James 2:1 - Sümi Tiqhelimi Bible

¹ I thiküzümi eno I chelimiqo, ningu akughushu Mpeu Jisü Khristo pülü chekemiqo ye agikuju shikepu kumoe.

BAIBEL (BSI)

¹ Ithikuzumiqo, nonguno niMpeu Jisu Khristo, Akimthe jukuvu Mpeu lono akupulu tsuqupe akeulo, nonguye khilemu ashou koghekughu jupesu timi peitha kevilo.

Sumi Naga CL (Re-edited) Bible (BSI)

¹ I thiküzümiqo, nongu no ni Mpeu Jisü Khristo, ajuküvü Mpeu lau aküpülü tsüqüpe akelo khilemu agiju kevilo.

James 2:1 Iomraidhean Croise

MATTHEW 22:16

Phariseemiqo no panongu khopemiqo eno Herod papemiqo puwu no ishi pipe, “Akükütsüu, ningu no ithi akeu ye no ye kikhikighimi eno Alhou laghi kuchou kiqi lono kütsü achenie. No ye kütami no züluve chekemi kumo, kughengu pano ye khuu keno no ye tipau akhotoshi chemo ke.

Apostolmi 10:34

Tile Peter no ishi pithu: “I no itehi no vethalu akeu ye Alhou ye timi kümtsü aphiphi shi peitha acheni ipikeu ye kiutoi kuchou

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 24:24

Atsala hami thiu Felix no pa nipu Drusilla sasü ighi, li ye Jewmi ke. Pa no Paul ku puwu eno Paul no Khristo Jisü pülü akeu ghili kütsü kelo inia.

Apostolmi 7:2

Stephen no khochile, “Athiküzümi eno apùnoqo, I tsa inilo! Ningu papù Abraham no Harran lo wo xü mphi züu Mesopotamia lo ngo aphi lono ajuküvü Lhou no pa lau ipeghi pìye ke.

Rommi 1:11

Ni ye nongu ithulu nishi ani, tishianguno nongu pelo akumto shilu pe nikeu ghungu ghò hami nongu tsü niye ke—

1 Kor. 2:8

Hipau tiqheli yekipemiqo lakhimu ti vethamla ke, kughengu panongu no vethalu ke aye panongu ye ajuküvü Mpeu yedapithive moni cheke.

Kolosiami 1:4

kughengu nongu no Khristo Jisü shou aküpülü akeu eno Alhou’w timiqo kümtsü lau nonguw kikimiye akeu ningu no chilu ke—

1 Tim. 5:21

Alhou, Khristo Jisü eno kungumi kishè kipheqo zülo no agikuju shimo no shikakütsü hipaqo pape pe nikeu, eno agikuju lono kiumu shipemo nike I no O pichetsü ani.

Titus 1:1

Paul, Alhou qeu eno Jisü Khristo’w apostol lakhi, Alhou no kisheve kemi küpülü pekho eno Alhou sükümsa lo sawu chekeu kuchou kighithi—

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

James 1:16

I no kimiye chekemi athiküzümi eno achelimiqo, nongu pishiqhive pe kevilo.

James 1:19

I no kimiye chekemi I thiküzümi eno I chelimiqo, hipau ithilo: Kümtsü no pai chilu nikeu, asheshi no atsa pìní keu eno asheshi no amloide nikeu shilo,

James 2:3

Eno tsalá nono aphimini kivi pepu akeu lau pakütashi amlotsüqhiyi no, “Hilehi O ghenguno alakhü kivi ani,” ipi no athokhau timi vilo, “No ye tilehi puthugho lo,” momu “I pukhu phivilo ayeghi lo iqalo,” ipi aye,

James 2:9

Ikemu nongu no agikuju shi aye, nongu ye axiné shi ani eno ayeza heküxami toi ayeza no nongu akipimí tsü nani.

James 3:17

Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

Jude 1:16

Timi hipaqo ye nhenheshi chekemi eno akipimí phu chekemiqo ke; panongu ye panongu likhi panonguw küsakügha kükümsüqo pape cheni ke; panongu ye pano likhi pano jupe qheza cheni eno panongu ye pano kivipu ghenguno kütamiqo sheqhe cheni.

Piyeküsü 14:12

Hiye Alhou’w timi khunoqo no Alhou zakütsü pape cheni eno Jisü lau amikucho shi cheni keno panongu sheamzü lo kheakulu shi kutuulu peniye piakeu lakhi ke.