Mark 7:4 - Sümi Tiqhelimi Bible

⁴ Panongu ye kughou lhidikishi-a lono ideghini keno, au mütsü mphi züu ye chu-sho chemoe. Eno panongu ye akukhuaye kütau kutomo pepimhe che, kümsüju kelo ajikhu, alikoli eno sünizüliqo küsü-mithe keu toi keu.)

BAIBEL (BSI)

⁴ Panoqoye kughou alhikishi-a lono ighini keno pano shikimtheve mphi loye chuchemoe. Tinguno alau ghi apu-asu launo pekishe sughikeu panonguno pepimhe che, ajukhu, alazayili, ali eno azu-a ngo ishi pano khuayeh gholauno shikimthe che.

Sumi Naga CL (Re-edited) Bible (BSI)

⁴ kughou panongu no alhikishia lono ideighini keno, panongu ye mitheve paghimo kelo chuchemoe. Hinguno alau ghi kütau ajukhu, ana-kulholi, azübohu, eno aghulhu lakhüqo qhukimthe keu khuaye, kutomo panoqo no pape chekeu ani.)

Mark 7:4 Iomraidhean Croise

MATTHEW 23:25

“Nongu ayeza kükütsümi eno Phariseemiqo, nongu ghenguno ahaküsapue, nongu kühaküghaqou! Nongu ye akhu ajikhu ashou ye shikimtheve cheni ikemu alou ye alakimine eno alikhi aghasü kümla no chhitoi acheni.

MATTHEW 23:26

Phariseemiqou! Atüghishi akhu ajikhu alou paghi küsüve lo, tishianguno ashou ghí mithe ananie.

MATTHEW 27:24

Kughou timiqo no muqhumüza thuve niye auve eno Pilate ye kiumu shimlava ipi ithive keno, pa no aqokitikhi zülo no azü pesü pa u mütsüve eno ishi pi, “Timi hipau pìthíve akeu lo I kipimí kiumu kühae, hiye nongu makho ke.”

Mark 7:8

Nongu ye Alhou zakütsüqo pheve no timi kukhuayeqou pape achenie.”

John 2:6

Tipau phivilo Jewmiqo no qhukimthe keu chine-chini ghenguno peitha chekeu atu no mülà keu alikoli tsügho ghope püa, alikoli lakhi lo azühu muku ngò shighi dolo pichhilu cheke.

John 3:25

John khopemiqo ngò Jewmi khami dolo qhukimthe keu chine-chini vehu lo kütsala keu hami ipeghive.

IBRIMI 9:10

Tipaqo ye chuqu-kusho eno chine-chini shikimthe keu jeliqo vehu likhi ke—hiye azah kithé do tomo ke kutólo ashou yezashi pepimhe akeu ke.

James 4:8

Alhou lau kupunú ighilo eno pa no nongu lau kupunú ighi nani. Nongu axinemiqo, nongu uqo mütsüvelo eno nongu mlo shikimthe lo, nongu amlo kini puche kemiqo.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.