Luke 17:25 - Sümi Tiqhelimi Bible

²⁵ Ikemu pa ye atüghishi shishe ime moayesa nani eno hipau tiqhelimi pelo pa milive pe nani.

BAIBEL (BSI)

²⁵ Ikemu atughushi paye shishe ime masa eno hipau tiqhelimi pelo pa leve pe nani.

Sumi Naga CL (Re-edited) Bible (BSI)

²⁵ Ikemu pa ye atüghüshi aghime jeli kutomo puqhe no hipa tiqhelimi no kileqhive penani.

Luke 17:25 Iomraidhean Croise

MATTHEW 16:21

Tile no huthu no Jisü no akhopemiqo vilo pa ye Jerusalem lo wu moayesa nani eno kichimiqo, achinetomi eno ayeza kükütsümiqo u lono aghime shi nani, eno pa pìthíve nani ikemu atsala aküthüu lo ye xüputhuve nani ipi chixechilei pitsü.

MATTHEW 21:42

Jisü no panongu vilo pi, “Nongu ye Kuchoyesü lo khilemu phimla aphi keshea? “ ‘Aki kishimi no atuqu milive keu no akhotou tuqu shivae; Ampeu no hipau shive tsüa, eno hiye ningu nhekithe lo akümzapue.’

Mark 10:33

Pa no ishi pi, “Ningu ye Jerusalem lo iqho cheni! Eno Timi Nu ye achinetomi eno ayeza kükütsümiqo u lo phesüve tsü nani. Panongu no pa pìthíve penike pipüsa püzü Jewkumomiqo u lo pesüve nani,

Mark 12:10

Nongu ye Kuchoyesü lo hipau tsajo philumo keshea: “ ‘Aki kishimi no milive keu tuqu no akhotou tuqu shivae;

Mark 8:31

Tisheno Jisü no akhopemiqo vilo Timi Nu ye aghime jeli ithulu moayesa keu eno kichimi, achinetomi eno ayeza kükütsümiqo no pa milive nikeu eno pa ye pìthíve moayesa nikeu eno atsala küthü thiu ye xülethuve nikeu pesü kütsüe.

Mark 9:31

kughengu pa ye pa khopemiqo kütsü ake. Panongu vilo pa no ishi pi, “Timi Nu ye ikhipe pesü timiqo u lo sǘve tsüní cheni. Panongu no pa pìthíve nani, eno atsala aküthüni lo pa ye xülethuve nani.”

Luke 18:31

Jisü no akhopemi chighikini kütashi sawu no panongu vilo pi, “Ningu ye Jerusalem lo iqho niye anie eno tilehi no tungkupumiqo no Timi Nu vehu yèpüa keu thowkha shikupu nani.

Luke 18:33

panongu no akighikipili pe pa heqhi eno pìthíve nani. Eno pa ye atsala aküthüu lo xülethuve nani.”

Luke 24:46

Pa no panoqo vilo pi, “Kiu yèpüani keno tiye hike: Messiah ye ime nani eno aküthüni ye akithí lono xüchilethuve nani,

Luke 9:22

Eno pa no pi, “Timi Nu ye aghime jeli ithulu moayesa nani eno kichimiqo, achinetomi eno ayeza kükütsümiqo no pa milive nikeu pitsü. Eno pa ye pìthíve moayesa nani eno atsala aküthüu lo ye xüputhuve nani.”

John 1:11

Pa ye pa likhi paw timiqo gholo ighike, ikemu pa likhi paw timiqo no pa ikhilumoe.

John 12:38

Ike hiye Isaiah tungkupuu tsa shikupu niye ke: “Ampeu, khuu no ningu kükütsü sütsa pülü tsü kea eno khunoqo lau Ampeu küká pephe-piye kea?”