Luke 11:2 - Sümi Tiqhelimi Bible

² Pa no panongu vilo pi, “Kughou nongu no inikhuni keno ishi pilo: “ ‘Apù, O je akimthe shi pelu pelo, O yekipe ighilo.

BAIBEL (BSI)

² Jisu no panongu vilo pi, “Hitoi akighini shilo: ‘Apu, Oje akimthe shi qhilu pelo, Oyehkipe ighilu pelo.

Sumi Naga CL (Re-edited) Bible (BSI)

² Pa no panoqo vilo pi, “Kughou nongu no inikhuni keno ishi pilo: “Apuo, O je akimthe shilo, O yekipe ighilo.

Luke 11:2 Iomraidhean Croise

MATTHEW 10:32

“Khunoqo no kütami zülo I je piphe tsüní keno, ni ghí kungugha lo I pù zülo pa je piphe tsü nani.

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

MATTHEW 5:16

Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

Luke 11:1

Ghulo lakhi Jisü ye a-a lakhi lo inikhua. Kughou pa no inikhu tave keno pa khopemi lakhi no pa vilo pi, “Ampeu, John no pa khopemiqo shika keu toi akighini ningu shikalo.”

Rommi 1:7

I no Rome lo Alhou no kimiye chekemiqo eno paw akimthe timi shipe nike kulùve kemiqo kümtsü lau yèlu ani: Ningu Papù Alhou eno Ampeu Jisü Khristo lau no ighi keu küpükini eno aloino keu nongu gholo apeniu.

Rommi 8:15

Alhou no pa Ghungu nongu tsü keu ye nongu pesü aqüaxemi shive no nongu pelo itaghi msà kithe ghi xüpe niye tsümoe; ikemu nongu no Aghungu ithulu keu vechewo Alhou no saputhuluve keu anukishimi shitsüe, eno Aghungu küká lono ningu no, “Abba, Apùo!” ipi ighamuku cheni.

1 Kor. 1:3

Ningu paPù Alhou eno Ampeu Jisü Khristo lau no ighi keu küpükini eno alokiqi nongu gholo apeniu.

2 Kor. 1:2

Ningu paPù Alhou eno Ampeu Jisü Khristo lau no ighi keu küpükini eno alokiqi nongu gholo apeniu.

Galatiami 1:4

ningu papù eno Alhou pulou kiqi lono Ampeu Jisü Khristo ye hipau tiqheliw küsakügha lono ningu xaphe nike ningu xinéqo ghenguno pa küxü tsüve ke,

Ephesiami 1:2

Ningu Papù Alhou eno Ampeu Jisü Khristo vechewo küpükini eno aloino keu nongu gholo apeniu.

FILIPIAMI 1:2

Ningu Papù Alhou eno Ampeu Jisü Khristo vechewo küpükini eno alokiqi nongu gholo apeniu.

FILIPIAMI 4:20

Ningu Papù Alhou lau alhokupuju lono alhokupuju kutólo ajuküvü ache pelo. Amen.

Kolosiami 1:2

Kolosia lo Alhou’w akimthe timiqo, Khristo lono pükhübekulumi athiküzümi eno achelimiqo lau yèlu ani: Ningu Papù Alhou lau no ighi keu küpükini eno aloino keu nongu gholo apeniu.

1 Thes. 1:1

Yesǜ hipau ye Paul, Silas eno Timothy lau no, Apù Alhou eno Ampeu Jisü Khristo vechewo Thessaloniami kukuhou lau yèlu ani: Küpükini eno aloino keu nongu gholo apeniu.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

2 Thes. 2:16

Ningu Mpeu Jisü Khristo ampi no eno ningu Papù Alhou khuu ningu kimiye eno paw küpükini vechewo lhokta shikumtokütsü eno lajupu kivi ningu tsü keno,

Piyeküsü 11:15

Kungumi akütsüniu no pa fuko küigha kelo kungugha lono asütsa kuloghi ipeghino ishi pie: “Ayeghi lo akükaphu hu ye ningu Mpeu eno paw Messiah kükaphu shivae, eno pa no alhokupuju lono alhokupuju ghenguno ayè pe nani.”

Piyeküsü 15:4

Ampeu, khuu no O msàmoni kea, eno khuu no O je sheqhe tsümoni kea? Kughengu O likhi no akimthe ke. Shiye kümtsü no O zülo ighino O mülá nani, kughengu O chipiumikucho kümlà ye pephe-piyeva ke.”

Piyeküsü 19:6

Tipathiu timi aqokitikhi kijè no azü qowu akeu ghügha eno tsütsü-küsü kuloghi toi keu ghügha lono ishi ighamuku keu I no chilu: “Hallelujah! Kughengu ningu Mpeu Alhou Akughushuu no ayè pe anie.

Piyeküsü 20:4

I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.