Luke 16:22 - Sümi Tiqhelimi Bible

²² “Kughou khukuchumi hu thive keno kungumiqo no kuho pesü Abraham phivilo saighi. Kiními hu ghí thive eno qhove.

BAIBEL (BSI)

²² Kumlhomi hu thive eno kungumino Abraham phivilo, kungugha ghulhulo xapuwuve. Kinimi ghi thiveno qhove,

Sumi Naga CL (Re-edited) Bible (BSI)

²² Ado hami thiu kumlhomi hu thive, eno kungumi no pa sawo Abraham phivilo qhive. Tithiu akiniu ghi thive no shiqhove,

Luke 16:22 Iomraidhean Croise

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

MATTHEW 24:31

Eno pa no afuko ghügha kijè gholo no paw kungumiqo puwu nani, eno panongu no ayeghi cheku bidí lono pa no kisheluve kemiqo hekütsü süghi nani, eno tiye ayeghi ashekha lono ashekha kutólo kisheluve kemiqo süghi nani.

MATTHEW 8:11

I no nongu vilo pìní, kipelau eno kulolau no timi kutomo ighi nani, eno panongu no kungugha kükaphu lo Abraham, Isaac eno Jacob noqo gholo iqa no aghulhu shi nani.

Mark 8:36

Timi lakhi no ayeghiqha kuchopu paw shive aghí namu, pa ngulho xamlave aye kiu alá ani kea?

Luke 12:20

“Ikemu Alhou no pa vilo pi, ‘O aghüzüù! Itiji no O küxü ye O lau no khulu veni cheni. Tishive aye O likhi O ghenguno kutò pe püakeu khuu no luve nani kea?’

Luke 16:21

eno pa ye akiníu ghulhu lipa lono munomugho ikiqi keu chuni shiqhiyi ache. Atsǜqo ghí ighino pa phi lo apiyíqo mine ache.

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 13:23

Panongu dolo Jisü no kimiye chekeu akhopeu ye Jisü phivilo mungupe ae.

John 21:20

Peter no idewo ju kelo Jisü no kimiye chekeu akhopeu hu panongu pape chekeu ithulu. (Hiye aghulhu chu akelo Jisü thikhau mungupe no, “Ampeu, khuu no O pesü thechu shi niye ani kea?” ipi iniju keu ke.)

IBRIMI 1:14

Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

IBRIMI 2:14

Anuliqo ye ashi eno ajì pù anike ghenguno pa ghí panonguw timi shi-aji gholo küsaje ke, tishi keu lono pa kithí vechewo timi khuu no akithí küká pesü ani keno pa küká kubove tsü niye ke—tiye tüghami hu ke—

James 1:11

Kughengu khetsünhe ye ghaqhi keu külǘ gholo no ipeghi cheni eno atsüniqo pelo ighüyive pe cheni; atsüni kùpú ikiqive cheni eno tipau jukivi kütsave cheni. Tipau tho lono, kinímiqo ye panongu no mülà chekeu kümlà lono ighüive nani.

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

Piyeküsü 14:13

Tile no kungugha lono asütsa lakhi no ishi pikeu I no chilu, “Hipau yè lo: Hinguno hilau ye khunoqo no Ampeu lono thiveni keno panoqo kümghae.” “Iyei, panongu ye panongu kümlà lono akulhoqhinia ke, kughengu panongu kümlà kivi no panongu pape nani ke,” ipi Aghungu no pi.