1 Peter 1:3 - Sümi Tiqhelimi Bible

³ Sheqhe keu pesü Alhou eno ningu Mpeu Jisü Khristo Papù tsü ani! Paw kikimiye kijè lono pa no akithí lono Jisü Khristo xüleputhuve keu vechewo ningu pelo xü akeu lajupu lo punú kitheluve

BAIBEL (BSI)

³ Ningu Mpeu Jisu Khristo paPu Alhou shikimthilo! Kughengu pano kimiyeqhiyi kehu akithi lono Jisu Khristo xuchile puthu vekeu vechewo ninguye xuakeu lajupulo akuxu kithe shiluvae,

Sumi Naga CL (Re-edited) Bible (BSI)

³ Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 Peter 1:3 Iomraidhean Croise

John 1:13

panongu no Alhou nuli shilu keu ye timi lhoaye lono punúlu keu kumoe, tikumo no timiw xakütha momu timi pulou lono kumoe, ikemu Alhou vechewo ke.

Rommi 12:12

Lajupu akeu lo alovilo, aghime lo kutuu lo, akighini lo amlotsüqhiyi shilo.

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 4:25

Pa ye ningu xinéqo ghenguno akithí lau ikhiphe pe tsüve ke eno ningu pelo achipikalu pe nikeu ghenguno xüputhuveke.

Rommi 5:10

Kughengu tsalá ningu no Alhou ghümi shi aphi lo thotsü pa Nu kithí vechewo pa sasü külashilu aye, ningu ye külashiluva ake tinguno alau pa küxü vechewo ningu süsholu nani.

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

Rommi 8:24

Kughengu lajupu hipau vechewo ningu xalu ke. Ikemu ithuluve keu lajupu ye lajupu kumovae. Kughengu khuu no ithuluve keu thime shou lajupu qhicheni kea?

1 Kor. 13:13

Tishiaye thime hipano küthü ani: aküpülü, lajupu, eno kikimiye. Ikemu hipaqo gholo akiqheu ye kikimiye ke.

1 Kor. 15:20

Ikemu Khristo ye mütsüqhei no akithí lono xüputhuvae. Pa ye kithimi xüputhu niye akemiqo dolo amsüu ke.

2 Kor. 1:3

Alhou eno ningu Mpeu Jisü Khristo Papù Alhou, kimiyeqhiyi keu apù eno alokughuno kümtsü tsü chekeu Lhou sheqhe ani.

Galatiami 6:16

Ayeza hipau papelu kemi eno Alhou’w timi Israelmi kümtsü lau alokiqi eno kimiyekini apeniu.

Ephesiami 1:17

Ni ye ningu Mpeu Jisü Khristo Lhou, ajuküvü Apù pelo alokütsü ngò piyeküsü Ghungu nongu tsü penike inikhu acheni, tishianguno nongu pelo akivishi pa ithi peniye ke.

Ephesiami 1:3

Alhou eno ningu Mpeu Jisü Khristo Papù khuu Khristo lono kungugha kükaqha lo aghungu kükümgha jeliqo kümtsü pesü ningu tsü keno pa sheqhe ani.

Ephesiami 1:7

Ningu ye pa jì vechewo xachilekulupu eno axiné qhitsükulupu ani, tiye Alhou’w küpükini kupukunoi akeu puloküqhalu keu lono

Ephesiami 2:4

Ikemu paw kikimiye kijè ningu ghenguno akeu vechewo Alhou khuu kimiyeqhiyi keu lo kinikülü keno,

Ephesiami 3:20

Itehi ye Alhou khuu pa küká ningu lolo akümlà shi akeu kiqi lono ningu no khu keu momu kümsü keu nguno alau kimghi kümlapú kutólo shikulupu ani keno,

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

1 Thes. 4:13

Athiküzümi eno achelimiqo, ningu ye nongu pelo kithimi ye kíshivea kela ipi avehuizü penishi amoe. Tishianguno nongu pelo lajupu küha kemiqo toi amlokighishi shi apemo niye ke.

2 Thes. 2:16

Ningu Mpeu Jisü Khristo ampi no eno ningu Papù Alhou khuu ningu kimiye eno paw küpükini vechewo lhokta shikumtokütsü eno lajupu kivi ningu tsü keno,

1 Tim. 1:14

Khristo Jisü gholo aküpülü eno kikimiye akeu gholo no ningu Mpeu’w küpükini I lau kupukuno shi lepuku tsüke.

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

James 1:18

Pa no kuchou tsa vechewo ningu punukithelu peniye kishelu ke, tishianguno ningu pelo pa no lhosü keu jeli kümtsüw amsüu xathiqo shilu peniye ke.

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

1 Peter 1:21

Pa vechewo nongu no Alhou khuu akithí lono Jisü xüputhu no pa juküvü shitsü keno pa shou pülü ke, ike tighenguno nongu küpülü eno lajupu ye Alhou lau anike.

1 Peter 1:23

Kughengu nongu ye tsümave nikeu piti kumo no tsümavemo nikeu piti, tiye xü akeu eno pühavemo nikeu Alhou tsa vechewo punú kitheve ake.

1 Peter 2:2

Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

1 Peter 3:15

Ikemu nongu mlo lo Khristo ye Ampeu kepi gihu lo. Nongu no lajupu akeu kiqi iniju kemi kümtsü vilo khochile tsüní ke alhokuthu lo kutò pe alo. Ikemu iqüighai eno agigihu,

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

1 Peter 3:5

Kughengu khaghi akimthemi totimi khunoqo no Alhou shou panonguw lajupu qhiche keno panongu ye hipau ghola lono pano likhi panongu nanu shiche ke. Panongu ye pano likhi panongu pesü panongu kimi qhoqhü cheke,

1 John 2:29

Tsalá nongu no pa ye amikucho kepi ithi aghí aye, khukhumu kiu no achipi keno tipau shi chekemi ye pa vechewo punuluvea kepi nongu no ithi ani.

1 John 3:3

Pa ye akimthe kehu pa shou lajupu qhi kemi kümtsü panongu likhi panongu shikimtheve cheni.

1 John 3:9

Khukhumu Alhou lau no punú kitheve kemi ye axiné shiauve chemoe, kughengu Alhou tsa no pano lolo acheni ke; panongu ye axiné shiauve mülae, kughengu panongu ye Alhou lau no punú kitheluvea ke.

1 John 4:7

Kimiye chekemi shompamiqo, ningu lakhi no lakhi kimiye kileni nolo, kughengu kikimiye ye Alhou lau no ighi cheni. Khunoqo no kimiye cheni keno panongu ye Alhou lau no ighike eno Alhou ithi akemi ke.

1 John 5:1

Jisü ye Khristo kepi pülü chekemi kümtsü Alhou lau no ighi keu nuliqo ke, eno apù kimiye chekemi kümtsü pa nuliqo ghí kimiye acheni.

1 John 5:18

Ningu no ithi akeu no khukhumu Alhou nuli shiluve kemi ye axiné shiauve chemoe; Timi khuu no Alhou nuli shiluvea keno tipaqo ye süsho pe qhive cheni, eno küsaküghau hu ye panongu shipüsa müla nani.

1 John 5:4

kughengu Alhou lau no punúve kemi kümtsü ayeghiqha theqhilu cheni. Ningu küpülü vechewo ayeghiqha shou theqhikulu shilu keu ghí tokulu hipau ke.