Luke 9:22 - Sümi Tiqhelimi Bible

²² Eno pa no pi, “Timi Nu ye aghime jeli ithulu moayesa nani eno kichimiqo, achinetomi eno ayeza kükütsümiqo no pa milive nikeu pitsü. Eno pa ye pìthíve moayesa nani eno atsala aküthüu lo ye xüputhuve nani.”

BAIBEL (BSI)

²² pi, “Timi Nu ye shishe ime masae; muchomiqo, achinetomi eno Ayezah kukutsumiqo pelo pa levepe, pithivepe masae ikemu akuthunino xuputhuve nani.”

Sumi Naga CL (Re-edited) Bible (BSI)

²² “Timi Nu ye aghime kutomo sholu masa nani, eno kichimi, achinetomi ngo Ayezah shikükami no kileqhive no pithive nani, eno atsala aküthüni no xüputhuve nani.”

Luke 9:22 Iomraidhean Croise

MATTHEW 17:12

Ikemu I no nongu vilo pìní, Elijah ye ighivea kemu panongu ye pa jukimchi mülave, ikemu panongu no pa shou shinishi chekeu kümtsü shiluvae. Tihutoi Timi Nu ghí panongu u lono imeni chenie.”

MATTHEW 17:22

Kughou panongu aqoshi Galilee lo ighi keno, Jisü no panongu vilo pi, “Timi Nu ye ikhiphe pesü timiqo u lo sǘve tsüní cheni.

MATTHEW 27:63

Panongu no pi, “Akijeu, ningu no kümsülu akeu ye, timi pishikiqhiu hupau no xüakelo, ‘atsala küthü thiu ni ye xülethuve nani,’ ipi ake.

Mark 8:31

Tisheno Jisü no akhopemiqo vilo Timi Nu ye aghime jeli ithulu moayesa keu eno kichimi, achinetomi eno ayeza kükütsümiqo no pa milive nikeu eno pa ye pìthíve moayesa nikeu eno atsala küthü thiu ye xülethuve nikeu pesü kütsüe.

Mark 9:31

kughengu pa ye pa khopemiqo kütsü ake. Panongu vilo pa no ishi pi, “Timi Nu ye ikhipe pesü timiqo u lo sǘve tsüní cheni. Panongu no pa pìthíve nani, eno atsala aküthüni lo pa ye xülethuve nani.”

Luke 17:25

Ikemu pa ye atüghishi shishe ime moayesa nani eno hipau tiqhelimi pelo pa milive pe nani.

Luke 24:26

Messiah ye hipaqo kümtsü ime no pa juküvü lo ilo nikeu shike kumo keshea?”

Luke 24:44

Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

Luke 24:7

‘Timi Nu ye axinemiqo u lo phesüve tsü moayesae, pa ye yeda pìthíve no aküthüni ye xüchileputhuve nani.’ ”

Luke 9:44

“I no kiu pi niye ani keno tsaqüi inilo: Timi Nu ye ikhiphe pesü timiqo u lo sǘve tsüní cheni.”

1 Kor. 15:4

pa ye qhove eno Kuchoyesü kiqi lono pa ye atsala aküthüni lo ye xülethuve,

1 Peter 1:11

Khristo Ghungu pano lolo akeu no Messiah aghime shi ime niye akeu eno tipau thiu ajuküvü ighi niye akeu azünatha ghi pipüa keu ye kiu do eno kiu tüqhüdo lono kichetsü ani keno phuphe niye pükapütsa ke.