Luke 21:12 - Sümi Tiqhelimi Bible

¹² “Hipaqo kiumu shimphi lono panongu no nongu küghaluve püzü pishi-puju nani. Panongu no nongu kügha pesü Synagog tsakükügha-a lo tsüve no akughuki lo sǘve nani, eno I je ghenguno nongu sasü kükami ngò anghqo zülo sawu nani.

BAIBEL (BSI)

¹² “Hipaqo kumtsu shimphi lono panonguno nongu kughaluve puzu shikighime nani, nongu kughape Sinagog tsakukugha zulo suvetsu nani eno akughukilo suve nani. Ighenguno nongu sasu kukami ngo ayehkipemi zulo wunani.

Sumi Naga CL (Re-edited) Bible (BSI)

¹² Ikemu hi kümtsü züuno nongu küghape kijipüsa nani, sinagog yepemi u lo süve no akughuki lo süve nani, eno I je ghenguno nongu sasü kükami ngo angh zülo wu nani.

Luke 21:12 Iomraidhean Croise

MATTHEW 22:6

Eno kütamiqo no pa qemiqo tsüqüluve eno panongu kijipüsa eno heqhipithíve tsü.

MATTHEW 24:8

Hipaqo kümtsü apunu küsǜ huthu akeu paphi ke.

Luke 21:11

Ayeghi küghütha kijè, püqümiye eno püsaküsüqo a-a kütüta lo ighi nani eno akümsapu jeli ngò amichipu kijè atsütsǘ lono ipeghi nani.

John 15:20

I no nongu vilo kiu pi keno kümsülulo: ‘Aqemi lakhi ye pa mpeu nguno akijeu kumoe.’ Panongu no I pishi-puju aye, panongu ye nongu ghí pishi-puju nani. Panongu no I kükütsü gholu aye, panongu ye nongu kükütsü ghí gholu nani.

John 15:21

I je ghenguno panongu no hitoi nongu pishi-puju nani, kughengu panongu ye khuu no I puwu keno mtha ke.

Apostolmi 22:30

Jewmi ye kughengu no Paul nguku ani keno zatsüu ye mütsüqhei phupheju nishive. Ikehu tishiwo thoghiu pa no Paul kuqhopheve no achinetou ngò Jewmi Hoho lo kihiküsümi kümtsü kumqo penike azah tsüve. Tisheno pa no Paul sasü ighino panongu zülo puthugho pe.

Apostolmi 5:40

Pa tsa no timi kümtsü mlo pütsaqhiluve. Panongu no apostolmiqo kusü chile eno akighí no panoqo heqhi pe. Tisheno panongu vilo Jisü je lono pi kevilo pi azah tsü no phe puwuve.

Apostolmi 8:3

Ikemu Saul no akukuhoki kütsa thuve. Pa no aki-aki kümtsü lo ilo no küpülümi kipitimi ngò totimi kinikujo süqosü akughuki lo sükhave.

Apostolmi 9:4

Pa ye ayeghi lo ilu iqive eno asütsa lakhi no ishi pa vilo pikeu chilu, “Saul, Saul, no ye kushiye ni pishi-puju cheni kea?”

1 Peter 2:13

Ampeu je ghenguno timiw kükagha kümtsü lau nongu likhi nongu ikhiphe pe tsülo: tiye akiqheu kükagha akeu qhasükükau lau shi aghina,

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.