Luke 16:16 - Sümi Tiqhelimi Bible

¹⁶ “John Baptiz kishiu kutólo ye Moses no süghi keu yeza eno Tungkupumiqo no pikeu tsaqo pesü asheshu ache. Tile no huthusü Alhou kükaphu tsakiviu pesü kütsü acheni, eno kümtsü no hile ilo nike anguka shi acheni.

BAIBEL (BSI)

¹⁶ Muse no sughikeu zahkutsu eno tungkupmi no pikeu tsaye Johan Baptist ighike kutolo pepimhe cheke. Tileno huthusu akivi sutsa hi Alhou yehkipe ghili pi ighivea, eno lakhikhino hile ilonike anguka vesu cheni.

Sumi Naga CL (Re-edited) Bible (BSI)

¹⁶ “John ghuloki kutolo Ayezah eno Tungkupu kakuqo pekishe sheshu ighi; tinguno tilau ye Alhou yekipe lo atsakiviu ghili sheshu ighi kelo kümtsü no tile ilo niye anguka shi shoxüsü cheni.

Luke 16:16 Iomraidhean Croise

MATTHEW 10:7

Nongu no wuche kelo, hipau kükütsü sütsa pesü asheshu lo: ‘Kungugha kükaphu ye kupunú ighivae.’

MATTHEW 15:11

Kiu akichi lo ilove cheni keno tino timi shikuchubeve chemoe, ikemu kiu akichi lono ipeghini keno, tipau no panongu shikuchubeve cheni.”

MATTHEW 21:32

Kughengu John no nongu lau ighi keu ye achipiumikucho laghi nongu pìye nike ghenguno ke, tishimu nongu no pa pülümoe; ikemu zame küqhami eno kütüqhamiqo ye pa pülüe. Eno nongu no ti ithulu kethiu ghi, nongu ye amlo pebidemoe eno pa pülümoe.

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

MATTHEW 4:17

Tipathiu Jisü no ishi kütsü thuve, “Amlo pebidelo, kughengu kungugha kükaphu ye kupunú ighivae.”

MATTHEW 4:23

Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

Mark 1:14

John pesü akughuki lo sǘve kethiu Jisü no Galilee lo ilo eno Alhou tsakiviu pesü asheshue.

Mark 1:45

Ikemu tishini ke züqhu, timi hu no khalau ipe no tipau ghili sütsa pesü inapügha zale ghi veküpha wove. Tishikehu, Jisü ye mishiphu lo pekiphe shi ilomlave no khalau küghünamokeu-a lo ngoe. Tishimu, aqha kümtsü lono timiqo no pa lau ighi.

Luke 10:11

‘Now mishiphu lono ni pukhu müzá lo ayeghimukhu ikughive keu ghí nongu lachile keu michi shi kukhuqhivae. Ikemu mütsümishei hi ithilo: Alhou kükaphu ye nongu lau kupunú ighivae.’

Luke 10:9

Küsükinimi tile akeqo shipivi lo eno panongu vilo pilo, ‘Alhou kükaphu ye nongu lau kupunú ighivae.’

Luke 16:29

“Abraham no khochile, ‘Panongu ye Moses eno Tungkupumiqo kaku ani, panongu pelo tipaqo tsa ini pelo.’

Luke 16:31

“Abraham no pa vilo pi, ‘Tsalá panongu no Moses eno Tungkupumi tsaqo inimo aye, timi khami no akithí lono xüithughi namu panongu pütsaqhi müla nanie.’ ”

Luke 9:2

eno pa no Alhou kükaphu ghili pesü asheshu eno küsükinimi shipivi penike panongu puwue.

John 1:45

Philip no Nathanael ithulu püzü pa vilo ishi pi, “Ningu ye Moses no Ayeza lo timi lakhi ghili yèpüa keu eno khuu tungkupumiqo ghí pa ghili yèpüa keno pa ithuluvae—pa ye Nazareth nó ghami Joseph nopu Jisü ke.”

John 11:48

Tsalá ningu no pa pelo hitoi shiauve pe aye, kümtsü no pa shou pülüveni cheni, eno tisheno Rommiqo no ighi püzü ningu chineki eno ni shiye kinikujo pesü wuve tsüní chenie.”

John 12:19

Ikehu Phariseemiqo no lakhi no lakhi vilo ishi pi, “Julo, ningu ye hiye kiumu shimlavae. Ayeghiqha kuchopu no kíshi pa pape auvea keno julo.”

John 5:4

Panongu ye azü küghütha khea. Kughengu ado-ado lo Ampeu’w kungumi lakhi no iqighi püzü azü xukutho cheke. Eno timi khuu no atüghishi azü küghütha keu lo iloni keno kiu-kiu küsǜ lono sǜ aghimu viluve cheke.

Apostolmi 3:18

Ikemu hipau gholau no Alhou no tungkupumiqo kümtsü vechewo azünatha ghi Messiah ye ghichhe-ghime shi nani ipi pipüa keu shikupuvae.