Luke 10:42 - Sümi Tiqhelimi Bible

⁴² ikemu thime lakhi likhi avehupu shi ani. Mary ye kiu no akiviu keno ti kisheluvea, eno tiye li lau no ikhisüwuve mülae.”

BAIBEL (BSI)

⁴² Ikemu thime lakhi avehupu shi ani. Maria no thime akiviu kisheluvae eno tiye li launo ikhisuwuve mla nani.”

Sumi Naga CL (Re-edited) Bible (BSI)

⁴² ikemu thime lakhi avehupu shi ani. Mary no asaje aloke kishe luvae, eno li launo ti luve tsümo nani.”

Luke 10:42 Iomraidhean Croise

Mark 8:36

Timi lakhi no ayeghiqha kuchopu paw shive aghí namu, pa ngulho xamlave aye kiu alá ani kea?

Luke 10:39

Li tsünipu lakhi Mary ipikeu ye Ampeu pukhuphi lo iqa no pa no kiu pi akeno ini ae.

Luke 11:1

Ghulo lakhi Jisü ye a-a lakhi lo inikhua. Kughou pa no inikhu tave keno pa khopemi lakhi no pa vilo pi, “Ampeu, John no pa khopemiqo shika keu toi akighini ningu shikalo.”

Luke 12:20

“Ikemu Alhou no pa vilo pi, ‘O aghüzüù! Itiji no O küxü ye O lau no khulu veni cheni. Tishive aye O likhi O ghenguno kutò pe püakeu khuu no luve nani kea?’

Luke 12:33

Nonguw küakiniqo jeve lo eno kumlhomiqo tsülo. Nongu ghenguno pisabo pepüha müla keu kutolu lo, kungugha lo akiníbo ye khilemu kühavemo nani, tile ye küpkami mu aphivilo ighi müla eno amilamu chupüha müla nani ke.

Luke 16:2

Tighenguno pa no püghükütsüu ku püzü pa vilo iniju, ‘I no O ghili chilu akeu hiye kiu kea? Ow akümlàqo kihikülai pe I tsülo, kughengu hinguno hilau ye O pelo püghükütsüu shipema ke.’

Luke 16:25

“Ikemu Abraham no ishi khochile, ‘Anu, Lazarus no shiluküsa shi ache kelo no ye O küxü kupuju akivi nhemgha ithulu chekeu kümsüchilelu lo, ikemu itehi Lazarus ye hilau alokughuno shi ani eno no ye ime anie.

Luke 18:22

Kughou Jisü no hi chilu keno, pa vilo pi: “No ye thime lakhi kupu mphie. O mheghi kümtsü jeve no kumlhomiqo tsüvelo, eno no ye kungugha lo O kinikhuki ania ke. Tisheno ighi püzü I papelo.”

Luke 8:18

Tishiaye, no ye kíshi ini acheni keno kutokupui lo. Khuno no ani keno alau tsü nani; khuno no küha keno panongu no kiu ani ipi kümsü ani keno ti ghí ikhipe wuve tsü nani.”

John 11:1

Ike timi lakhi Lazarus ipikeu ye sǜ ae. Pa ye Mary ngò pa tsünipu Martha pama phu Bethany lo ache kemi ke.

John 11:19

eno Jewmi kutomo no ighino Martha ngò Mary pama no apèu kühave keu lo pama lokughuno tsü nike ighi.

John 12:3

Ike Mary no lekitemo keu nard abo chhitoi keu ikhilu, tiye amekusho xokütsüngü ke; li no ti pesü Jisü pukhu lo lepuku tsü no li sà no pa pukhu isüve tsü. Ikelo axokütsüngü xo hu no aki kichhi shive.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

1 Kor. 13:3

I no pighi akeu kümtsü pesü athokhamiqo lau tsüve aghiluvi eno I phimpi pesü pitive peniye ikhiphe pesü tsüve keu lo qheza aghiluvi, ikemu kikimiye küha kelo ni ye kiumu alá shimlae.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.