Mark 9:1 - Sümi Tiqhelimi Bible

¹ Eno Jisü no panongu vilo pi, “Kuchou no I no nongu vilo pìní, hilehi I gholo puthugho akemi dolo khami ye Alhou kükaphu aküka kumto lono ighi keu ithulu mphi züu ye akithí michemo nani.”

BAIBEL (BSI)

¹ Jisu no panoqo vilo pi: “Kucho-kuchono ino nongu vilo pini, hilehi puthugho akemi gholo khamiye Alhou yehkipe akuka kumto ighikeu ithumlake kutolo thimo nani.”

Sumi Naga CL (Re-edited) Bible (BSI)

¹ Tishino panoqo vilo pa no pi, “Kuchou no I no nongu vilo piani, hile puthugho akemi dolo khami ye Alhou yekipe aküka kumto lono ighi keu pano nhethi no ithulu moke kutolo akithi michemo nani.”

Mark 9:1 Iomraidhean Croise

MATTHEW 16:28

“Kuchou no I no nongu vilo pìní, I gholo akemi dolo khami ye Timi Nu kükaphu ithulu mphi züu ye akithí michemo nani.”

MATTHEW 24:30

“Tilehi kungugha lono Timi Nu akeu michipu ipeghi nani. Eno kughou Timi Nu atsütsǘ lo khüngküsü lono aküka eno ajuküvü kijè gholo no chekeu ithuluni keno, ayeghi lo timiqo kümtsü no qau khave nani.

MATTHEW 25:31

“Kughou Timi nu no pa juküvü lono ighini eno kungumi kümtsü pa gholo ighini keno, pa ye pa juküvü küká lakhü lo iqa nani.

Mark 13:26

“Atüqhüdo tipau lo timiqo no khüngküsü lono Timi Nu no aküka kijè eno ajekipi lono chekeu ithulu nani.

Mark 13:30

Kuchou no I no nongu vilo pìní, hipaqo kümtsü mütsümishei shikupumo ke thaqhülo hipau tiqheli ye kühave keu shimo nani.

Luke 2:26

Pa ye Ampeu Alhou’w Messiah ithulumo ke kutólo thimo nani ipi Aghungu Kimthe no pa lau pephe-piye püake.

Luke 22:18

Kughengu I no nongu vilo pìní, Alhou kükaphu ighimo ke kutólo ni ye atsaithi lono atsaizü ipeghi keu sholumae.”

Luke 22:30

tishianguno nongu ye I kükaphu lo I gholo kümtsa chu-sho nani, eno aküka lakhü lo iqa no Israel lagha chighikini shou xakütha shi nani.

Luke 9:27

“Kuchou no I no nongu vilo pìní, hilehi I gholo puthugho akemi dolo khami ye Alhou kükaphu aküka kumto lono ighi keu ithulu mphi züu ye akithí michemo nani.”

John 21:23

Hi ghenguno, akhopeu hipau ye thimo nani ipi küpülümiqo dolo uyewu tsa kügha wove. Ikemu Jisü ye pa ye thivemo nani ipi pimoe; Jisü ye, “Tsalá I no ideghimo ke kutólo pa pelo xüaghi penishi aye, no ye kiu shilo pi kepu ania?” ipikeu likhi pike.

IBRIMI 2:9

Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.