Luke 17:6 - Sümi Tiqhelimi Bible

⁶ Jisü no khochile, “Nongu aghane thi pahi likhimu aküpülü aghí aye, nongu ye militasübo hipau vilo, ‘O kuhu lono O likhi O süjo pesü ayizü lo shosüve lo,’ ipi pilu nani eno tino nongu gholu nanie.

BAIBEL (BSI)

⁶ Ampeu no ishi khochileve: “Nonguno aghanethi pahimu akupulu aghi aye, militasubo hipau vilo, ‘Okuhu lono olikhi osujo pesu ayizulo shosuluvelo’ ipi kelo tino nongu gholu nani.”

Sumi Naga CL (Re-edited) Bible (BSI)

⁶ Ampeu no pi, “Nongu no aküpülü aghanethi qhemi likhimu aghike aye, nongu no kakuthi sübo hipau vilo, ‘Akuhu lono nhüpe azüghi lo shosüve lo,’ ipi aye tino nongu tsa lunani.

Luke 17:6 Iomraidhean Croise

MATTHEW 14:29

Pa no pi, “Ighilo.” Ikelo Peter no ashuka lono ipeve püzü, azü lono alà chesü Jisü lau wuche.

MATTHEW 17:20

Pa no ishi khochile, “Kughengu nongu ye aküpülü ighono mikhe anike. Kuchou no I no nongu vilo pìní, nongu no aghane thi pahi likhimu aküpülü aghí aye, nongu no naghuto hipau vilo, ‘Hile no hulau ithawuve lo,’ ipi kelo tipau no ithawuve nani. O ghenguno kiumu shikümlapu küha nani.

MATTHEW 21:21

Jisü no khochile, “Kuchou no I no nongu vilo pìní, tsalá nongu no lipimo no aküpülü aghí aye, nongu no mububo shou kiu shive keno tilikhi kumo, ikemu nongu no naghuto hipau vilo, ‘wuvelo, O pesü azüghi lo vesüve lo,’ ipi aye tishive nani.

Mark 4:31

Tiye ayeghi lo apitìqo kümtsü dolo aghulou aghane thi lakhi toi ke.

Mark 9:23

Jisü no pi, “ ‘I no shikulupu shi aghí aye ya?’ Khuu no pülübeni keno pa ghenguno thowkha shilu nanie.”

Luke 13:19

Hiye timi no aghane thi lakhi ikhipe pa ghutu lo yisü keu toi ke. Tino thuwu no asübo lakhi toive eno aghauqo no alokaqo lo apüsü pesüe.”

Luke 17:7

“Kümsüju kelo nongu lakhi gholo aqeu lakhi no alu hokide momu ambe jukutoa no kughou pa no alu lono ideghini keno pa ye aqeu vilo, ‘Mtazü ningu gholo iqa no ana chulo,’ ipi nani keshea?

Luke 19:4

Tighenguno pa no aqokitikhi züu powu püzü Jisü ju niye tüküthi bò lo mili ikuve, kughengu Jisü ye tipau là lo wu niye cheke.

Luke 7:13

Kughou Ampeu no li ithulu keno, pa mlo lo li kimiyeqhiyi keu no chhitoive no pa no pi, “Qa kevilo.”

Luke 7:19

pa no Ampeu vilo, “No ye ighi niye akeu hu keo, ningu ye kütami huqhe aghílo pi kea?” ipi iniju penike pama puwu.

1 Kor. 13:2

Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe.