Luke 10:2 - Sümi Tiqhelimi Bible

² Pa no panongu vilo pi, “Ghile hu kepu ye kupukuno shi ani ikemu ajumi ye aghulo likhi anie. Tighenguno ghile Mpeu vilo pa lu lo ajumiqo puhu tsü penike inikhulo.

BAIBEL (BSI)

² Pano panongu vilo pi, “Ghile hukepu kumzapu ani, ikemu ajumi aghuloshi, tighenguno ghile mipeu pelo ajumi pawu ghilelo puhutsu penike inikhulo.

Sumi Naga CL (Re-edited) Bible (BSI)

² Pa no panoqo vilo pi, “Ghile ye apolu kepushi ani, ikemu ajumi no aghulo likhi ani. Tighenguno ghile Mpeu lau Paw ghile lo ajumi puhutsü penike amlo tsüqhiyi khulo.

Luke 10:2 Iomraidhean Croise

MATTHEW 20:1

“Kughengu kungugha kükaphu ye ayeghi pighimi lakhi no pa tsailu lo aqe-piqe nike akümlà kishimi phu niye inaqhe ithe ashou ipekeu hutoi ke.

Mark 13:34

Hiye timi lakhi no kicheghüzü lo wuve niye pa qemiqo lakhi-khi lau akümlà pichebeve keu toi ke, eno ahukikha lo akeu vilo jukuto alo ipikeu toi ke.

Mark 16:15

Jisü no panongu vilo pi, “Ayeghiqha kümtsü lo wulo eno timi kümtsü lau atsakiviu kütsü lo.

Mark 16:20

Tisheno akhopemiqo no chewu püzü aqha kümtsü lo kütsüe, eno Ampeu no panoqo gholo mülà eno pa tsa shikupu akeu shi amichipu kümlàqo mülàe.

Luke 9:1

Kughou Jisü no akhopemi chighikiniqo ku kütsülu keno, pa no tüghaküsaqo kümtsü haphe kulupu eno küsükini shipivi kulupu küká ngò kükagha pesü panoqo tsüe,

Apostolmi 11:19

Stephen pìthíve keu lono pishi-puju ipeghi keu vechewo küpülümi apanaghave kemiqo no Phoenicia, Cyprus eno Antioch kutólo wu no Jewmiqo dolo likhi Alhou tsa pesü külha wove.

Apostolmi 13:2

Panongu no Ampeu sheqhe mülá eno kümvü akelo Aghungu Kimthe no pi, “Barnabas ngò Saul pama ye I no ku pe püakeu kümlà shipe nike ghenguno pama kütashi qhilo.”

Apostolmi 13:4

Pama ye Aghungu Kimthe no pama puwu püzü Seleucia lo iqi eno tilau no zükilu lono Cyprus lo wuve.

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

Apostolmi 22:21

“Tishi no Ampeu no I vilo, ‘Chevelo; I no aghache lo Jewkumomiqo lau O puwu nani ke,’ ipi.”

Apostolmi 8:4

Khunoqo apanagha wukhave keno panongu no khile wu keno tilehi Alhou tsa pesü kütsü.

1 Kor. 12:28

Ike Alhou no akukuhou lo hitoi qhipüatsü ani: atüghishi apostolmi, akiniù shi tungkupumi, aküthüu shi kükütsümi, tithiu no akümzapu kümlamì, tithiu no shikipivi ghò tsüpüa kemi, kuphukulumi, saphekulumi eno amili kithé lono pilu kemi.

1 Kor. 15:10

Ikemu Alhou’w küpükini vechewo I pelo apostolmi lakhi shilu pe ke, eno I lau paw küpükini tsü keu hu ye adou shivemoe. Moe, ni ye panongu kümtsü nguno alau aghime shi mülà acheke—tishiaghimu tiye I no kumoe, ikemu Alhou’w küpükini I gholo achekeu hu no ke.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

FILIPIAMI 2:21

Kughengu Jisü Khristo ghenguno kumo no timi kümtsü pano likhi pano ghenguno alokümsü shi akhani ke.

FILIPIAMI 2:25

Ikemu I no kümsüju kelo I thiküzüu, I gholo mülà küqha akeu eno Khristo tsakiviu qeu aküsàu Epaphroditus khuu nongu ghinikishiu ghí keno, nongu lau puwuve moayesa nani. Pa ye I no avehupu shi akelo tucho penike nongu no puwu keu hu ke.

FILIPIAMI 2:30

kughengu pa ye Khristo kümlapù ghenguno kitila kumo thiveni cheghi ke. Pa ye nongu no I kuphu müla no akeu lo I kuphu niye pa küxü pesü akümsapu lo qhike.

Kolosiami 1:29

Hi ghenguno ni ye Khristo küká I lolo mülà akeu shou pükhübe no shishe ichhe-ime mülà acheni.

Kolosiami 4:12

Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

1 Thes. 2:9

Athiküzümi eno achelimiqo, ningu no ghichhe-ghime shi mülà keu nongu ye mütsümishei ithi anie; ningu ye Alhou tsakiviu pesü nongu lau pikülha ake ghuloki lo khiumu pünanishimo keu ghenguno ningu ye putho-pucho mülà acheke.

1 Thes. 5:12

Athiküzümi eno achelimiqo, ningu no nongu qhüiniju akeu ye, nongu dolo khunoqo no ighono ime mülà acheni, khunoqo no Ampeu je lono nongu tucho acheni eno khunoqo no nongu shika tsü acheni keno panoqo qhoqhü lo.

2 Thes. 3:1

Athiküzümi eno achelimiqo, Ampeu kükütsü sütsa nongu gholo toi papashi külhalu eno gihukulupu shilu penike ningu ghenguno inikhu tsü alo.

1 Tim. 4:10

Tighenguno ningu ye mülà acheni eno pükapütsa acheni, kughengu ningu ye xü akeu Lhou shou ninguw lajupu qhivea ke. Pa ye timi kümtsüw Xakuluu ke, eno akhotoshi pülü chekemiqow Xakuluu ke.

2 Tim. 4:5

Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

Philemon 1:1

Khristo Jisü tsakiviu pikülha keu ghenguno akughu shi akeu Paul eno ningu thiküzüu Timothy lau no, Ningu no kimiye chekeu aküsàu Philemon eno mülà küqha akemi lau—

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

Piyeküsü 2:1

“Ephesus lo akukuhouw kungumi lau yèlu ani: Atsa hipaqo ye au ajeu ayepu tsünì pesü akeu eno ameshoyi no mülà keu akulu ghopeqhi püakeqo dolo alà che akeu tsa ke.