Luke 13:25 - Sümi Tiqhelimi Bible

²⁵ Kughou aki mpeu no ithu püzü ahukikha khave keno, nongu ye khalau puthugho no ahukikha kukhu ghi, ‘Akijeu, ningu ghenguno ahukikha khaqhi tsülo,’ ipi qhüiniju nani. “Ikemu pa no, ‘Nongu ye khuu momu khile no ighi ani keno ni ye mthae,’ ipi khochile nani.

BAIBEL (BSI)

²⁵ “Aki mpiu huno ithu puzu ahukikha khave nani, tile nonguno khalau puthughono ahukikha khukhu puzu, ‘Akijeu, ighenguno ahukikha khaqhilo’ pini keno pano nongu khochile nani, ‘Nonguye khilano cheni keno niye mthae!’

Sumi Naga CL (Re-edited) Bible (BSI)

²⁵ Kughou aki mpeu no ghuthu lakhi ithu aki khaveni keno, nongu khalau puthugho akeqo no ahukikha kukhu no, ‘Ampeu, ni khaqhi sülo,’ ipi anamu, pa no nongu khochile nani, ‘Ni ye nongu no khilau no ighi ani keno mthae.’

Luke 13:25 Iomraidhean Croise

MATTHEW 25:41

“Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

Luke 13:27

“Ikemu pa no, ‘Ni ye nongu mthae momu khile no ighi ani keno mthae. I lau no chevelo, nongu küsaküghamiqo!’ ipi khochile nani.

Luke 3:8

Amlo pebideve keu toi xüpe pìyelo. Eno nongu ye, nolikhi no vilo, ‘Ningu ye Abraham no ningu papù ke,’ ipi pilu nani küghashi kümsü kevilo. I no nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani.

Luke 6:46

“Kushiye I vilo, ‘Ampeu, Ampeu,’ ipi no I no pikeu shichemo kea?

2 Kor. 6:2

Kughengu pa no ishi pike, “I no qhuivülai kepu ghuloki lono nongu sütsa chilutsü ke, eno xakulupu tsalà lono I no nongu kuphutsü ke.” Julo! Alhou’w qhuivülai keu ghuloki ye itehi ke, xakulupu tsalà ye itehi ke.

IBRIMI 12:17

Nongu no ithi ake toi, hipathiu kughou pa no paw kükümgha hipau ighí niye shi kelo, pa milive ke. Pa no anhezü ipeghino kükümgha phuju kemu, pa ye pa no mülaqhive keu kilimlave ke.