Luke 10:21 - Sümi Tiqhelimi Bible

²¹ Tipau tüqhüdo lo Aghungu Kimthe vechewo alokivi pesü Jisü hupite tsü, eno pa no ishi pi, “Atsütsǘ eno ayeghi Mpeu, Apùo, I no O sheqhe ani, kughengu nono alokütsümi eno ithisheve kemiqo lau no thime hipaqo küsüpe qhive, eno anuli itimiqo lau tipaqo pephe-piye ke. Iyei, Apùo, hitoi shikeu ye O pulou kiqi lono shikeu ke.

BAIBEL (BSI)

²¹ Tipa dolo Aghungu Kimthe no alokivi pesu Jisu hupitetsu, eno pano pi, “Atsutsu eno ayeghi Mpeu, Apuo, ino oshikimthi ani, kughengu nono thime hipaqo alokutsumi ngo ithishekemi launo kusuluveno, mthakemi lau pephepiyeke. Iye, Apuo, nono hi shitsukeuye tino opulou kehue.

Sumi Naga CL (Re-edited) Bible (BSI)

²¹ Tipa süchedo lo Jisü no Aghungu Kimthe lono alovilu no pi, “Atsütsü ayeghi Mpeu, Apuo, I no O sheqhe akeu ye Nono alokütsümi ngo kighithimi launo thime hipaqo küsüve no itimi kititiqo lau pephetsü ke; iyei Apuo, kughengu hitoi shikeu no O mlokiqipu ke.

Luke 10:21 Iomraidhean Croise

MATTHEW 16:17

Jisü no khochile, “Jonah nu Simon, no ye akümghaue, kughengu hiye timi küdau no O lau pephe ke kumoe, ikemu I pù kungugha lo akeu no ke.

MATTHEW 21:16

Panongu no Jisü vilo iniju, “No ye itimi hipaqo no kiu piani keno chilu ani kema?” Jisü no khochile, “Iyei, ike nongu ye khilemu hi phijumo keshea? “ ‘Itimi ngò angá kughunuqo kichí lono O sheqhe peniye Ampeu nono ku sasü ighike.’ ”

MATTHEW 3:7

Ikemu kughou Phariseemi ngò Sadduceemiqo kutomo no pa no baptiz shi akeu-a küdau chekeu ithulu keno, pa no ishi panongu vilo pi: “Nongu apighitiqo! Khuu no nongu pelo Alhou loghukighide chekeu lono polu penike pikichive kea?

Mark 10:15

Kuchou no I no nongu vilo piani, timi khuu no itimi lakhi toive püzü Alhou kükaphu ikhilumo nike no khilemu Alhou kükaphu lo ilo müla nani.”

Luke 15:5

Eno kughou pa no ti phuluve nike no alokivishi pa bighi lono xapusü

Luke 15:9

Eno kughou ti phuluni keno li no li küsàmi eno akisüghümiqo kukütsü no ishi pi nani, ‘I gholo alovi küqhalo; Ni ye iw pühave keu ghükayi phuluvae.’

John 11:41

Ikehu panongu no atuqu ikhive. Tisheno Jisü no pishipuku ju no pi, “Apùo, nono I kighini chilutsü keu ghenguno O shikimthi.

2 Kor. 4:3

Eno tsalá ningu no kütsü chekeu tsakiviu küzüve aghí namu, tiye pühave akemiqo ghenguno küzüve anike.

Ephesiami 1:11

Pa vechewo ningu ghí kisheluvae, tiye Alhou khuu no pa pulou kimiji gholo puloküqhalu ghi thime kümtsü müla phe acheni keno ningu ye pa kukughu kiqi lono azüu no kughuchho pe qhivae.

Ephesiami 1:5

pa no ningu pelo Jisü Khristo vechewo pa nuli shilu peniye azüu no kughuchho pe qhive ke, tiye pa ghò eno pa pulou kiqi lono ke—