Luke 9:51 - Sümi Tiqhelimi Bible

⁵¹ Kungugha lo Jisü saikuve kepu do kupunú woche kelo, pa no pa kükümsü ighomo no Jerusalem lo wuni keu shi.

BAIBEL (BSI)

⁵¹ Jisu kunguu sakuve kepu do kupunuwo chekelo, pano pa kukumsu ighomono Jerusalem lo wunikeu shi.

Sumi Naga CL (Re-edited) Bible (BSI)

⁵¹ Kughou Jisü saikuve kepu tsala kupunuve keno, pa ye Jerusalem lo wunike thebeive.

Luke 9:51 Iomraidhean Croise

Mark 16:19

Ampeu Jisü no panongu pütsa tave kethiu, pa ye kungugha lo saikuve eno Alhou u ajeu iqave.

Luke 12:50

Ikemu ni ye baptiz shikepu ani eno hipau shiluve moke kutólo ni ye kütakihi ani.

Luke 13:22

Tisheno Jisü no mishiphu eno aphuqo veche wuche kelo kütsü ghi Jerusalem lo wue.

Luke 17:11

Jisü no Jerusalem lo wuche kelo Samaria ngò Galilee lughi dolo kicheghüzü shiche.

Luke 18:31

Jisü no akhopemi chighikini kütashi sawu no panongu vilo pi, “Ningu ye Jerusalem lo iqho niye anie eno tilehi no tungkupumiqo no Timi Nu vehu yèpüa keu thowkha shikupu nani.

Luke 19:11

Panongu no hipau tsa ini akelo Jisü no aholetsa lakhi pi, kughengu pa ye Jerusalem kupunúve eno timiqo ye paikhavi Alhou kükaphu ipeghi niye kutò ani küghashi kümsü ake.

Luke 19:28

Jisü no hipau pive kethiu panongu züu no Jerusalem lo iqhove.

Luke 24:51

Pa no panongu kümgha tsü ghi panoqo qhive, eno pa ye kunguu saikuve.

Luke 9:57

Panongu no alà lo cheche kelo, timi lakhi no Jisü vilo pi, “Nono khila wuni keno ni ghí O papesü wunie.”

John 13:1

Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.

John 16:28

Ni ye Apù lau no ayeghi lo ighike; ni ye itehi ye ayeghi qhive no Apù lau idewove cheae.”

John 16:5

ikemu itehi ni ye khuu I puwu keno pa gholo wunia. ‘No ye khila wucheni kea?’ ipi nongu khunomu I vilo inijumoe.

John 17:11

Ni ye ayeghi lo ngo ani chemoe, ikemu panongu ye ayeghi lo aphie, eno ni ye O lau chenie. Apù Akimtheu, O je küká vechewo panongu süsho tsülo, aje tiye nono I tsü keu ke, tishianguno nikujo no lakhi shi ake toi panongu ghí lakhi shilu peniye ke.

John 6:62

Tishiaye tsalá Timi Nu no püzüu pa no achekeu-a lo ikuve keu nongu no ithulu aye kíshive nani kea!

Apostolmi 1:2

tiye Aghungu Kimthe vechewo pa no apostolmi shipe niye kisheluve kemiqo lau mijeve tsü kethiu kungugha lo saikuve keu tsalà tomo ke kutólo ke.

Apostolmi 1:9

Pa no hi pive kethiu, panongu nhekithe lono pa ye kunguu saikuve, eno khüngküsü amqo lakhi no pa nhaluve püzü panongu ye pa ithumlave.

Ephesiami 1:20

pa no akithí lono Khristo xüputhu no kungugha kükaqha lo pa u ajeu küghüqa keu kumto küká ke,

FILIPIAMI 3:14

ni ye akimiji küdau asaxu qelu niye vejoi pokive wucheni kughengu hi ghenguno Khristo Jisü vechewo Alhou no kungugha küxü lo I kulù ke.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 6:20

tiye Jisü no ningu züu no ningu züqhu shi ilovea ke. Pa ye pülhapuju ghenguno Melchizedek no shikeu ghola lono achinetomiqo shou atou shivea.

1 Peter 3:22

Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.