San Mateo 18:3 - Sug Begu Ne Keligenan

³ bu' miktalu', “Sek pekemetuud esuyan'u amu, gawas bu' me'eseb sug betasan niyu bu' mbaal amu seng maa' ne nga gembata', ndi' amu gaid mekeruma ri se nga getawan nek pidlegesegan ned Diwata.

San Mateo 18:3 Iomraidhean Croise

San Mateo 13:15

tendeng ay su nga gena'ena' nilan ndi' ma mekesabut, bu' tinempengan su ngak telinga nilan bu' pinereng su ngang mata nilan. Gena' ne gendi' nilan liyagan, ma'ad isan pesi' liyagan nilan mekerengeg bu' mekiita', ndi' nilan mbaal ini, bu' mpuli' ilan ri senaan, miktalu' sud Diwata, bu' pe'uli'an'u ilan.’

San Mateo 18:2

Bu' miktawag si Jesus sek sala neg bata' bu' pi'indegen nini riin seng metungenga'an nilan,

San Mateo 18:4

Aas su dlabi ne gimpurtanti tu se nga getawan nek pidlegesegan ned Diwata giin sung mekpebaba' ri se gegulingenen bu' mbaal neng maa' neg bata' keni.

San Mateo 19:14

Miktalu' si Jesus, “Tugutay niyu su ngang mekiika' ne nga gembata' neng merini senaan, bu' ndi' niyu ilan pegengay, tendeng ay maa' ne nga getaw keni misakup ri se ngak pedlegeseg ned Diwata.”

San Mateo 19:23

Miktalu' rayun si Jesus tu se ngak tinu'unaan, “Esuyan'u amu seng metuud, melised gaid sek sala ned datu' sek pegilala sed Diwata gisip Gari'.

San Mateo 5:18

Pegena'ena' niyu gupiya, isan me'alep ma su dlangit bu' su dlupa', mekpebilin gaid isan sung miika' gupiya ne dlitra awas kudlit riin se Kesugu'an. Su dlaun neng misulat ri se Kesugu'an keni kina'enlan metuman.

San Mateo 5:20

Telu'an'u amu, mekeseled amu ri sek pedlegeseg ned Diwata bu' metinumanen amu pa kampuun ri se ngang Mentetendu' se Kesugu'an bu' ngak Pariseo sek pegbaal se ngak sugu' ned Diwata.”

San Mateo 6:16

“Na, bu' seng mekpu'asaa, ndi'a pegu'ul maa' seg binaal nu ngang mikpelaunglaung, ay pisaddan nilan su gawi' nilan sek pekpe'ita' ri se nga getaw neng mikpu'asa ilan. Telu'an'u amu seng metuud, mirawat na nilan su ganti nilan.

San Mateo 6:2

“Aas bu' megbegay amu ne gabang tu se ngak pupus, ndi' niyu ini pesigarbu maa' nu ngang mikpelaunglaung neng megbaal run nini riin sek seled nek pektipungan ne nga getaw bu' ri se ngag bebiyanan, arun siya'en ilan ne nga getaw. Sek pekemetuud, telu'an'u amu, mirawat na nilan su ganti nilan.

San Mateo 6:5

“Bu' seng megampu' amu, ndi' niyu baalay sug binaal nu ngang mikpelaunglaung ay liyagan nilan neng megampu' riin se ngak pektipungan nu nga getaw bu' ri se ngak selengayan ne ngad dalan arun me'ita' ilan ne nga getaw. Sek pekemetuud telu'an'u amu, mirawat na nilan su ganti nilan.

San Marcos 4:12

arun, ‘Isan kanunay ilan megenleng, ma'ad ndi' ilan mekiita'; bu' isan kanunay ilan menginengeg, ma'ad ndi' ilan mekesabut. Ay bu' mekesabut ilan, mekeddiksu' ilan, bu' pasayluun ilan ned Diwata.’”

San Lucas 13:24

“Aas, penamal amu gaid sek pekseled seng mesikut ned dungawan tendeng ay melauning menantu sek pekseled ma'ad ndi' ilan mekeseled.

San Lucas 22:32

Ma'ad migampu'u para ri seni'a, Simon, arun ndi' meluya suk pektu'u mu. Bu' mpuli'a na ri sek pektu'u mu ri senaan, ligenen mu suk pektu'u ne ngak sementaun mu.”

San Juan 1:51

Bu' miktalu' pa gaid si Jesus ri senilan, “Sek pekemetuud, asuy'u ini ri seniyu neng matengi gendaw neng me'ita' niyu ne mpuka su dlangit maa' sek pekpuka niyu ri sed dungawan niyu bu' me'ita' rema niyu su ngag anghel ned Diwata neng mekperitaas tu se dlangit bu' mekpebaba' rema ri seg Bata' ne Getaw.”

San Juan 3:3

Miksembag si Jesus riin seniin, “Sek pekemetuud, esuyan'u dya'a: nda'iruning mekiita' sek Pedlegeri'an ned Diwata gawas seng me'etaw giin puli'.”

San Juan 3:5

Miksembag si Jesus, “Sek pekemetuud esuyan'u dya'a, nda'iruni getaw neng mesakup sek Pedlegeri'an ned Diwata bu' ndi' giin me'etaw ri sek tubig bu' Gispiritu.

Su Ngak Pimbaal 14:22

Pimpeligen nilan su ngang mektetu'u bu' inulikseg neng mekpebilin gaid ri sek pektu'u. “Kina'enlan mbiyanan ta sung melaun ne nga keliseran sek pekseled ri sek pedlegari' ned Diwata.”

Su Ngak Pimbaal 28:27

tendeng ay metegasi nga gulu ne nga getaw keni, bu' tinampeng nilani ngak telinga nilan bu' pinereng nilaning mata nilan. Ay ali' bu' mekiita' ra siya sung mata nilan, bu' mekerengeg ra siya su ngak telinga nilan, bu' mekesabut ilan ra siya, bu' mekeddangep ilan ri senaan, miktalu' sud Diwata, bu' pe'uli'an'u ilan.’”

Su Ngak Pimbaal 3:19

Aas meddiksu' amu bu' puli' amu ri sed Diwata arun mpasayluun amu ri se ngak sala' niyu. Bu' baalen niyu ini, begayan amu ne Ginu'u ne ngag begu nek sekeg bu' sugu'en rayun riin seniyu sung Misiyas, si Jesus nek pinili'en na para riin seniyu.

1 Corinto 14:20

Nga kepeteran, ndi' amu mengmaa' se gembata' ri sek pegena'ena' niyu. Kina'enlan maa' amu ne nga gembata' ne genda'ig be'eten metendeng seng melaaten. Ma'ad sek pengena'ena' niyu, maa' amu neng metandeng.

1 San Pedro 2:2

Maa' ne ngag bata' neg begu megegetaw neng migangut medduru' ri se gatas ne gina'en, kina'enlan rema neng megangut amu neng mekiinum kanunay ri se gispirituhanen ne gatas ne giin sung metuud nek Talu' ned Diwata arun tumubu' amu bu' meluwas.

2 San Pedro 1:11

Tendeng seng maa' nini nek pekebiyan, begayan amu seg hingpit ne ketenged sek pekseled ritu se genda'iruni gekteben nek Pedlegeri'an se Ginu'u ta bu' Menleluwas ne si Jesus Christ.