Luke 19:12 - Sümi Tiqhelimi Bible

¹² Pa no pi, “Aküka lagha lono ighi kemi lakhi no aghakhu kushuwa lo wu püzü pa ye akükau ipi süküsü shive no ideighi nikeu shie.

BAIBEL (BSI)

¹² Ike pano pi; “Ajekipishi xuchekemi lakhi no akukau shikepu kuka lunike ayeghi kushuwalo wupuzu ideghi nikeu shiae.

Sumi Naga CL (Re-edited) Bible (BSI)

¹² Ikehu pa no pi, “Ghenimi lakhi no aghacheu aghakhu lakhi lo wuno pa sala kükaqha ighilu no ideighini keu shi.

Luke 19:12 Iomraidhean Croise

MATTHEW 21:38

“Ikemu kughou mishichi chekemiqo no panu ithulu keno, panongu lakhi no lakhi vilo ishi pie, ‘Hino amheghi ighi nikeu ke. Ighilo, ningu pa pìthíve no pa mheghi luvetsünie.’

MATTHEW 28:18

Ikelo Jisü no panongu lau ighino pi, “Kungugha lo eno ayeghi lo kükagha kümtsü pesü I tsüvae.

Mark 12:1

Tisheno Jisü no aholetsaqo lono panongu vilo pithu: “Timi lakhi no atsailu lakhi chie. Pa no ti homüxa aghutu shive püzü atsaithi tsüghǜ nike ghenguno aqò chhupe qhi no aqoghe lakhi mülà pukuve. Tisheno pa no atsailu pesü alukichimi khami lau mishichive pe no a-a kütau wuve.

Mark 16:19

Ampeu Jisü no panongu pütsa tave kethiu, pa ye kungugha lo saikuve eno Alhou u ajeu iqave.

Luke 20:9

Tisheno pa no hipau holetsa timiqo vilo pi: “Timi lakhi no atsailu lakhi chie no tipau pesü alu mishichi chekemiqo tsüve püzü ado kushuwa ghenguno izüwuve.

Luke 24:51

Pa no panongu kümgha tsü ghi panoqo qhive, eno pa ye kunguu saikuve.

John 18:37

Pilate no pi, “Tishiaye no ye akükau lakhi keshea?” Jisü no khochile, “Nono ni ye akükau lakhi kepi pi anie. Kuchou lo ye, I punú keu eno ayeghi hipau lo ighi keu kimiji ye kuchou thopi shipe niye ke. Kuchou küdau akemi kümtsü no I tsa chilu cheni.”

Apostolmi 17:31

Kughengu Alhou no timi lakhi süküsü shipepüa keu vechewo ayeghiqha shou amikucho lono küghatha nikeu tsalà lakhi püghüpe püanie. Hipau pülülu penike timi kümtsü lau tsü akeu shi ghi pa no akithí lono pa xüputhuveke.”

1 Kor. 15:25

Kughengu Khristo ye pa ghümiqo kümtsü pesü pa pukhu qholo qhivemo ke kutólo ayè pe moayesa nani.

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.

1 Peter 3:22

Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.