Luke 11:4 - Sümi Tiqhelimi Bible

⁴ Ningu xinéqo qhive tsülo, kughengu ningu ghí kütami no ni lau akipimí shikeqo pevetsü cheni ke. Eno ningu pelo ghukuju lo ilove pe kevilo. Ikemu küsakügha lau no ni xaphe tsülo.’ ”

BAIBEL (BSI)

⁴ Eno ningu kipimi pevetsulo, kughengu nighi nilau akipimi shivekemi kipimi pevetsu cheni. Eno ghukujulo ni sawu kevilo.’ ”

Sumi Naga CL (Re-edited) Bible (BSI)

⁴ eno ni kipimi peve tsülo, kughengu ningu ampi no ni pi kupumi kipimi pevetsü cheni. Eno ghukuju lo ni sailotsü kevilo.”

Luke 11:4 Iomraidhean Croise

MATTHEW 18:35

“Nongu no nongu mlo lono nongu thiküzümi momu achelimi kipimí qhive tsümo aye, I pù kungugha lo akeu ghí hitoi nongu lakhi-khi peitha nani.”

MATTHEW 26:41

Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani ikemu ashi-aji no miqemilei anie.”

Luke 11:5

Tisheno Jisü no panongu vilo pi, “Kümsüju kelo no ye aküsàu lakhi aghíni, eno zübumta lono nono wu no ishi pìní, ‘I küsàu, asho apa küthü I püná tsü aghílo;

Luke 13:4

Momu pano chighitache khunoqo Siloam lo akuchuqu ki no ilaiqi panongu veqhi pìthíve keno, nongu no kümsü keu ye panongu ye Jerusalem lo xü akemi kümtsü nguno shipimive küghashi keshea?

Luke 22:46

Ike pa no panongu vilo pi, “Nongu ye kushiye zü ani kea? Ithuvelo eno ghukuju lo ikiqimo nike inikhulo.”

Luke 8:13

Apitì atusaye yeghi shou ikiqi keqo ye Alhou tsa chilu kelo alokivishi ikhilu keqo ke; ikemu panongu ye akuhu qüsümoe. Ikehu ado kitila ghenguno pülüa no thekuju ighi kelo ikiqive kemiqo ke.

John 17:15

I no inikhu akeu ye O pelo panongu pesü ayeghi lono ikhisüwuve penike ghenguno kumoe ikemu küsakügha lau no panongu süsho tsü penike ghenguno ke.

1 Kor. 10:13

Ghukuju khijehi nongu zülo ighi keno kütami sheamzü lo ghí titoi ighino puju-shijuvea ke ipi kümsülulo. Alhou ye pükhübekuluu ke; pa ye nongu no puqhelu kepu nguno alau ye nongu ghuju pemo nani. Ikemu kughou O ghujuni keno, pa no O pelo theqhiluve pe kepu laghi O tsü nani.

Kolosiami 3:13

Lakhi no lakhi lau küsüqhikulu shilo eno nongu khuala no kütami lau kumchhokumnu shikeu aghí aye lakhi no lakhi kipimí qhitsülo. Ampeu no nongu kipimí qhitsü ketoi nongu ghí lakhi no lakhi kipimí qhitsülo.

2 Thes. 3:3

Ikemu Ampeu ye pükhübekulu ke, eno pa no nongu shikumto tsü nani eno küsaküghau lau no nongu süsho nani.

2 Tim. 4:18

Ampeu no küsakügha jeli I ghime niye akeu kümtsü lono I xapheluve nani eno I süsho pesü paw kungugha kükaphu lo ilo nani. Pa lau alhokupuju lono alhokupuju kutólo ajuküvü ache pelo! Amen.

James 2:13

kughengu khukhumu kimiyekini küha kemi lau ye kimiyekini pìyemo no küghatha nani. Kimiyekini no küghakütha shou tokulu shilu cheni.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.