqae.

Luke 22:8

Tile Jisü no Peter ngò John puwu no pi, “Wu püzü ningu no Hechekulu ghulhu chuni keu kutò lo.”

Luke 5:10

eno titoi Zebedee nu James ngò John, Simon lojimi pama ghí akichiqhive. Tipathiu Jisü no Simon vilo pi, “Msà kevilo; hinguno hilau ye no ye timi kükhami shini ake.”

Luke 9:10

Kughou apostolmiqo no ideighi keno panongu no kiu mülàlu keno Jisü vilo pithive. Tithiu pa no panongu sasü pa gholo no mishiphu Bethsaida ipikeu lo wuve,

John 12:22

Philip no wu no Andrew vilo pi; eno Andrew ngò Philip pama no Jisü vilo pi.

John 13:23

Panongu dolo Jisü no kimiye chekeu akhopeu ye Jisü phivilo mungupe ae.

John 20:2

Ike li no Simon Peter eno akhopeu lakhiu, Jisü no kimiye chekeu, lau posü ighino pi, “Panongu no akumoki lono Ampeu ikhipesü wuvae, eno panongu no pa pesü khilehi qhivea keno ningu ye mthae!”

John 21:2

Simon Peter, Thomas (Didymus ipi chekeu), Galilee lo Cana lono ighi keu Nathanael, Zebedee nu James ngò John, eno akhopemi kütami kini panongu kümtsa ngo ae.

John 21:20

Peter no idewo ju kelo Jisü no kimiye chekeu akhopeu hu panongu pape chekeu ithulu. (Hiye aghulhu chu akelo Jisü thikhau mungupe no, “Ampeu, khuu no O pesü thechu shi niye ani kea?” ipi iniju keu ke.)

John 21:24

Thime hipaqo thopi shi eno yèpeqhi keu ye akhopeu hipau ke. Paw thopi ye kuchou kepi ningu no ithi anie.

John 6:67

Jisü no pano chighikini vilo iniju, “Nongu ghí wove nishi ani keshea?”

John 6:70

Ike Jisü no khochile, “Ni ye nongu Chighikini kishelu ke kumo keshea? Ikemu nongu dolo lakhi ye tüghami ke!”

John 6:71

(Jisü ye Simon Iscariot nopu Judas khuu Chighikini dolo lakhi shi anamu, kutou pa thechu shive niye akeu ghili pi ake.)

John 6:8

Pa khopemi kütau, tiye Simon Peter thiküzüu Andrew, no pi,

Apostolmi 1:13

Panongu no ighive kethiu, panongu ye panongu no kunguu ngo chekeu chebo lo ikuve. Tile akemiqo ye: Peter, John, James, eno Andrew; Philip eno Thomas; Bartholomew eno Matthew; Alphaeus nu James eno azá yeghi kimiye kicheu Simon eno James nu Judas.

Apostolmi 1:26

Panongu no asaqhi kelo Matthias shou qhibelu; ikehu pa pesü apostolmi chighiqhaqhi gholo kihisüluve.

Apostolmi 12:2

Pa no John thiküzüu James kügha pesü akihizüta no ghiqhi pìthíve.

Apostolmi 3:1

Ghulo lakhi Peter ngò John pama ye akighini do ghuloki lo achineki lo iqho che, tiye avelau ayì küthü kihe lo ke.

1 Kor. 15:7

Tisheno pa no James lau ipeghi pìye, eno tithiu no apostolmiqo kümtsü lau ipeghi pìye,

Ephesiami 4:11

Ike Khristo no aghò pesü apostolmi, tungkupumi, tsavipemi, akhemi eno shikükamiqo tsüke,

IBRIMI 3:1

Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

1 Peter 1:1

Peter, Jisü Khristo’w apostol lakhi, Alhou no kisheluve kemiqo, Pontus, Galatia, Cappadocia, Asia eno Bithynia bocho kümtsü lo hapheve no apanagha pe akemiqo lau,

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

2 John 1:1

Kichimi lau no, Alhou no kisheluve keu totimi eno li nuliqo lau, khuu I no kuchou lono kimiye cheni keno—eno I likhi kumoe, ikemu kuchou ithi akemi kümtsü no kimiye cheni—

3 John 1:1

Ni amchou no, I küsàu Gaius, khuu I no kuchou lono kimiye cheni keno pa lau yèlu ani.

Piyeküsü 1:1

Piyeküsü hipau ye Jisü Khristo lau no ighike. Hiye paikhavi lono kiu shive niye ani keno Alhou no Jisü Khristo qemiqo lau pìye penike ghenguno Jisü Khristo tsü keu ke. Pa no paw kungumi puwu keu vechewo pa qeu John pelo ithilu pe ke.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 18:20

“Nongu kungugha lo akemiqo, li kütsave keu lo alovishelo! Nongu Alhou’w timiqo, alovishelo! Apostolmi ngò tungkupumiqo, alovishelo! Kughengu li no nongu shou küghathabe keu pesü Alhou no li shou küghathabevae.”

Piyeküsü 22:8

Ni John no thime hipaqo chilu eno ithulu ke. Eno kughou I no tipaqo chilu eno ithulu keno, ni ye thime hipaqo I pìye akeu kungumi hu mülá niye pa pukhuphi lo qhoqhünheluve.