Luke 1:1 - Sümi Tiqhelimi Bible

¹ Timi kutomo no ningu gholo thime shikupuve keqo kihikülai yèpeqhi nikeu shiju ke.

BAIBEL (BSI)

¹ Shishe Akiqheu Thiofilos tsa: Timi kutomono tolukivi thaqhulo ningu gholo shivekeu thimeqo ghili yehpe qhinikeu shie.

Sumi Naga CL (Re-edited) Bible (BSI)

¹ Timi kutomo no thime jeli ningu lau shikupuve keqo aboake shi kithipe qhitsüni ye yekümla huthuvae,

Luke 1:1 Iomraidhean Croise

Mark 16:20

Tisheno akhopemiqo no chewu püzü aqha kümtsü lo kütsüe, eno Ampeu no panoqo gholo mülà eno pa tsa shikupu akeu shi amichipu kümlàqo mülàe.

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

Rommi 14:5

Timi khami ghengu ye atsala hami no atsala kütau nguno akimtheu kepi kümsü cheni; kütami ghengu ye atsala kümtsü aphiphi kepi kümsü cheni. Pütüta no alikhi akükümsü lo mutotoi shiluve kepue.

Rommi 4:21

eno Alhou ye pa no kiu piqhi keno tipau shikulupu küká ani kepi tsaqüi pükhübeluve.

Kolosiami 2:2

I kimiji ye panongu pelo amlo shikumtolu eno kikimiye lono küqhalu peniye ke, tishianguno panongu pelo Alhou’w tuqhou, khikhi Khristo ampi keno, tipau kinikülü shi akeu kupukülai shi vethalu peniye ke.

Kolosiami 4:12

Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

1 Thes. 1:5

kughengu ningu tsakiviu ye nongu lau atsa vechewo likhi no ighimo ke ikemu aküka, Aghungu Kimthe eno thonhei keu küpülü ghí pesü ighike. Nongu ghenguno ningu ye kíshi nongu gholo xüache keno nongu no ithi ani.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 6:11

Ningu ye nongu lakhi-khi pelo ashekha kutólo hitoi azükini pìye penishi ani, tishianguno nongu no kiu laju ani keno tipau kuchopu ithilu peniye ke.