Luke 4:23 - Sümi Tiqhelimi Bible

²³ Jisü no panongu vilo pi, “Kuchou no nongu ye I vilo ahole hipau tsatho pi nani: ‘Shikipivimi, O likhi O shipivi lo!’ Eno nongu no I vilo ishi pi nani, ‘Nono Capernaum lo mülà keu ningu no chilu keu toi O punugha hilehi ghí tipaqo shilo.’ ”

BAIBEL (BSI)

²³ Pano panongu vilo pi: “Mtsuqheino nonguye ivilo hipau tsa pi nani,’Shikipiviu, olikhi oshipivivelo’ eno ‘khipaqo Kapernaum lo shiepi ninguno chilukeno, nophu yina hilehi ghi tipaqo shilo!’ ”

Sumi Naga CL (Re-edited) Bible (BSI)

²³ Jisü no panoqo vilo pi, “Mtsüqheino nongu no I vilo ahole hipau pi nani, ‘“Shikipiviu, o shipivi lo.” Nono Capernaum lo mla keu ghili nino kiu chilu püani keno, hilau o punugha lo ghi shiju nipi.’”

Luke 4:23 Iomraidhean Croise

MATTHEW 13:54

Pa no pa punugha lo ighino panonguw synagog lono timiqo kütsü thuve, ikelo panongu ye akümzave. Eno panongu no ishi iniju ae, “Timi hipau ye khile no alokütsü hipau eno akümzapu küká hipaqo ithulu kea?

MATTHEW 4:13

Pa ye Nazareth qhive no Capernaum ipikeu-a lo wu no tile xüacheuve. Capernaum ye Zebulun ngò Naphtali ko-aqha lo Galilee züghi phivilo ke.

MATTHEW 4:23

Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

Mark 6:1

Jisü ye tipa-a qhive püzü pa khopemiqo sasü pa punugha lo wue.

Luke 2:39

Joseph ngò Mary pama ye Ampeu Yeza kiqi lo akeu kümtsü shikupuve kethiu pama ye Galilee lo pano phu Nazareth lo idewove.

Luke 2:51

Tisheno pa no pama sasü Nazareth lo iqive püzü pama ghokulu shi ache. Ikemu pazá no hi kümtsü li mlo lo akughupu shi qhiluve.

Luke 4:16

Pa no pa saputhukeu-a Nazareth lo wu, eno pa no shi chekeu kukhuaye kiqi lono pa ye Sabbath tsalà lo Synagog lo wu. Pa no liküküzü kaku phisü niye puthugho,

Luke 4:31

Tisheno pa ye Galilee lo mishiphu Capernaum lo iqi, eno Sabbath tsalà lo timiqo kütsüe.

Luke 4:35

Ikemu Jisü no müghachhoi pa lomipi: “Inaqhoivelo! Pa lau no ipeghivelo.” Tishi kemtsa tüghaküsa no panongu kümtsü zülo no timi hu tukuluqhive püzü kiumu ghüza keu shimo no pa lau no ipeve.

Luke 6:42

No ye kíshi no O likhi O nhethi lo asülu akeu jukutomo püzü O thiküzüu vilo, ‘O nhethi lo amihi akeu I no ikhipheve tsüní,’ ipi luni kea? No ye kühaküghamie, atüghishi O likhi O nhethi lo asülu akeu ikhive paghilo, tishianguno no ye O nhethi tsüghükhüi shi püzü, O thiküzüu nhethi lo amihi akeu ikhi phelu kepu shi nani ke.

John 4:28

Tile no li no azü’w alikoli pe chekeu qhive püzü mishiphu lo idewove no timiqo vilo pi,

2 Kor. 5:16

Ikehu ningu ye ayeghilomi gholau no timi khiumu chheju chemovae. Ghuthu lakhi ye ningu no hipau ghola lono Khristo chheju che kemu ningu ye tishi chemovae.