Luke 3:11 - Sümi Tiqhelimi Bible

¹¹ John no khochile, “Timi khukhumu aphiküzü kini aghí aye khuu no küha keno pa sasü küsaje moayesa, eno timi khuu no achuqupu aghíni keno pa ghí titoi shi moayesa ke.”

BAIBEL (BSI)

¹¹ Pano khochile, “Khuuno aphikuzu kini anikeno lakhi pesu kuhakeu tsulo, khuuno achuqupu anikeno pa ghi titoi kusaje chulo.”

Sumi Naga CL (Re-edited) Bible (BSI)

¹¹ Pa no khochile, “Khukhumu aphiküzü kini akeu no küha kemi sasü küsaje lo, titoi achuqupu akeu no tishilo.”

Luke 3:11 Iomraidhean Croise

MATTHEW 25:40

“Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’

Luke 11:41

Ikemu nongu khu-ajikhu lo kiu ani keno kumlhomi lau tsükinimi shilo, eno O ghenguno thowkha mitheluve nanie.

Luke 18:22

Kughou Jisü no hi chilu keno, pa vilo pi: “No ye thime lakhi kupu mphie. O mheghi kümtsü jeve no kumlhomiqo tsüvelo, eno no ye kungugha lo O kinikhuki ania ke. Tisheno ighi püzü I papelo.”

Luke 19:8

Ikemu Zacchaeus no puthugho no Ampeu vilo pi, “Julo, Ampeu! Ni ye I küakini tüxa pesü athokhami tsüveni, eno I no kiu-kiu lomu khuala pishiqhi püaghi aye tipau theli lo ghuthu bidí no küghüsü püzü tsüchile veni.”

John 13:29

Kughengu Judas no pisa jukütsü che kehu, khami no kümsü keu no Jisü ye pa vilo tiqhitini lo kiu avehupu shi nani momu kiuala pesü kumlhomiqo tsü nike qhü lo piani küghashive ke.

Apostolmi 10:2

Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

Apostolmi 10:31

püzü ishi pi, ‘Cornelius, Alhou no O kighini chiluvetsüa eno nono aghòqo pesü kumlhomi kuphu chekeu hu Alhou no kümsüluve tsüae.

Apostolmi 10:4

Cornelius no akümsa lau no thüghüi pa ju. Pa no, “Kiu kea, Ampeu?” ipi iniju. Kungumi hu no khochile, “O kighini eno nono kümsá no kumlhomiqo kuphu chekeu ye Alhou gizülo kümsüma müla keu kümlagho shi ikughivae.

Ephesiami 4:28

Khuu no püka cheni keno pükamove moayesa, eno tishini ke züqhulo akümlà shi moayesa, pano likhi pano u peitha no kiuala akivipu kümlà shi moayesa, tishianguno panongu pelo khunoqo aveküsa shi ani keno tipaqo lau kiuala aghí keu pesü küsajelu kepu shilu pelo.

1 Tim. 6:17

Ayeghi hipau lo khunoqo no kinikülü shi ani keno panongu vilo akuchhoma shimo nikeu momu akiní khikhi pükhübelu chemo keno tipau shou panonguw lajupu qhimo no Alhou khuu no ningu lokiqipu ghenguno kinikulu shi ningu tsü cheni keno pa shou lajupu qhi penike azah tsülo.

1 Tim. 6:18

Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

IBRIMI 6:10

Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

James 1:27

Ningu Papù Alhou no akimthe eno akipimí küha keu chineye ipi ikhilu chekeu ye hike: mighimi eno chimemiqo no aghime kitikhi shi akelo tucho-heju nikeu eno ayeghilomi pelo o shikuchubeve keu shipemo no putosülu keu ke.

James 2:14

I thiküzümi eno I chelimiqo, tsalá timi khami no aküpülü ani kepi pükha anamu akümlàqo küha aye tiye kiu akivi ani kea? Aküpülü titoi keu ye panongu xalu nani keshea?

1 John 3:17

Tsalá khuala no ashi lo küakini aghí eno athiküzümi momu achelimi lakhi no avehupu shi akeu ithulu anamu panongu shou kimiye keu küha aye, kíshi no Alhou’w kikimiye timi tipau lolo aghílu nani kea?

1 John 4:20

Khukhumu Alhou kimiye cheni ipi pükha cheni püzü athiküzümi momu achelimi lakhi mithi aye tiye kimkimi lakhi ke. Kughengu khukhumu athiküzümi eno achelimi, khikhi panongu no ithulu cheni keno, kimiyemo kemi ye Alhou khuu panongu no ithulu mphi keno, kimiye mülae.