Mark 13:9 - Sümi Tiqhelimi Bible

⁹ “Nongu ye nolikhi nongu khekuto amoayesae. Nongu pesü no-a lo mijetsümiqo u lo sǘve no synagogqo lono nongu heqhi nani. Eno I je ghenguno nongu ye angh eno kükamiqo zülo puthugho no panongu lau I shepe shi nani.

BAIBEL (BSI)

⁹ “Ikemu nonguye nongu likhi nongu shelo jukutoluve masae. Kughengu timino nongu kughaluve nani eno kughakilo nongu sawu nani. Sinagog lo nongu ghaqhi nani eno nonguye ayehkipemi ngo kukami zulo ije pichekeu ghenguno sawo qhi nani, tiye panongu zulo alokiviputsa pilupeniye ke.

Sumi Naga CL (Re-edited) Bible (BSI)

⁹ “Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

Mark 13:9 Iomraidhean Croise

MATTHEW 5:22

Ikemu I no nongu vilo pìní, khuu no pa thiküzüu momu pa chepu shou amloide nike no pa shou küghathabe nani. Itaghi khuu no pa thiküzüu momu pa chepu ‘thaigha,’ keu tsa pìní keno pa ye atsa küghaki lono khochile moayesa nani. Eno khuu no, ‘O aghüzüù!’ ipi kütami vilo pìní keno pa ye amiyizü kümsapu lo sǘve kepu shi nani.

Mark 1:44

“No ye timi khuu vilomu pi kevilo, ikemu achinemiqo lau kimichikütsü shi ghi wu no panongu pìyelo eno Moses no azah tsüpüa keu toi O shikimtheve keu kümlagho pesü mülá lo.”

Mark 13:5

Jisü no panongu vilo pi: “Khuu pelomu nongu pishiqhive pemo nike jukuto alo.

Mark 13:8

Shiye lakhi no shiye lakhi mjochile ipeghi nani, eno kükaphu lakhi no kükaphu lakhi mjochile ipeghi nani. Tile a-a kutomo lo ayeghi küghüthaqo eno püqümiye ighi nani. Hipaqo ye apunu küsǜ huthu akeu paphi ke.

Mark 6:11

Eno khile-khilemu nongu sasümo momu nongu tsa inimo aye, tipau-a qhivelo eno panongu lachile akeu thopi michi shi nongu pukhu müzá lo ayeghimukhu kukhuqhivelo.”

Luke 9:5

Tsalá timi no nongu sasümo aye mishiphu tipau qhivelo eno panongu lachile akeu thopi michi shi nongu pukhu lo ayeghimukhu kukhuqhivelo.”

John 15:20

I no nongu vilo kiu pi keno kümsülulo: ‘Aqemi lakhi ye pa mpeu nguno akijeu kumoe.’ Panongu no I pishi-puju aye, panongu ye nongu ghí pishi-puju nani. Panongu no I kükütsü gholu aye, panongu ye nongu kükütsü ghí gholu nani.

John 16:2

Panongu no synagog lono nongu hapheve nani; kuchou lo ye kughou timi khuno no nongu heqhi pithini keno panongu ye Alhou lau hukuthu kümlagho shi ani küghashi kümsüveni keu do cheni.

Apostolmi 21:11

Ningu lau ighino pa no Paul pokha ikhilu no tipau pesü pa likhi pa phi-au phedave püzü ishi pi, “Aghungu Kimthe no piani, ‘Apokha mpeu hipau ye Jewmi sakiphemiqo no Jerusalem lono hitoi pheda pesü Jewkumomiqo lau tsüve nani.’ ”

Apostolmi 7:54

Kughou Jewmi Hoho lo kihimpemiqo no Stephen no pikeu chilu keno, panongu ye pa shou muqhumüzai eno ahu tsüghü-bubu shike.

Apostolmi 9:16

I je ghenguno pa ye khijehi ime moayesa keno I no pa pìye nani.”

FILIPIAMI 1:29

Kughengu nongu pelo Khristo pülülu keu likhi kumo no pa züqhu shi ime nikeu dokivi ghí kophe pe nongu tsüvea ke.

2 Thes. 1:5

Hipaqo kümtsü vechewo Alhou’w küghakütha ye achipi kepi kimichitsü ani, tishi keu vechewo nongu ye Alhou kükaphu lo ilo küzüpu kepi kihitsü nani, eno tighenguno nongu ye ime anike.

2 John 1:8

Nongu ye ningu no mülasüpüa keu hu pühavemo no qesaxu kuchopu ithulu kepu shi jukuto lo.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.