James 3:1 - Sümi Tiqhelimi Bible

¹ I küsàmi küpülümiqo, nongu kutomo no kükütsümi shive kepu kumoe, kughengu nongu no ithi akeu toi ningu khunoqo no kütsü cheni keno ningu ye kütami nguno alau shi mükamüghai küghathabe nani ke.

BAIBEL (BSI)

¹ Ithikuzumiqo, nongu kutomono akukutsumi shikepu kumoe, kughengu nonguno ithi anike ningu khunoqono kutsu cheni keno kutami nguno alau chixechileyi keu pesu ningu shou kughathabe nani.

Sumi Naga CL (Re-edited) Bible (BSI)

¹ I thiküzümiqo, nongu kutomo no shikükami shikepu kumoe, kughengu nongu no ithi anike ningu khunoqo no shika cheni keno, ningu shou pachi küghathabe nani.

James 3:1 Iomraidhean Croise

MATTHEW 10:24

“Kiphimi lakhi ye shikükau shou kumoe, momu aqeu ye ampeu nguno akijeu kumoe.

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

MATTHEW 23:14

“Nongu ayeza kükütsümi ngò Phariseemiqo ghenguno ahaküsapue! nongu kühaküghaqou! Nongu no chimemiqo ki süxaluve cheni eno timi shipe pìye nike ghenguno akighini kushuwa shi acheni. Tighenguno nongu ye shishe aghime kitikhi sholu nani.

MATTHEW 9:11

Kughou Phariseemiqo no ti ithulu keno panongu no Jisü khopemiqo vilo ishi iniju, “Nongu kükütsüu ye kushiye zame küqhami eno axinemiqo gholo chu-sho ani kea?”

Luke 16:2

Tighenguno pa no püghükütsüu ku püzü pa vilo iniju, ‘I no O ghili chilu akeu hiye kiu kea? Ow akümlàqo kihikülai pe I tsülo, kughengu hinguno hilau ye O pelo püghükütsüu shipema ke.’

Luke 6:37

“Küghathabe kevilo, eno O shou küghathabemo nani; kütami pipüsa kevilo, tishianguno O pipüsavemo nani; kütami kipimí qhitsülo eno O kipimí qhivetsü nani.

John 3:10

Jisü no ishi pi, “No ye Israelmi’w shikükau shi püzü thime hipaqo vethalumo keshea?

Apostolmi 13:1

Antioch kukuhou lo tungkupumi ngò kütsü chekemiqo ae. Tiye Barnabas, Simeon tsübui kemi ipi ku chekeu, Cyrene lono ighi keu Lucius, Manaen (khuu angh Herod gholo kümtsa saputhu keno) eno Saul ke.

1 Kor. 12:28

Ike Alhou no akukuhou lo hitoi qhipüatsü ani: atüghishi apostolmi, akiniù shi tungkupumi, aküthüu shi kükütsümi, tithiu no akümzapu kümlamì, tithiu no shikipivi ghò tsüpüa kemi, kuphukulumi, saphekulumi eno amili kithé lono pilu kemi.

2 Kor. 5:10

Ningu lüthü lakhi-khi no ayeghi phimpi hipau lo ache kelo akivi kümlà momu alhoküsa kümlà mülàpüa keu jume ithulu penike ghenguno ningu kümtsü Khristo küghakütha lakhü zülo ighi moayesa nani.

Ephesiami 4:11

Ike Khristo no aghò pesü apostolmi, tungkupumi, tsavipemi, akhemi eno shikükamiqo tsüke,

1 Tim. 1:7

Panongu ye ayeza lo shikükamiqo shinishi ke, ikemu panongu ye kiu piani momu akumto shi kiu pülü cheni keno mthae.

1 Tim. 2:7

Ni ye Jewkumomiqo lau kuchou eno pükhübekulu kütsü pe nikeu kimiji ghenguno kütüghükütsüu eno apostol lakhi shi süküsü shike—ni ye kuchou tsa pi anike thono mikí amoe—eno ni ye Jewkumomiqow kuchou eno pükhübekulu kükütsüu lakhi ke.

2 Tim. 1:11

Eno atsakiviu hipau ghenguno ni ye kütüghükütsüu lakhi eno apostol lakhi eno akükütsüu lakhi shi süküsü shike.

IBRIMI 13:17

Nonguw sakiphemiqo shou pülükibe alo eno panongu kükagha ghokulu shilo, kughengu panongu ye khunoqo no panongu kümlàw kihikülai tsü moayesa cheni keno tipaqo toi nongu shou jukuto acheni ke. Panongu kümlà ye amakho kimshi toimo no alokiqishi shilu penike ghenguno hipau shilo, kughengu tiye nongu ghenguno kiumu alá küha nani ke.

James 1:16

I no kimiye chekemi athiküzümi eno achelimiqo, nongu pishiqhive pe kevilo.

James 1:19

I no kimiye chekemi I thiküzümi eno I chelimiqo, hipau ithilo: Kümtsü no pai chilu nikeu, asheshi no atsa pìní keu eno asheshi no amloide nikeu shilo,

James 3:10

Akichi lakhi lono sheqhe keu eno ghusho keu ipeghi cheni. I thiküzümi eno I chelimiqo, hi shikepu kumoe.

1 Peter 5:3

Nongu pelo tucho-heju peniye pichebetsü kemiqo shou ampeu shi kevilo, ikemu Alhou’w ambe lojiqo zülo xüpiye kemi shilo.