San Lucas 9:6 - Sug Begu Ne Keligenan

⁶ Bu' migawa' su ngak tinu'unaan bu' minlaang, linaup nilan su ngag binaryuwan. Migwali ilan se Gempiya ne Gesuyen bu' mimulung ilan tu se nga getaw se gaap ne dlugar neng milawan nilan.

San Lucas 9:6 Iomraidhean Croise

San Marcos 16:20

Bu' su ngak tinu'unan minlaang bu' minintulu' isan ta' ne dlugar, bu' inebangan ilan ne Ginu'u bu' suk pekpenintulu' nilan mipemetuuran neng metuud pebiyan se ngang milagru neng mibaal nilan.] (v 9) [Miritu rayun su nga dlibun tu ni Pedro bu' tu se ngak sambaten bu' migbegay senilan se gempelek ne gesuyan se dlaun nek tinalu' senilan. (v 10) Dluwat ini, pinawit ni Jesus pebiyan se ngak tinu'unaan buwat sek sebangan pagaw sek sindepan sug bala'an bu' nda'iruni kemetain neng minsahi se keluwasan ne genda'i gekteben.]

San Lucas 8:1

Se genda' mpayat, miritu si Jesus se nga dlinunsuran bu' se ngag binaryuan ne ritu migwali giin se Gempiya ne Gesuyen metendeng ri sek pedlegari' ned Diwata. Duma ni Jesus suk sepulu' bu' ruwa' ne ngak tinu'unaan,

Su Ngak Pimbaal 4:30

Etat mu su gemeg mu sek pekpetelen bu' tugut mu ne mbaal siya su ngag betang ne ketingelaan bu' milagru pebiyan ri se ngalan neg bala'an nek Sesugu'en mu ne si Jesus.”

Su Ngak Pimbaal 5:15

Tendeng se ngag binaal ne nga gapustulis, su ngang minlaru pinguwit nilan ri se ngad dalan bu' binelilid nilan ri se ngag beliliran bu' dendam ali' bu' me'eleman ne dlingaw ni Pedro saanay miyan giin.