San Lucas 7:16 - Sug Begu Ne Keligenan

¹⁶ Bu' su dlaun ne nga getaw neng mikiita', mi'endekan gupiya bu' sinaya' nilan rayun sud Diwata. “Su ge'eman nek propeta keni na senita!” laung nilan, “Minateng na sud Diwata sek pedluwas senita.”

San Lucas 7:16 Iomraidhean Croise

San Mateo 15:31

Mitingala gaid su nga getaw sek pekiita' nilan se nga gugel neng mikegabit na, su ngak pingkaw neng mi'uli'an na, su ngag bekul neng mikedlaang na, bu' su ngag buta neng mikiita' na; bu' sinaya' nilan sud Diwata seg Israel.

San Mateo 21:11

Miksembag su nga getaw, “Giin si Jesus! Giin suk propeta neg buwat seng Nazaret nek sakup se Galilea.”

San Mateo 28:8

Aas mimagas ilan megawa' tu se dlebengan ned duuni keendek duma se gembagel ne dleliyag, bu' minggebek ilan arun esuyan su ngak tinu'unaan.

San Mateo 9:8

Sek pekiita' run nini ne nga getaw, minendek ilan, bu' sinaya' nilan sud Diwata tendeng sek pegbegain seng maa' nini ne ketenged tu se nga getaw.

San Lucas 1:65

Minendek su ngak sumbalay nilan, bu' su gesuyan metendeng se ngag betang keni mirepet tu se nga getaw ditu seg binenturan neg Judea.

San Lucas 1:68

“Siya'en ta su Ginu'u, sud Diwata neg Israel! Mirini giin arun sek pegabang tu se nga getawaan bu' pekpegawas senilan.

San Lucas 19:44

Pepasen bu' pemetain su nga getaw neng mikengel riin se dlugar niyu. Bu' nda'irun isan sala neg batu neg bilinen nilan seng mibetangan run nini, ay nda' niyu ilelaay suk panahun neng mirini sud Diwata arun sek pedluwas ri seniyu.”

San Lucas 2:20

Minuli' su ngang menggegingat ne karniru neng miksaya' riin sed Diwata bu' migasuy tu se ngang mekelengas ne ngag betang metendeng ri seniin. Su dlaun neng mirengeg bu' mi'ita' nilan metendeng sek tinalu' ri senilan nug anghel.

San Lucas 24:19

Miksaak si Jesus ri senilan, “Landun ma ne ngak penghitabu'ay run?” “Su ngag betang metendeng riin ni Jesus nek taga Nazaret,” miksembag ilan. “Getaw keni propeta bu' ge'eman giin ri sek pengenleng ned Diwata bu' ri se nga getaw ri se dlaun neg betang neg binaalen bu' sek tinalu'en.

San Lucas 5:26

Rayun su nga getaw ritu mitingala! Sinaya' nilan sud Diwata bu' mi'endekan gupiya, laung, “Ketingelaan gupiya su ngang mi'ita' ta nandaw.”

San Lucas 5:8

Sek pekiita' run nini ni Simon Pedro, miginlulud giin ri seng metungenga'an ni Jesus, laungen, “Pelayu'a ri senaan, Ginu'u! Mekesesala'u ne getaw!”

San Lucas 7:15

Bu' sug bata' migingkud bu' migabit. Binegay rayun giin ni Jesus tu se gina'en.

San Lucas 7:39

Bu' sek pekiita' run nuk Pariseo neng migenggat riin ni Jesus, miktalu' giin ri se gegulingenen, “Bu' getaw keni metuud pa nek propeta, mesuunaan siya bu' laa libunay run nini neng migikap ri seniin bu' gendun kelaat su ketubu'en.”

San Lucas 8:37

Bu' su dlaun ne nga getaw neng mikengel se nga dlugar nek sakup ne Gerasa, migandyu' riin ni Jesus neng megawa' giin ritu tendeng ay minendek ilan gupiya. Aas sinumakay si Jesus sek sekayan bu' migawa' ritu.

San Lucas 9:19

Bu' miksembag su ngak tinu'unanen, “Sud duma ne nga getaw miktalu', dya'a raw si Juan neng Membebendyag. Sud duma miktalu', dya'a raw si propeta Elias. Bu' sud duma pa gaid miktalu', salaa raw se ngak propeta nud diin neng mitubu' puli'.”

San Juan 1:21

Bu' miksaak ilan puli', “Lama run rayun? Dya'a ba si Elias?” Bu' miksembag si Juan, “Gena'u si Elias.” Miktalu' ilan puli', “Propetaa ba?” Bu' miksembag giin, “Gena'.”

San Juan 1:25

bu' sinaakan nilan rayun si Juan, “Lama membendyag'a run se nga getaw bu' gena' dya'a sung Misiyas awas si Elias awas suk propeta?”

San Juan 4:19

“Sir,” miktalu' su dlibun, “Misabut'u ne dya'a propeta.

San Juan 6:14

Rayun sek pekiita' ne nga getaw se ketingelaan neg binaalen, miktalu' ilan, “Giin na gaid ini sung metuud nek propeta nek pirateng ta neng merini seg benwa.”

San Juan 9:17

Rayun, miksaak ilan puli' tu se getaw neg buta nud diin, “Lama run maing metalu' mu metendeng ri seniin tendeng ay pitelenen ma su ngang mata mu?” Miksembag giin, “Propeta giin.”

Su Ngak Pimbaal 5:5

Sek pekerengeg run ni Ananias, mibuksak giin bu' minatay; bu' su dlaun neng mikerengeg run nini minendek gaid.

Su Ngak Pimbaal 7:37

Giin rema sung Moses neng miktalu' se nga getaw Israel, ‘Sud Diwata meksugu' riin seniyu nek propeta, maa' sek peksugu'en ri senaan, bu' giin suk sala ned diin pegbuwat seniyu.’

Galacia 1:24

Aas sinaya' nilan sud Diwata tendeng ri senaan.