San Mateo 2:2 - Sug Begu Ne Keligenan

² Miksaaksaak ilan, “Ta' ma sug bata' neng mi'etaw ne gari' ne ngag Judeo? Mi'ita' nami sug bituunen ritu sek sebangan bu' mirini ami arun sek peksimba ri seniin.”

San Mateo 2:2 Iomraidhean Croise

San Mateo 2:3

Na, sek pekerengeg run nini ni Gari' Herodes, migulesan giin bu' su dlaun ne nga getaw sek tibuuk neg Jerusalem.

San Mateo 21:5

“Esuyay niyu su nga getaw ri sek siyudad nek Zion, enlengay niyu, su Gari' niyu mikpagaw riin seniyu! Melipebeba'en giin bu' meksakay giin se gasnu, bu' seng nati ne gasnu!”

San Mateo 27:11

Na, migindeg si Jesus seng metungenga'an se gobernador seg Roma neng miksaak ri seniin, “Dya'a ba su gari' ne ngag Judeo?” “Tinalu' mu na,” miksembag si Jesus.

San Lucas 19:38

“Pengumpiyanan ned Diwata su gari' neng mirini se ngalan ne Ginu'u! Duuni kelinaw riin se dlangit! Bu' pesiddengeg ritu sed Diwata!”

San Lucas 2:11

Se gebii keni, migegetaw na ritu se dlunsud ni David sung Menleluwas. Giin si Christ ne Ginu'u.

San Lucas 23:3

Aas sinaakan giin ni Pilato, “Dya'a ba su gari' ne ngag Judeo?” “Dya'a na sung miktalu' run,” sembag ni Jesus.

San Lucas 23:38

Bu' duunig binetang nilan ne karatula ritu sed dibabaw ne guluun: “Giin nini su Gari' ne ngag Judeo.”

San Juan 1:49

Miksimbag si Natanael “Rabi, dya'a sug Bata' ned Diwata! Dya'a su Gari' seg Israel!”

San Juan 12:13

Aas minguwan ilan ne ngak paka nek tepisa, bu' minggawas arun sek peksungkak ri seniin bu' mimbeksay, “Siya'en ta sud Diwata! Pengumpiyanan ned Diwata giin neng mirini ri se ngalan ne Ginu'u! Pengumpiyanan ned Diwata su Gari' seg Israel.”

San Juan 18:37

Aas miktalu' si Pilato ri seniin, “Gari'a ba, rekay?” Sinembag giin ni Jesus, “Miktalu'a ne gaku' gari'. Seng maa' nini, mi'etawu bu' miriniu seg benwa arun mekpemetuud ri se kemetuuran. Su kada sala ned diin se kemetuuran minginengeg ri senaan.”

San Juan 19:19

Bu' miksulat si Pilato nek pesuun bu' pibetangen ini tu se krus ni Jesus. Giin nini suk sinulaten: “Si Jesus nek taga Nazaret, su Gari' ne ngag Judeo.”

San Juan 20:28

Miktalu' si Tomas ri seniin, “Ginu'uu bu' Diwatau!”

San Juan 5:23

arun su dlaunen mekpesiddengeg ri seg Bata' maa' sek pekpesiddengeg nilan ri se Gama'! Su genda' pekpesiddengeg tu seg Bata', nda' remaik pekpesiddengeg riin se Gama' neng miksugu' riin seniin.

San Juan 9:38

Miktalu' rayun su getaw, “Ginu'u, miktu'uu seni'a!” Bu' middempug giin sek peksimba ri seniin.

Hebreo 1:6

Ma'ad sek pawit na ned Diwata su guna neg Bata'en rini seg benwa, miktalu' giin, “Kina'enlan meksimba ri seniin su dlaun ne ngag anghel ned Diwata.”

Pirayag 22:16

“Gaku', si Jesus, miksugu' seg anghel'u sek pekpesuun se ngag betang keni ri seniyu nga dlumpuk ne ngang mektetu'u. Gaku' su gasal ni David; Gaku' sung mesanag nek pemulaw.”