Luke 3:22 - Sümi Tiqhelimi Bible

²² eno Aghungu Kimthe ampi no miqhedu lakhi toi ighino pa shou iku ngove. Eno kungugha lono asütsa lakhi ighi: “No ye I no qhuivü chekeu, I nu ke; O shou I mlokiqi achenie.”

BAIBEL (BSI)

²² eno Aghungu Kimthe no miqhedu lakhi toi shino pa shou iqighi, eno kungugha lono asutsa lakhi ighi, “Noye ino qhuivu chekeu Nu; imlo kiqi olau acheni.”

Sumi Naga CL (Re-edited) Bible (BSI)

²² eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”

Luke 3:22 Iomraidhean Croise

MATTHEW 12:18

“Hiye khuu I no kishelu keno I qeu ke, I no kimiye chekeu, pa shou I mlokiqi acheni; I no I ghungu pa shou puku nani, eno pa no achipiu xakütha pesü shiyeqo lau asheshu nani.

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

MATTHEW 27:43

Pa ye Alhou shou pükhü achenie. Alhou no pa xalunishi aghí aye, itehi no pa xaluve pelo, kughengu pa no ishi pi acheni, ‘Ni ye Alhou nu ke.’ ”

MATTHEW 3:13

Ikelo Jisü ye John pelo baptiz shitsü peniye Galilee lono Jordan ghoki lo ighi.

MATTHEW 3:16

Jisü ye baptiz shive kemtsa, pa ye azü lono khalau ipeghive. Tipa mtsa no kungugha khaqhive, eno Alhou Ghungu no miqhedu lakhi toi pa shou ikughi akeu pa no ithulu.

MATTHEW 3:17

Eno kungugha lono asütsa lakhi ishi pi, “Hiye I no qhuivü chekeu I nu ke; ni ye pa shou I mlokiqi achenie.”

Mark 1:11

Eno kungugha lono asütsa lakhi ishi pi: “No ye I nu, I no qhuivü chekeu ke; O shou I mlokiqi achenie.”

Mark 1:9

Tipau ghuloki lo Jisü ye Galilee lo Nazareth phu lono Jordan ghoki lo ighi eno John no baptiz shitsüe.

Mark 9:7

Tishi kemtsa khüngküsü ipeghino panongu küzüpholuve, eno khüngküsü lono asütsa lakhi ighi: “Hiye I nu I no kimiye chekeu ke. Pa gholulo.”

Luke 2:14

“Kungugha akiqheu lo Alhou lau ajuküvü shilo! eno ayeghi lo pa lokiqi akemi shou aloino keu apelo.”

Luke 4:21

Pa no panongu vilo pithu: “Nongu no chilu akeu vechewo ishí no Kuchoyesü hipau shikupuvae.”

John 1:32

Tisheno John no ashepe hipau tsü: “Kungugha lono Aghungu hu no miqhedu lakhi toi iqighi no pa shou ngo akeu I no ithulue.

John 12:28

Apùo, O jekipipu shipelo!” Ikelo kungugha lono asütsa lakhi ighi, “Ni ye tipau juküvüpu shivae, eno itaghi tipau juküvü shitsü nanie.”

John 5:37

Eno Apù khuu I puwu keno pa likhi pa no I shepe shitsü ke. Nongu ye khilemu pa sütsa chimla aphi momu pa ju ghola ithumla aphi,

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Kolosiami 1:13

Kughengu pa no àküzǘ kükaqha lono ningu xaphelu no pa no kimiye chekeu Nu kükaphu lo ningu sasü ighike,

1 Peter 2:4

Nongu no pa lau ighi. Pa ye aküxüpu Tu ke. Aküxüpu Tu ye timiqo no milive ke ikemu Alhou no pa kishelu eno pa ye Alhou ghenguno akughupu ke.