Luke 18:11 - Sümi Tiqhelimi Bible

¹¹ Phariseemi hu ye pakütashi puthugho no ishi inikhu: ‘Alhou, I no O shikimthi akeu ye kütami toi I pelo süxakulumi, küsaküghami, shupumi momu zame küqhami hipau toi pemo ke.

BAIBEL (BSI)

¹¹ Farisimi huno pa kutashi puthughono ishi inikhu: ‘Alhou, ino oshikimthi akeuye kutami hutoi niye suxakulumi, kusakughami, salhashupumi kumoe. Momu zahme kuqhami hupau toi moe.

Sumi Naga CL (Re-edited) Bible (BSI)

¹¹ Pharisee huno puthughope pa sala likhi hitoi inikhu: ‘Alhou, I no O shikimthi akeu no ni ye timi kütami toi süxa kuchumi, amikucho kumomi, salha-shupumi kumoe, momu hi zame küqhau toikeu mu kumoe.

Luke 18:11 Iomraidhean Croise

MATTHEW 10:3

Philip eno Bartholomew; Thomas eno Matthew zame küqhau; Alphaeus nu James, eno Thaddaeus;

MATTHEW 5:20

Kughengu I no nongu vilo pìní, nongu chipiumikucho no Phariseemiqo ngò ayeza kükütsümiqo nguno akiviu shimo ke thaqhülo, nongu ye khilemu kungugha kükaphu lo ilo müla nani.

MATTHEW 6:5

“Eno kughou nongu no akighini shini keno kühaküghamiqo toi shi kevilo, kughengu panongu ye synagogqo lo puthugho no akighini shinishi cheni eno kütami pelo ithulu peniye alaghila chekuqo lono akighini shi cheni. Kuchou no I no nongu vilo pìní, panongu ye pano sala qesaxu kuchopu ithuluvae.

Mark 11:25

Eno kughou nongu no puthugho püzü akighini shini keno, tsalá nono khuala lau akipimí aghí aye, panoqo kipimí qhive tsülo, tishianguno nongu Papù kungugha lo akeu hu no nongu xinéqo pevetsü nani ke.

Luke 20:47

Panongu ye chimemiqo ki süxaluve cheni eno timi shipe pìye nike ghenguno akighini kushuwa shi cheni. Timi hipaqo ye aghime kitikhi shi ghimeqhi nani.”

Luke 22:41

Tisheno pa ye panongu lau no putosü lo kütümo no wu püzü qhoqhünhe pe ishi inikhu,

Galatiami 3:10

Kughengu ayeza lo shikupulu keu shou pükhü chekemi kümtsü ishi yèpüa keu toi ghusho nani: “Khunoqo no Ayeza Kaku lo yèpüa keu kümtsü papemo nike no angsü shive pelo.”

FILIPIAMI 3:6

aküxü kütsü shi akukuhou pishi-puju chekemi lakhi; ayeza papelu keu lono achipiumikucho shilu cheghi aye, ni ye tukutiye kühae.

Piyeküsü 3:17

Nono, ‘Ni ye kiními ke; Ni ye aküakini kutomo pekütsüluvae eno thime lakhimu avehupu shi amoe,’ ipi cheni. Ikemu no ye ahaküsapu, kimiye kepu, athokhami, anhethi kighichemi, aphikümsa ngo ani kepi no ye mtha no anie.