Luke 1:17 - Sümi Tiqhelimi Bible

¹⁷ Pa no Ampeu ghenguno paw timi kutò pe qhini ke Elijah gholo achekeu küká eno ghungu vechewo apùnoqo pelo panongu nuliqo lau amlotsüqhiyilu eno agholumo kemiqo pelo achipiu lokütsü lo ighilu penike Ampeu züu no wu nani.”

BAIBEL (BSI)

¹⁷ Tungkupu Elija kuka kumto toi pano Alhou ghinimi shi wu nani.Pano apuh noqo eno anuliqo saidewo kughokulu shitsu nani. Pano hekibidemiqo amikuchomi kukumsu lalo saideghi nani; eno kutope akeqo Ampeu wu timi shitsu nike hekutsu nani.”

Sumi Naga CL (Re-edited) Bible (BSI)

¹⁷ Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”

Luke 1:17 Iomraidhean Croise

MATTHEW 11:14

Eno nongu no pulolu kepu shi aye, pa ye Elijah ighi nani ipi akeu ke.

MATTHEW 14:4

kughengu John no pa vilo ishi pi ache: “O ghenguno li luni keu ye achipi kumoe.”

MATTHEW 3:3

John ye tungkupuu Isaiah vechewo ishi pipüa keu hu ke: “Küghünamokeu-a lono asütsa lakhi no ishi ighamuku anie, ‘Ampeu ghenguno alaghi ghepe qhitsülo, pa no wu kepu laghi müzüchoi shitsülo.’ ”

MATTHEW 3:4

John’w tiphimini ye sayeshi mhi no mülà keu, eno pa ye ashiyiko pokha no pa chita khapu eno pa ye tülhaqu ngò aghasa lo akhingozü chuche.

Luke 1:16

Pa no Israelmi kutomo panongu Mpeu Lhou lau saideghi nani.

Luke 1:76

“Eno I nu, no ye Alhou Akiqheu wu tungkupu lakhi ipi ku nani; kughengu no ye Ampeu züu no pa laghi ghepe qhini ke wu nani,

John 1:13

panongu no Alhou nuli shilu keu ye timi lhoaye lono punúlu keu kumoe, tikumo no timiw xakütha momu timi pulou lono kumoe, ikemu Alhou vechewo ke.

John 1:34

I no ithuluvea eno thopi shi anike hiye Alhou Nu ke.”

John 3:28

I no, ‘Ni ye Messiah kumoe ikemu ni ye pa züu no puwu ke,’ ipikeu nongu likhi nongu no ashepe shilu nani.

Apostolmi 10:33

Ikehu I no akimighi shi O kuwu peniye timi puwu ke, nono ighive keu no alovae. Itehi ningu kümtsü hilehi Alhou zülo ani, eno ningu ye Ampeu no O vilo ningu lau kiu pilo pi azah tsü keno chilu nike ngokhe anie.”

Rommi 9:23

Pa no hitoi shikeu ye pa juküvü kiní pesü pa no kimiyeqhiyi chekemiqo lau alau vüqai pephe-piye niye ke. Panongu ye pa juküvü ithulu penike ghenguno pa no azüu no kutò pe qhive kemiqo ke.

Kolosiami 1:12

eno Apù khuu no nongu pelo aküvü kükaphu lo paw akimthe timiqo gholo amheghi küsajelu penike nongu pelo aküzüpu shilu pe keno alokiqi shikimthi pesü pa tsü ani.

2 Tim. 2:21

Khunoqo no pano likhi pano pesü inapügha peitha nikeu lono shikimthe pe qhini keno panongu ye paküta keu kimiji ghenguno küghaküsü shi peitha nani. Panongu ye akimthe shive tsü nani eno Ampeu ghenguno peithakulupu shi nani eno akümlà kivi shini keu ghenguno kutokughoi pe qhive nani.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

1 John 2:28

Eno itehi ye, kimiye chekemi anuliqo, pa gholo cheche lo, tishianguno kughou pa no ipeghi keno ningu pelo pa zülo kujovemo no pülüqhiyilu peniye ke.

Piyeküsü 20:4

I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.