James 4:1 - Sümi Tiqhelimi Bible

¹ Kiu ghenguno nongu dolo kiyi eno kütsala cheni kea? Tiye nongu lolo küsakügha kükümsü akeu tipau no aghüshi keu lono ighi cheni ke kumo keshea?

BAIBEL (BSI)

¹ Nongu gholo mutomushu keu ngo kichighikeuye kiulono ipeghi cheni kya? Tipaqoye nongu lolo ngosukumla phimpi sasu tamono kichighi keu lonoke kumo kesha?

Sumi Naga CL (Re-edited) Bible (BSI)

¹ Nongu gholo kighekile keu ngo kichighi keu ye kiu no kea? Ti ye nongu no pitipüza keu no nongu lolo kichighi keu ghenguno ke kumo?

James 4:1 Iomraidhean Croise

MATTHEW 15:19

Kughengu amlo lono alhoküsa kükümsüqo—ghikiqhi, shupu keu, kipito xüküpsa, aküpüka, kichileu shepe eno pipütha keu ipeghi cheni.

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Rommi 7:23

ikemu I lolo ayeza kütau ghí mülà akeu I no ithulu ani. Hipau no I lolo I kükümsü yeza sasü kichighi acheni eno hipau vechewo ni ye axiné yezaw akughumi lakhi shi acheni.

Rommi 7:5

Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

Rommi 8:7

Timi lhoaye no ghasüpe akeu kükümsü ye Alhou ghümi ke; eno tiye Alhou yeza qhoqhü chemoe, momu qhoqhü müla nanie.

Galatiami 5:17

Kughengu timi lhoaye no mine keu ye Alhou Ghungu no shipe nishi keu lau no bidelau ke, eno Alhou Ghungu no shipe nishi keqo ye timi lhoaye no mine keu lau no bidelau ke. Küma ye lakhi no lakhi sasü kichighi acheni ke, tishi keu vechewo nongu pelo nongu no kiu shinishi ani keno tipau shilupemo niye ke.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

2 Tim. 2:23

Nikhanigha eno anikha kikigheqo lo chhosü kevilo, kughengu tipaqo no kiyi-muto keu süghive cheni kepi nono ithi anie.

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

Titus 3:9

Ikemu nikhanigha shi kütsalakile keu eno apù-asü kughuko ghili, eno ayeza ghili kütsala momu kighe keu shi kevilo, kughengu hi kümtsü kiumu alá shilu kepu küha eno avehupu küha ke.

James 1:14

ikemu kughou alikhi ampi no küsakügha shinishikütü keu no pa müsü sasü wuve no pa züluveni keno tipau no panongu ghuju cheni.

James 4:3

Kughou nongu no khuni keno, nongu ye ithulu chemo, kughengu nongu no achipikumo kükümsüqo xapu khu cheni, tishi keu vechewo nongu no kiu lono alokivipu ithulu cheni keno tipau lo puwove niye khu cheni ke.

1 Peter 1:14

Aghokulumi itimi toi shilo, nongu no kümthami küxü lo xüache ke ghuloki lo küsakügha shinishiqhiyi keu nongu lolo achekeu lau puloküqha kevilo.

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.

2 Peter 3:3

Kümtsü nguno akhotoshi, ashekha tsalaqo lo jukünatha chekemiqo no jukünatha ghi pano likhi panow küsakügha kükümsüqo pape ghi ighi nani kepi nongu ye ithi moayesae.