Mark 12:1 - Sümi Tiqhelimi Bible

¹ Tisheno Jisü no aholetsaqo lono panongu vilo pithu: “Timi lakhi no atsailu lakhi chie. Pa no ti homüxa aghutu shive püzü atsaithi tsüghǜ nike ghenguno aqò chhupe qhi no aqoghe lakhi mülà pukuve. Tisheno pa no atsailu pesü alukichimi khami lau mishichive pe no a-a kütau wuve.

BAIBEL (BSI)

¹ Tileno Jisu no kimighipiyekeutsa lono panongu putsa thuve. “Timi lakhino atsayilu lakhi chipeqhi, eno tipau putukhave, eno atsayiji tughuko ghenguno aqoh lakhi chhu eno tipau khekepu khache lakhi shipe qhi. Tishi puzu mishi chichekemi pelo atsayilu chipeniye qhivetsu, eno aghakhu kutau izuuve.

Sumi Naga CL (Re-edited) Bible (BSI)

¹ Tileno Jisü no kimghikipiye lono timiqo vilo pi thuve. “Timi lakhi no atsailu chi, pa no tipau homxa akuptu süve, atsaithi kütsüghü ghenguno aqo lakhi chhu, eno aqoghe ghopuku no tipaqo pesü mishikulumi tsüve püzü pa ye aghakhu kütau wuve.

Mark 12:1 Iomraidhean Croise

MATTHEW 13:3

Tisheno pa no kimghi pìye keu tsa lono panongu vilo thime kutomo pi. Pa no ishi pi: “Alukichimi lakhi no apitì ve niye wue.

MATTHEW 21:28

“Nongu ye kíshi kümsü ani kea? Timi lakhi no anu kini ache. Pa no atüghiu lau wu no ishi pi, ‘Anu, no ye ishí atsailu lo hu no mülà lo.’

MATTHEW 21:33

“Kimghi pìye keu tsa kütau lakhi iniju lo: Ayeghi pighimi lakhi ache ike pa no atsailu lakhi chie. Pa no ti homüxa aghutu putuve püzü atsaizü kütsüghǜ-a ghenguno aqò chhupe qhi no aqoghe lakhi mülà pukuve. Tisheno pa no atsailu pesü alukichimi khami lau mishichive pe no a-a kütau wuve.

MATTHEW 21:34

Kughou ghile ghuloki kupunúve keno, pa no pa qemiqo hapesü pa ghenguno axathi xapughi peniye mishichi chekemiqo lau puwue.

MATTHEW 25:14

“Itaghi, kungugha kükaphu ye timi lakhi no kicheghüzü lo wuve niye pa qemiqo ku püzü pa mheghiqo pichebeve keu toi ke.

Mark 11:33

Ike panongu no ishi Jisü khochile, “Ningu ye mthae,” ipive. Ikelo Jisü no pi, “Ni ghi nongu vilo ni ye kiu kükagha lono hipaqo shi ani keno pimoe.”

Mark 13:34

Hiye timi lakhi no kicheghüzü lo wuve niye pa qemiqo lakhi-khi lau akümlà pichebeve keu toi ke, eno ahukikha lo akeu vilo jukuto alo ipikeu toi ke.

Mark 3:23

Tishikehu Jisü no panongu ku saighi püzü aholetsaqo lono ishi panongu vilo pi: “Satan ye kíshi no Satan haphe luni kea?

Mark 4:2

Pano aholetsa lono thime kutomo panongu kütsüe. Pa no ishi panongu vilo pi:

Luke 15:13

“Tishiwo kushuwa kumo lo anu ayitiu ye pa mheghi akeu kümtsü je pesü aghakhu kushuwa lo wuve eno tilau no lahilaza keu küxü lono pa kiní kümtsü kilhekulu puwokhave.

Luke 19:12

Pa no pi, “Aküka lagha lono ighi kemi lakhi no aghakhu kushuwa lo wu püzü pa ye akükau ipi süküsü shive no ideighi nikeu shie.

Luke 22:9

Pama no iniju, “No ye ikujo pelo Hechekulu ghulhu chuni ke ghenguno khile kutò penishi ani kea?”

Luke 8:10

Jisü no pi, “Alhou kükaphuw tuqhou ghili ithukulupu pesü nongu tsüvae; ikemu ni ye kütami lau ye kimghi pìye keu lono pi cheni, tishianguno, “ ‘panongu ye ju pülaghi ithumla nani, eno ini pülaghi vethamla nani.’

Apostolmi 7:38

Pa ye Sinai Naghuto lo kungumi pa pütsa keu eno ni pù-asüqo gholo küghünamokeu-a lo kuhokumqo keu lo ake; eno pa no ningu lau pekishe kepu aküxüpu tsaqo saighike.