Luke 17:2 - Sümi Tiqhelimi Bible

² Timi khukhumu hi kitilaqo gholo milakhi pelomu axiné lo ilove pe aye panongu kuwo homüxa athì kütsüghǜ tuqu tsüghave no ayizü lo vesüve keu pavie.

BAIBEL (BSI)

² Timi khuno hi kitilaqo gholo milakhi pelomu axine shive penikeno athi kutsughu tu pa kuolo tsughada pipe puzu pa kughape ayizulo vesuvekeu pavie.

Sumi Naga CL (Re-edited) Bible (BSI)

² Pa vecheo hi kititiqo lakhi nomu küpxave aye pa ghengu ye athi kütsüghü tuqu pesü pa kuo lo tshüqhi pipe püzü azüghi lo vesüvepe keu pavie.

Luke 17:2 Iomraidhean Croise

MATTHEW 17:27

“Ikemu panongu shikulosümo nike ghenguno, ayizükucho lo wulo eno akha kümsüpú yì lakhi vesülo. Akha atüghiu küghalu keu tipau kichí sükhoju aye tile ghükayi bidí aghí nani ke. Tipau ikhilulo eno I ghenguno ngò nongu ghenguno zame panoqo tsüvelo.”

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

MATTHEW 18:14

Tihutoi nongu Papù kungugha lo akeu ye hipaqo kititi gholo lakhimu pühave penishimoe.

MATTHEW 26:24

Timi Nu ye Kuchoyesü lo yèpüa ketoi thive nani. Ikemu Timi Nu küghape thechu shive keu ghengu ye ahaküsapue! Pa ghengu ye punúmove keumu pavini cheke.”

Mark 9:42

“Timi khukhumu I pülü chekemi itimi kitilaqo pelo veqhive pe aye, timi tipaqo ghengu ye athì kütsüghǜ tuqu kijè keu pesü pano kuwo homüxa tshüve no azüghi lo vesüve keu no akiviu shive nanie.

John 21:15

Kughou panongu no chuqhive keno, Jisü no Simon Peter vilo pi, “John nu Simon, no ye thime hipaqo nguno alau I kimiye chenima?” Simon no pi, “Iyei, Ampeu, I no O kimiye chekeu nono ithi anie.” Jisü no pi, “Iw ambetiqo lojí lo.”

1 Kor. 9:15

Ikemu ni ye hipaqo chipiu lakhimu peitha pe püamoe. Eno ni ye nongu pelo I ghenguno titoi shipe nikeu lakuju qhi ghi hipau yè anike kumoe. Kughengu I no achipiu hipau lo agijivilei atsakiviu kütsü chekeu lo khiuala pelo shipühave pe nikeu züqhulo ni ye thive keumu pavi ke.

1 Kor. 9:22

Miqemilei kemi sasü Khristo lau ighi nike ghenguno ni ye miqemilei kemi lau miqemilei shi xü cheni. Ni ye timi khami likhimu xakulupu shilunimola yé tolukivi thaqhü timi kümtsü gholo thowkha kümtsü shi acheni.