Luke 21:8 - Sümi Tiqhelimi Bible

⁸ Jisü no khochile: “Khuu pelomu nongu pishiqhive pemo nike jukuto alo. Kughengu timi kutomo no I je lono ighino ‘Ni ye pa ke,’ eno ‘Aghuloki hu tovae,’ ipi pükha nani. Ikemu panongu pape wu kevilo.

BAIBEL (BSI)

⁸ Jisu no pi: “Jukuto alo, nongu pishive pekevilo. Kughengu timi kutomo ije lono ighi puzu, ‘Niye pake’ eno ‘Aghuloki hu tovae!’ ipi namu panongu papewu kevilo.

Sumi Naga CL (Re-edited) Bible (BSI)

⁸ Pa no khochile, “Nongu saküghüzüve pemoni ke jukutolo. Kughengu kutomo no I je lono ighi no pi nani, ‘Ni ye Pa ke!’ eno, ‘Ado huye ighivae!’ Panongu papewu kevilo.

Luke 21:8 Iomraidhean Croise

MATTHEW 24:11

eno kichileu tungkupumiqo kutomo ipeghi nani eno timi kutomo pishiqhi nani.

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

MATTHEW 4:17

Tipathiu Jisü no ishi kütsü thuve, “Amlo pebidelo, kughengu kungugha kükaphu ye kupunú ighivae.”

Luke 17:23

Timi no nongu vilo, ‘Pa ye hule anie,’ momu ‘Hilau anie,’ ipi nani, ikemu panongu thikhau posü wu kevilo.

Luke 21:7

Panongu no iniju, “Akükütsüu, thime hipaqo ye kughou no shikupu nani kea? Eno hipaqo shikupu nikeu michipu ye kiu kea?”

Luke 21:9

Kughou nongu no aghüshi keqo eno mtomushu keu sütsa chiluni keno nongu shikümsa pe kevilo. Hipaqo paghi shikupu moayesa nani, ikemu ashekha ghuloki ye hitoi shive kemtsa ighiveni keu kumoe.”

John 5:43

Ni ye I pù je vechewo ighi ani, ikemu nongu no ni ikhilumo ke; tsalá khuala no pa likhi pa je lono ighi aye, nongu ye pa ikhilu nanie.

John 8:24

I no nongu vilo nongu ye nongu xinéqo lono thive nani ipi ke; tsalá nongu no ni ye pa ke ipi pülümo aye, nongu ye kuchou no nongu xinéqo lono thive nani.”

John 8:28

Ike Jisü no pi, “Nongu no Timi Nu pesü kros lo pepukuve kethiu no nongu no ni ye pa kepi ithi nani eno ni ye I likhi I kutoshi ye kiumu shichemo kemu Apù no kiu I shika keno ti pi cheni kepi ithi nani.

1 Kor. 6:9

Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

Ephesiami 5:6

Timi khuu pelomu nikhanigha tsa pesü nongu pishiqhive pe kevilo, kughengu hitoi keu ghenguno khunoqo no hekibidemi keno panongu shou Alhou loghu ikughi cheni.

2 Thes. 2:3

Khuu pelomu kiu laghi lonomu nongu pishiqhive pe kevilo, kughengu hekibide ipeghimo ke kutólo eno aye kümthau, khuu ashekha tsalà lo kütsakungove nani keno, pa pephe-piyemo ke kutólo Ampeu tsalà ye ighimo nani.

2 Tim. 3:13

eno küsaküghami ngò timi ghili kishimiqo ye alomo keu lono alomokitheuve nani, eno kütami pishiqhive keu likhi kumo no pano likhi pano pishiqhive nani.

1 John 4:1

Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.

2 John 1:7

Pishikiqhimi kutomo khunoqo no Jisü Khristo ye ashi shi no ighike ipi ikhilu chemo keno panongu ye ayeghiqha lo ipeghiva ke ghenguno ni ye hipau pi anike. Hitoi kemi timi ye pishikiqhimi eno Khristo lakichilemi ke.

Piyeküsü 1:3

Khuu no ighamuku tungkuptsa hipau phisüni keno tipano kümghae, eno khunoqo no hi chilu püzü kiu yèpüani keno tipau papeni keno tipaqo kümghae, kughengu ado ye kupunúvae.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.