Luke 6:21 - Sümi Tiqhelimi Bible

²¹ Müzüthi akemi kümghae, kughengu nongu ghapiqi tsü nani: Nongu khunoqo no itehi qa ani keno akümghae; kughengu nongu ye nulu nani ke.

BAIBEL (BSI)

²¹ ‘Nongu itehi muzuthi akeqo kumghae; nongu ghapiqi tsulu nani: Nongu itehi qa akeqo kumghae; nonguno nulu nani.

Sumi Naga CL (Re-edited) Bible (BSI)

²¹ “Nongu khunono itehi müzüthi ani keno akümghapue, kughengu nongu ghapiqi tsü nani. “Nongu khunono itehi mloqa ani keno akümghapue, kughengu nongu ye alovi nu nani.

Luke 6:21 Iomraidhean Croise

MATTHEW 5:4

Mloqa chekemiqo kümghae, kughengu panongu lokughuno tsü nani.

MATTHEW 5:6

Achipiumikucho ghenguno müzüthi kemi kümghae, kughengu panoqo ghapiqi tsü nani.

Luke 1:53

Pa no thime kivi pesü müzüthi kemi aghapiqi tsü, ikemu kiními au kümsá puwuve.

Luke 6:20

Jisü no pa khopemiqo ju no pi: “Nongu khunoqo no athokhami keno akümghae; kughengu Alhou kükaphu ye nonguw ke!

Luke 6:22

Kughou Timi Nu ghenguno timi no nongu mithi, nongu leve, nongu thaigha eno küsakügha kepi nongu jeku nike no, nongu kümghae.

Luke 6:25

Nongu itehi chhikhoi akemiqo ghenguno ahaküsapue, kughengu nongu ye müzüthi anani. Nongu itehi nu akeqo ghenguno ahaküsapue, kughengu nongu ye mloqa eno anhezü-piji nani.

John 11:35

Jisü no qa.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

John 6:35

Tisheno Jisü no asheshu ghi pi, “Ni ye aküxüpu sho ke. I lau ighi kemi ye khilemu müzüthimo nani, eno I pülü kemi ye khilemu tüghüthimo nani.

1 Kor. 4:11

Itehi kutólo ningu ye müzüthi eno tüghüthi cheni, ningu ye tiphimini küixü pepu cheni, shishe ningu heqhi-buqhi achephi, ningu ye kupo-kichemi ke.

2 Kor. 11:27

Ni ye aghichhe-ghime shi mülà ache eno ghuthu kutomo zühu pe püamoe; ni ye müzü-tüghü shipüani eno ghuthu kutomo achuqupu küha no atsala puwo püani; ni ye süthi eno tiphimini küha no ighi püani.

2 Kor. 12:10

Tishikehu, Khristo ghenguno tomo-chhimo keqo, jukünatha keqo, ghichhe-ghime shikeqo, pishi-puju keqo eno kushokütsü jeli shikeqo lo ni ye I lokiqi shi acheni. Kughengu kughou I no tomo-chhimoni keno, ni ye mutotoilu cheni.

2 Kor. 6:10

amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

Piyeküsü 21:3

Eno aküka lakhü lono asütsa kijè lakhi no ishi pikeu I no chilu, “Julo! Itehi ye Alhou no ngo chekeu-a ye timi gholo auvae, eno pa ye timiqo gholo xüacheuve nani. Panongu ye paw timi shive nani, eno Alhou ampi no panongu gholo anani eno panongu Lhou shive nani.

Piyeküsü 7:16

‘Panongu ye khilemu müzüthi kithemae; panongu ye khilemu tüghüthi kithemae. Panongu ye khilemu khetsünhe külǘ,’ momu kiu külǘ nomu panongu ghaqhimo nani.