James 1:5 - Sümi Tiqhelimi Bible

⁵ Tsalá nono alokütsü mikhe aghí aye, no ye Alhou khuu no kümtsü lau akipimí phumo no tsünishiqhiyi tsü cheni keno pa vilo khu moayesa, eno ti O tsü nani.

BAIBEL (BSI)

⁵ Nongu gholo khamino alokutsu kuha aye Alhou vilo khulo eno tipau pa tsu nanike; kughengu Alhou ye ngukughi sakiyimo puzu letha bethamono kumtsu lau tsu cheni.

Sumi Naga CL (Re-edited) Bible (BSI)

⁵ Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

James 1:5 Iomraidhean Croise

MATTHEW 11:20

Ikelo Jisü no mishiphu khipaqo lo pa no akümzapu kümlà akichiù shi keno tipaqo pipüsa thuve, kughengu panongu no amlo pebidemo ke.

Mark 16:14

Tithiu Jisü no pano chighiqhaqhi no chuqu-kusho shi ake lono panoqo lau ipeghi pìye; panongu küpülü küküha eno amlo kuthò ghenguno pa no xülethuve kethiu khunoqo no pa ithulu keno tipaqo shou pülübemo keu ghenguno pa no panongu lomipie.

John 14:13

Eno nongu no I je lono kiu-kiumu khu keu I no shitsü nani, tishi keu hu no Anu vechewo Apù juküvüpu shipe niye ke.

John 15:7

Nongu no I gholo kimepe aye eno I tsaqo no nongu lolo aye, nongu no kiu-kiumu pulo keu khulo, eno nongu ghenguno tipau shitsü nani.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

2 Kor. 2:16

Pühave akemiqo ghenguno ningu ye akithipu süghi chekeu xokütsüngü lakhi toi ke; eno xaluve kemiqo ghenguno ningu ye aküxüpu süghi chekeu xokütsüngü lakhi toi ke. Khuu no akümlà hipau kupukülai shikulupu kea?

James 1:17

Akivi eno kupukülai keu ghò kümtsü kunguu no, Apù kungugha küvü, khuu yekükhü kikili toi kilive chemo keno pa lau no iqighi cheni.

James 3:17

Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

James 5:16

Tighenguno nongu xinéqo pesü lakhi no lakhi vilo piphe lo eno nongu ye viluve nike ghenguno lakhi no lakhi ghenguno akighini shilo. Amikuchomi kighini lo aküka kijè eno shikulupu anie.

1 John 3:22

eno ningu no kiu-kiumu khu kelo pa lau no ithulu nani, kughengu ningu no pa zakütsüqo pelu cheni eno kiu no pa pulou keno tishi cheni ke.